|
** اعارة اللاعب عبد الله الجمعان الى نهاية الموسم ** - العنوان الساخن هو أعظم عنصر في الموضوع يجعل المتصفح يدخل مباشرة الى الموضوع - - فاذا كنت ممن انجرف نحو العنوان فأهلا وسهلا بك وتفضل بالقراءة وبهدوء وبدون ضجيج !!_________________________________________________________________________ - الحارس + الدفاع + الوسط + الهجوم : عناصر عماد الفريق المتكامل اذا ما كانوا على مستوى كفؤ من لاعبين أو مدربينهم ! - سندرس في هذا الموضوع العنصر الأهم من هذه العناصر وهو الهجوم وبالتحديد في النادي المتكامل وهو النادي الهلال السعودي ! - ياسر القحطاني , سامي الجابر , محمد العنبر , أحمد الصويلح , بدر الخراشي , (عبدالله الجمعان) هم مؤسسوا هجوم هذا النادي والمتكون من فريقين أول وأولمبي ! - وبالنظر الى هؤلاء اللاعبين نجد أن من مثل النادي منهم : سامي وياسر والعنبر والصويلح والخراشي ! اذا بقي عنصر لم يمثل النادي وهو عبد الله الجمعان ! - سؤال يتبادر الى الأذهان أين هذا العنصر عن بقية العناصر ؟ والجواب انه موجود ولكنه لا يشارك , لماذا ؟ والجواب لأن العناصر الأخرى قد شغرت المكان المهم وهو الهجوم ! - سننتقل الآن الى نظام من أنظمة الاتحاد السعودي وهو ما يسمونه : الاعـــــارة ..... لا أحتاج الى الحديث عنه ولكن سأذكر بالنظام الحالي ( تحق الاعارة بين الأندية السعودية وهي مفتوحة عى مدرا الموسم ) - أعود الى الجمعان زبدة موضوعنا ..... لاعب ذو مقومات جسمانية ممتازة وذو قدم وتسديدات قوية ومهاجم من الطراز الجيد جدا مرتفع ! - ألا يحق للاعب بهذه المواصفات أن يمثل الفريق ؟ الجواب نعم ولكن هناك من يمنع مشاركته من وجود لاعبين في نظر المدرب أفضل منه من يشغل مركزه ويبقى هذا الاعب جليسا لكراسي الاحتياط ! - ان الانتظار الطويل والممل لهذا الاعب للمشاركة قد يجعله وبلا أدنى شك قد يمل (ويطفش ) من الجلوس وانتظار المدرب لاقحامه في اللعب ولا تنسى بأن هذا اللاعب يتدرب مع الاعبين مثله مثل الاعبين المشاركين ويجد نفسه لا يشارك اذا ! - لهذه المشكلة الكبيرة حلول كثيرة سأبرز أفضلها وأجدرها بالتنفيذ وهي كمجرد اقتراح بسيط مني لهذا النادي العريق والشامخ بعناصره أجمعها : 1- اعطاء الفرصة للجمعان من قبل المدرب للمشاركة في عدد من المباريات (لا تقل عن مبارتين) لمعرفة جاهزيته ومدى نفعه وحاجة الفريق له . 2- وهو أهم وأميز الحلول ( اعارة اللاعب الى نهاية الموسم المنصرم لأي نادي من الأندية التي يجمع بينها وبين نادي الهلال علاقة صداقة ومحبة ) على سبيل المثال ( الوحدة - الشباب - الأهلي - الطائي - النصر - .....) ** من الفوائد التي سجنيها النادي با تخاذه هذا الحل المناسب للاعب : 1- عودة حيوية الاعب والمتمثله في مشاركته على أرض الميدان . 2- عودة الاعب القوية لناديه بعد انتهاء فترة اعارته . لأنه سيحاول أن يطور من مستواه ولياقته . 3- نفيد غيرنا من الأندية والتي قد تكون في أمس الحاجة الى مهاجمين . 4- قد نستفيد نحن من النادي الآخر عن طريق مبادلة لاعب بلاعب آخر . _______________________________________________________________________________ - من أقرب الأمثلة لهذا الحل ........... اعارة اللاعب طلال المشعل ( من الاعبين المميزين) من النادي الأهلي الى شقيقه نادي النصر ........... بعد رغبة الاعب في اللعب وعدم الجلوس دائما على المقاعد بدون لعب وهدر جهد التمارين اليومية ( وهي حالة مشابهة تماما للجمعان ) - فلماذا لا نكون مثل شقيقنا النادي الأهلي ونقوم با تخاذ هذه الخطوة الجريئة والناجحة . لكم حبي وتقديري ,, |
لاوألف لا ( لان نفرط في النجم عبدالله الجمعان ) |
لالالالالالالالا فيه فرق المشعل مواظب على التمارين ماهو راعي مشاكل بس بارد جدا جدا جدا جدا في الملعب الجمعان والله لو ينضبط ان يكون من افضل المهاجمين في السعودية لاعب بنيته الجسمانيه ممتازه ارتقائه ممتاز ضرباته الراسية ممتاز على رجل تشكي بس لو يوزنها شوي هو الحين منضبط بس الله يستر من القادم اذا انضبط يزعل علشانه مايلعب .... بس الله يعينه يصبر شوي والفرصه بتجيه (الصبر مفتاح الفرج) |
من جدك انت؟؟؟؟ لو لو واقول لو اخذنا على كلامك ترى الاعب معاد هوب صغير! وش اللي يرجع ويطور مستواه ههههههههههههههه |
