|
توفت أمه وكتب قصيدة تبكي من لا يبكي السلام عليكم لم تكن ردت فعلي على ما قرأت إلا دموعي فأحببت أن أنقل لكم ذلك اقرءوا معي ما كتبه هذا الشاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده هذي: يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله ...... وفقني الله واياكم لما يحب ويرضى ولا تنسوني من خالص الدعاء... |
قصيده مؤثره جداً ... الله يرحم امه ويصلحه ... |
يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني رحمها الله وأسكنها ربي فسيح جناته وجعل قبرها بإذن الله روضة من ريااض الجنة قصيده ؤثررره جدا جدا جدا ( الأم نعمة ) |
تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات يالله قصيدة من اولها لاخرها حزينه ومؤثره ومؤلمه وعبارتها قويه فيها حزن فيها ألم فيها حرقة فيها ندم فيها كل تعابير السواد الله يرحمها ويغفر لها ويعوضه ان شاء الله وتكون وفاة أمه بداية هدايته وصلاحه وعسى أن تكرهوا شيئا وهو خير لكم الان جاء دور البر بعد الوفاة بالدعاء لها والتصدق عنها وزيارة من تحب من اقارب واصدقاء والبر بهم الله يرزقنا واياكم البر بوالدينا وان يجعلنا من المهتدين يارب العالمين والله ها لقصيدة يبي لها مليون قناة دمعيه من جد من جد مبكية حتى الصداع الله يجزاك خير يارب ويرزقك الهداية والصحه والعافية يارب |
الله يرحم امه ويرحم اموات المسلمين يارب واجعل قبورهم روضة من رياض الجنان ولا تجعله حفرة من حفر النيران امـين |
قصيده مؤثره جداً ... الله يرحم امه ويصلحه ... |
الله يرحمها ويلهمه وأهله الصبر والسلوان |
أقسم بالله هلت دموعي... والله أحزنتني القصيده...حسبي الله ونعم الوكيل انا شاب مغترب...وبار بوالدي ان شاء الله وهم الان أحياء يرزقون بفضل الله... لكن ورب البيت انه تمنيت ان لم ادخل الموضوع بتاتا...فوالله لقد حزنت لبعدي عن أمي وابي علما بأنهم كبار في السن.. لا حول ولا قوة الا بالله... رحمها الله وصبر ابنها على ما به.... أخوك... يوسف العسيس - بريطانيا |
قصة حزينة والله يرحمها امه !! |
| الوقت المعتمد في المنتدى بتوقيت جرينتش +3.
الوقت الان » 03:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd