|
يدا بيد لضم محمد نور للمنتخب السعودي الاول السلام عليكم ورحمة الله وبركاته , محمد نور .. محمد نور .. محمد نور لاعب امتعنا كثيراً مع ناديه الاتحاد .. امتعنا مع المنتخب السعودي .. امتع الجمهور السعودي والعربي في كأس العالم للنديه 2005 في اليابان .. لاعب انظلم كثيراً .. اهات واصوات .. يد بيد لضم نور للمنتخب تخيلو نور والشلهوب والتمياط في المنتصف ماذا سوف يكون الوسط كيف سيكون المنتخب اليس ناراًً ؟؟ دعونا من التعصب .. شاهدو الالمان شاهدو الانجليز .. تعصب مع انديتهم نعم لكن مع المنتخب لا . فاللاعب الاجدر هو الذي ينضم لذلك يد بيد .. لضم محمد نور للمنتخب انتم تخيلوا بس نور .. الشلهووب .. التمياط في المنتخب اش راح يصير :D |
ايش راح يصير راح يرجع زمن الثمنيات اقول نور الى الان ما غسلتوا يدكم منــه هذا لاعب يلعب من اجل المال واقرب مثال مع المنتخب وش كان يسوي يتظاهر بالمرض والتعب .. ومشاكلــه داخـل المعسكر .. وعدم الانضباطيــة ومافي ولا لاعب الا واشتكى منــه ياخي قبل يومين في مباراة الهلال والاتحاد كان في المدرجات ومسوي قصة قزع واضـحه زي اللي يقول شوفوني وش بتسوون منتخب ما ابغــى .. ابغى العب بس مع الاتحاد والمشــكلــة انه موقف بسبب القزع ... ويرجع ويسوي القزع نفسـها لاعب ما يستفـيد من اخطائـه .. لاعب بدون عقـل ولا ابغى اشوف واحد يقول نور للمنتخــب .. خلوا المنتــخب كيــذا افــضــل ..,, عندنا التمياط والشلهوب وعيال عطيف .. وآآسف اخوي ياسر الياس اذا كنت زعلتكـ .. لكن هذي وجهـة نظــري .. طرحتــها بــكل وضــوح .. واتمنى تتقبلــها تحياتــي لـكـ .. وللجميــع |
إقتباس:
|
هههههههههههههههه وش بيصير. .. انواااااااااع الطقاااااااااااااق . .. بس يستاهل ان ندعو بظم اللاعب المميز نور . . محمد نور الى المنتخب انشالله , , |
التشادي مجربينه اكثر من بطوله ضيع بطوله الخليج ماوراه الا دوخه الراس متكبر اناني اخلاق زفت هو يلعب من اجل المال يعني مع الاتحااااااد يكون مميز مع المنتخب ماتفرق معه تشادي ولا يهمه المنتخب ولا الجمهور السعودي اهم شي عنده رضااااا البلوي بالعربي لاعب ماعنده ( وطنيــــــــــــــــــــــــــــــــــه ) والوطن فوق كل اعتبار وانشالله بيحقق المنتخب نتايج ترفع الراس بدون محمد نور او اي لاعب يتعالا على منتخبنااااااا الحبيـــــــــــــــــــــــــــــــــــــــــــــــــــــــب |
لا أويد انضمام نور تذكروا وسوا يوم كأس الخليج الى في الكويت خذ طردين |
المنتخب مو ناقص حالت طرد في كاس العالم ومشاكل مع الحكام وطقاق:upset: .... ياناس نور والله فنان لكن مع الاتحاد بس لانه يلعب للمال فقط:) ... أما مع المنتخب فعلبه زي لعب الياس بالهلال:D >>> واحد مسوي يحطم اللي كاتب الموضوع ... عالعموم انا ارى ان اللي يطالب بنور جاهل ولايعرف شئ بالكره:mad: .... وســــــــلامــــــتــــكم يـــــــازعـــــــمــــــــاء:thumbup: s60s |
ان شاء يرجـــع المنتخــــب .. |
ياناس نور والله فنان لكن مع الاتحاد بس لانه يلعب للمال فقط |
جعله ما يجي استغرب كلام من بعض المستهللين ضد احد المجرمين و ابرز اجرامه غياب التمياط في اوجع -عامين..لا و ألف لااااااا |
المنتخب رايح لألمانيا عشان يلعب كرة قدم وليس مصارعة نور المفروض يمنع ان يدخل اي ملعب كمتفرج .... حتى اللوحات الإعلانية لم تسلم من ترفيسه الأفضل له حلبات المصارعه الحره |
المنتخب اخر شى يفكر فيه اللاعب محمد نور ادم |