مستحيل المدفعجي يطلع من الهلال |
حبيبي بالله كم حرارتك ؟؟ أكيد مسخن ؟؟ إي والله إنك مسخن يا تستهبل !!! بالله تبينا نفرط في نجم مثل عبدالله الجمعان !! حبيبي طيييييييييييييييييييييييييييييييييييييييييييييييييييييييير!!! |
تعرفون يا شباب وش المشكلة ان الواحد فينا دايم ما يفكر بعقله للأسف يحكم الهوى وأنا أدري انكم تبون الجمعان وما تبون تفرطون فيه وحتى أنا يعني أنا مثلا ما أبي الجمعان ! من كلامكم تقولون حنا مانبي نفرط في الجمعان وأنا قلت خلنا نبيعه ! أنا قلت الاعب لنا مجرد اعارة واللاعب راجع راجع لناديه الأصلي يعني أنا قلت ما يحتاج أوضح نظام الاعارة بس الظاهر انه بعض الناس لا زالت ما تعرف وش يعني اعارة ! ومن ناحية انه يطور مستواه ..... بالفعل لأن الاعب صارله فترة مالعب وأكيد مستواه نزل كثير يعني اذا أعرناه ولعب أكيد مستواه بيرتقي للمطلوب لأن اللاعب لا خلاف عليه بنية ومهارة رائعة وهي كلها الى نهاية الموسم يعني الموسم وش بقى منه !!! وأنا يا أخواني في الأول والآخر مصلحة الزعيم عندي هي الأول وان كنت ما ذكرته هي من مصلحة النادي والاعب العضو/ مجنون هلاالي : يا خوي لاني مسخن ولا أستهبل وأشكرك على ذوقك . |
مستحيل يطلع من الهلال |
مصخن انت ولا وش فيك يبه لو عبدالله الجمعان بنادي ثاني ... كان رحنا شجعنا الفريق الثاني حبيبي عبدالله الجمعان هلالي بن هلالي ولايمكن أحد يفرط فيه وبصراحه وجهة نظري أنه أفضل مهاجم ولكن مظلوووووم ليه ماادري شوت- حماس-راس-مهارة-سرعة-جسم وش تبي ؟؟؟؟؟؟؟؟؟؟ لا وألف لأ يخوي انت رح العيادة أول وأكشف وتعال |
إقتباس:
أشك في ذلك |
صـأحي هذا ولا لا .؟! :confused: حبيبي ابي اقوولك كلمتين عبدالله الجمعـأن يمكن كل مواصفات المهـأجم بنية جسمانيه .. قفز عالي .. ضربة راس قويه .. :) صاحب تسديدات قويه .. ايضا يشوت فاولات ماباقي الا يصير حـارس :) |
صعبه نفرط في لاعب مثل الكابتن / عبدالله الجمعان |
الحين بدر الخراشي صار يشارك والجمعان ما يشارك؟؟؟؟ الجمعان اعطي الفرصة في ثلاث او اربع مباريات وبدر الخراشي على مباراة وحدة حاسدينه صدقني الجمعان من ضمن خطط المدرب وهو يشركه كاساسي او احتياطي لكن مباراة الاتحاد ظروف اصابة المفرج وانخفاض لياقة الصويلح اجبرته على عدم اشراكه لا تسوون منها مشكلة الجمعان نفسه عارف انه لسه غير جاهز ولازم يصبر ويبذل جهد اكبر حتى لو اضطره الامر الى التدرب الصباحي لحاله اللاعب الي يبي الفرصة في ظل زخم الاسماء الدولية الهلالية فجميع مهاجمينا ما شاء الله دوليين عليه ان يقاتل ا |
- طيب اذا كان اللاعب الجمعان معروف عنه البنية الجسمانية وو .... يملك مواصفات المهاجم المثالي لماذا لا يشااااااااااااااااااااارك ؟؟؟؟؟؟؟؟؟؟؟؟؟؟؟؟؟؟؟؟؟؟؟ أنا ما كتبت هذا الكلام إلا من قهري على لاعب مثل هالمهاجم مايلعب وأنا أول واحد أتمنى اننا ما نفرط فيه لكن اللاعب اذا استمر على هالحال عمرنا محنا مستفيدين واعارة اللاعب فيها مصلحة للنادي وللاعب وصدقوني أنا حريص على مصلحة النادي ولو ماني احب الهلال والاعب ماكان كتبت هذا الكلام والموسم ما بقى منه شي يعني والله العظيم اللاعب مستفيد أكبر استفادة ونحنا بعد مستفيدين بيجينا اللاعب جاهز لياقيا - يا أخوان الاعارة ما هي مسألة هذا الاعب هلالي ومستحيل يلعب ضدنا هذا الشئ انتهى ببداية الاحتراف ... أتمنى اني أكلم ناس تفهم ولو شوي - يا أخوان ما يصير هذا الرد انت مصخن ورح اكشف - أنا هلالي ما سجلت بالمنتدى الا على علم تام انه يتقبل الآراء والاقتراحات بصدر رحب ولكن عندما أجد مثل هذه الردود فإنه من المحزن لي أن أجد رد الأراء بهذه الطريقة هناك ألف طريقة لابداء الرأي ..... بالعقل وبالهدوء لأننا بهذه الطريقة لن نستفيد أبدا ً .................. أرجو أن أكون قد وضحت الصورة بالنسبة للردود |
اسمع حبيبي.... انت تقول ان الهلال يملك سامي والجمعان والصويلح والعنبر والخراشي اوكي الثلاثة الاخيرين صغار في السن (اعمارهم ماتتعدى 20)عادي لو يجلسون احتياط او نعيرهم لاي نادي ثاني بس الجمعان المفروض يلعب اساسي لانه الافضل ولان عنده خبرة |
| الوقت المعتمد في المنتدى بتوقيت جرينتش +3.
الوقت الان » 09:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd