إلى الإتحاد السعودي : الفلوس تغير النفوس ، وبعدين اضغط على اللاعب
 

السلام عليكم ورحمة الله وبركاته
تحية للإتحاد السعودي على ما يبذله من جهود رائعة ومفرحة ..
تحية للزعماء على ما يقدمونه من بث الروح في نادي الزعيم ..
تحية طيبة للنوادي السعودية ..
---------
الفلوس تغير النفوس وتحقق المقصود ،،، يعني اقترح على الإتحاد التغيير في رواتب لاعبي المنتخب يعني كيف : انا اقولكم وشلون ...

لنفترض أن راتب المنتشري ( مع انه دخل علينا هدف :D ) بـ 5000 ريال ، فيتم الزيادة بنسبة 50% ويكون 7500 ريال ..

الأهداف من رفع الرواتب :
1- هذا هو المنتخب وإذا ما قدرنا النجوم وحطيناهم فوق روسنا ، أجل من نقدر ؟ والدوري كله أنشأ لأجل المنتخب وهذولا هم الصفوة ويستحقون رفع الرواتب .
2- إحساس اللاعبين بقيمة المنتخب ، يعني يمكن بعضهم وده يرجع للدوري اصرف له لأنه ما فيه فرق يذكر في الراتب ثم انه قد يكون عنده ظن انه ما راح يحقق اي شيء في المنتخب ، فلما تزداد الرواتب راح تحس بالفرق في اللعب .
3- الضغط على اللاعبين في التدريب بمقدار الضعف والمعاتبة الشديدة ( كما في القطاعات الخاصة ) ، يعني لماذا لا نتعامل مع المنتخب وكأنه شركة عملاقة ستدخل في سوق التجارة العالمية !
4- اللاعبين يجدون عتب من أهلهم ويقولون لهم : الله اكبر وش نفعتك الكورة ؟! ضيعت وقتك وضيعت دراستك !! واللاعب ينظر إلى زملائه في الثانوي إلى أين وصلوا وهو إلى أين وصل ؟ ضعف في الرواتب وتأخير فيها ( ذكروني في طلاب الجامعة ) .
5- يحتاج اللاعب إلى زرع في الثقة بالنفس من جديد بارتفاع الرواتب ثم بتقدير الناس له ووضعه في منزلة الإحترام كالطبيب والمهندس ثم انتظروا منه تحقيق النتائج !
6- في شركة الإتصالات : دوام المهندس من 8 صباحاً إلى 5 مساءاً هذا غير الشفتات الموجودة ، وانظر إلى دوام الطبيب ومناوباته ، لكن انظر إلى مقدار راتبه بالتأكيد يستاهل الراتب لأنه يقدم عمل أكبر من الراتب بكثير !
حتى اللاعب يقدم مستوى مطلوب لازم نتعامل معاه مثل ما تتعامل مع الموظف في الراتب وفي الدوام ! لا تأخذك فيه رحمة في الدوام سواءاً غياب أو تأخر أو غيره وبنفس الوقت ادفع فلوس للاعب خله يحس ان الكورة هي مصدر الرزق !
يعني بكون معكم صريح ، لا تقولون لي ان اللاعب لا يعيش علشان المال بل يعيش علشان يقدم خدمة لوطنه ، ياخوان صحيح بس لما يشوف الناس شغالين صح ، رواتب عالية ثم استثمارات ويشوف اخوه اشترى بيت وهذا ولد عمه عنده صاير رجل اعمال وهو ما زال يعيش على هذا الراتب الزهيد المتأخر ! ( وهي كلها في خدمة الوطن لو فكرنا ) وهم كلهم في عمر واحد .

ملحوظة بسيطة :
اللي يلاحظ منكم القطاع الخاص يلقاه انشط بكثير من القطاع العام وهذا شيء مسلم فيه ، ولو تلاحظون أكثر الموظفين نشاطاً في القطاع الخاص ، تلقى فيه سبب في ذلك ، وهو الراتب العالي والجهد العالي المعول عليه .. والتطوير في العمل ولا يوجد روتين مثل القطاع العام ..

في النهاية ... أنا لم اقترح هذه الإقتراحات على الإتحاد السعودي إلا لأني أرى فيه الحماس في تحسين الأداء .. وانا بصراحة ما كان عندي نية في كأس العالم 2006 اتابع السعودية بس بعد ما شفت الإتحاد السعودي متحمس قلت ،، احنا معااااااااااااك يالإتحاد وبنحاول نقترح وننتقد لأجل ان نرتفع !

والله ما اعرف لاعب شخصياً ولا قد قابلت واحد على الطبيعة فلا أحد يظن اني لاعب ولا لي قريب أو صديق !!
لكن مواطن متحمس لوطنه ومتمني له أقوى الإنجازات

صح لسانك

مشكور اخوي