يا عضوو ياسر اشوف مشاركتك اغلبهاا للاتحاد ونور ومبروك ؟؟؟؟ خيرر ... ماعندكم منتديات للعميد ولا تحاول تقنعنااا باسلووب غريب ؟؟ راجع نفسك واتمنى تكوون مشاركاتك خاصه لمنتدى ناديك فقط |
إقتباس:
والقزع حرام وأتفق معك بس ليش نور لوحده بس شوفو حقين أندية أبها والدرجة الأولى ولا أترام هو وشوشته اللي القزع حق نور أصرف وأما يخرب اللاعبين فمن قالكم هالإشاعات ماهوم بزارين نخاف عليهم (ياعيني على الشنب)s110s إقتباس:
وقطر بعد ماسوا شيء الحكم بمجرد احتكاك بسيط جداً طلع الكرت الله يلعنه بالعربي الحكم مستلم الدراهم علشان نور اللي ما عرفنا حنا قيمته كل الدول الثانية تحسب له ألف حساب والدليل مدرب السويد وش قال!!!!!!! إقتباس:
ولا تنسى كل دول العالم تلقى لازم واحد في المنتخب على شاكلة نور بس المدرب بكل احتراف يوظف قدراته ويمتص صبيانيته لأن الهدف فقط هو المنتخب لا غير QUOTE=كاش طفران]المنتخب رايح لألمانيا عشان يلعب كرة قدم وليس مصارعة نور المفروض يمنع ان يدخل اي ملعب كمتفرج .... حتى اللوحات الإعلانية لم تسلم من ترفيسه الأفضل له حلبات المصارعه الحره[/QUOTE] بالعكس هذا دليل على الحماس وما هو عيب أنه يشوت اللوحة لأن حتى اللعيبة اللي يحطون قول يشوتونها ولا تنسى أنه مرة الذيب شال العلم حق الركنية وما كان فيها أي شيء يستحق العجب إقتباس:
ياخوي وش فيه آدم وذا كل العالم يجنس وشف كيف يلعب اللعيبة إذا أخذ الجنسية ولكم في فرنسا وهولندا عبرة المقصود أن نور طاقة لازم نوظفها وأنا أكتب الآن من أجل منتخبنا وناسي أي شعار ثاني نور نجم بمعنى الكلمة تبون تقولون وأخلاقه ياخوي المدرب مفروض يعامل كل لاعب وشخصيته كما هم المدربين المحترفين وشوفوا لما تعامل فيرغسون بالمنطق اللي تقولونه و ش سوا بالنادي ألغوا كل العقود وفرطوا باللعيبة من أجل عيونه وبالله وش قدم لهم من بطولة ماعدا مستوى متذبذب بعد ماكان أحسن فريق إنجليزي داري بتقولون تشادي ونيجيري ومندس و اتحادي والله ثم والله مانيب إلا هلالي هلالي أكره الإتحاد ولكن قل الحق ولو على نفسك ولكم إخواني أقول ( إذا تبي تكتب في منتدى الكرة السعودية فا نسى الميول واكتب بعدل من أحل فقط الذي ترعرعنا في كنفه وأخيراً أنا هلالي هلالي هلالي ولي الشرف والله |
على شان ترتاح انت وياة نور مستحيل يلعب فى كاس العالم ولاتعتقد كم موضوع هنا او هناك سوف تعيده للمنتخب.. وبعدين من بكرا الموضوع بكامله فى منتدى الاتحاد. وهذى عاداتهم يفتحون عندنا موضوع ومن بكرا ينقلونه |
انا معك اخوي المنصف الخبير كلامك سليم %100 محمد نور لاعب موهوب يجب الاستفاده منه في كأس العالم كي نحاول ان نمسح ذكرى الثمانيه صفررر في 2002 قضيت اخلاق الاعب انا مايهمني هذا الموضوع فالامور الفنيه اهم بنسبة لي قضية انه يلعب للمال ((الله اعلم بنيات عبيده)) ماحط في ذمتني شي!!! الله يوفق منتخبنا لكي يعكس للعالم مدى تطورنا بالكوررره تحياتي |
انتم تبون نور عشان نلعب ناقصين لاعب من الدقيقة الثامنه مثلا؟؟؟؟ ولا احنا ناقصين احراجت في كاس العالم |
شباب أحب أضيف حاجة ،،، قارنوا حالة نور و أدائه و عصبيته مع لاعب انجلترا و ماشستر يونايتد واين روني ،،، روني ما فيه اوسخ من اخلاقه ،،، لكنه فنااااان كبير ،،، و سامي الجابر بعظمه لسانه قال المنتخب يحتاج اللاعب الكبير محمد نور .......... اتركوا التعصب و خلوه يعصب و ان بغى ينتف شعر راسه بكيفه ،،، ليش حاطين دوبكم بدوبه ؟؟ أهم شي يخدم ،،، و ما اتوقع انو محمد نور ما تفرق عنده كأس العالم ،،، |
ما نبي نور فالمنتخب هذا لاعب ما يستحي وفشيله على السعوديه والله . شغلته هواش بيديه ولسانه الطويل يمكن انه يعرف يلعب بس ماراح يفيدنا اذا خذ كرت احمر لانه طق لاعب ولا تهاوش مع الحكم في المونديال. هذا رايي وشكرا على الموضوع |
نور ههههههههههههه ابعرف حاجة وحده من العام 2000 وهو يلعب مع المنتخب ماذا قدم وايها اكثر مساهمته في البطولات او مشاكله التي لا تنتهي هل انتم مستعدين تلعبون ناقصين من هو نور هذا خلال موسم واحد فقط لعب مع المنتخب في كأس آسيا الاخيرة في الصين ولعب في كأس الخليج الاخيره في قطر ولعب في التصفيات الاوليه المؤهله لنهائيات كأس العالم فما هي النتيجه!! هزائم ومستويات هزيله وان فزنا فالفوز بشق الانفس في المقابل لم يلعب في التصفيات النهائية المؤهله لكأس العالم فما هي النتيجه!! تعرفونها طبعا قال أيه قال محمد نور |
أظن أن الجمهور صار ينظر إلى الجانب السلبي فقط كل ما أحد قال نور قلتوا كأس الخليج 17 و نسى الجمهور إيجايبات اللاعب مع المنتخب نسيتوا مساهمة مع المنتخب في كأس آسيا عام 2000 نسيتوا كأس العرب عام 2002 نسيتوا كأس الخليج 16 كلها نسيها الجمهور ماتذكر إلا كأس الخليج 17 ما أدري ليش الجمهور بهذه العقلية انظروا إلى أوربا أقرب مثال توتي يطرد في كثير من المباريات لكن الجمهور يرى إيجابياته أكثر من سلبياته و هذا سبب بقاءه في المنتخب . ياأخي شوف بو يعقوب انا متأكد بيرد علي واحد و بقول تقارن بو يعقوب بتشادي هذا أقلك لا لكن لكل زمان رجال و هذا زمن نور لقيادة الأخضر شاء من شاء و أبى من أبى |
الموضوع اقل مايقال تحت بند غير لائق وللاسف انه بمنتدى بحجم الزعيم مع احترامي لك ياسر اعتقد مكانه بمنتديات الجريمة ولا تقــــــــرأ هذا الخبر يقولون ماعلينا من أخلاقه " لاياسيدي إحنا الاخلاق عندنا اهـــــــــــــم " إنــــــــــــــما الأمـــــــــم الأخلاق مابقيت فإن هم ذهبت أخلاقهـــــــــم ذهبوا للاسف ياليت يحطون تصويت على اسوأ موضوع تم طرحه بمنتدى الزعيم شخصيا اشوف هالموضوع ياخذ جائزة القرن بالمنتدى عند اكماله لل 100 سنة اعتذر اخ ياسر فانا احترمك ولكن انتقد هذا الموضوع |
اقول الله يخليكم راوحو تابعوا الوري الدرجه الاول احسن لان مالكم ومال الكروه نور سعودي ميه الميه اوكيه واذا كان عليك احتجاج انه مو سعودي هذا مو شغلنا شغال الناس الثاني وحناااااا ما نجنس احد اوكيه وتقول نور ما عنده اخلاق اقول انت شكلك ترضى على نفسك الكلام اذا عندك شي رواح قوله وبعدين هو لعيب بتقول البحري اوتيسير الجاسم يا اخي هذوال لعبيه من اول لمسه يطيح هو والشلهوب المنخب بحاجه لنور بجانبه التمياطوسعود كريري وخلفهم خالد عزيز وانت شوف النتخب وش يبي يسوي والله التسع نقاط بجيبنا وانا هلالي والله هلالي ميه الميه اوكيه واتمنى عدم التجريح لا اخرين كلنا عيال وطن واحد |
السلام عليكم ورحمة الله وبركاته , محمد نور .. محمد نور .. محمد نور لاعب امتعنا كثيراً مع ناديه الاتحاد .. امتعنا مع المنتخب السعودي .. امتع الجمهور السعودي والعربي في كأس العالم للنديه 2005 في اليابان .. لاعب انظلم كثيراً .. اهات واصوات .. يد بيد لضم نور للمنتخب تخيلو نور والشلهوب والتمياط في المنتصف ماذا سوف يكون الوسط كيف سيكون المنتخب اليس ناراًً ؟؟ دعونا من التعصب .. شاهدو الالمان شاهدو الانجليز .. تعصب مع انديتهم نعم لكن مع المنتخب لا . فاللاعب الاجدر هو الذي ينضم لذلك يد بيد .. لضم محمد نور للمنتخب انتم تخيلوا بس نور .. الشلهووب .. التمياط في المنتخب اش راح يصير |
| الوقت المعتمد في المنتدى بتوقيت جرينتش +3.
الوقت الان » 07:06 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd