بسم الله الرحمن الرحيم
لاحظت في الفترة الأخيرة الاهمال الواضح من جمهور الهلال للكابتن الكبير نواف التمياط
وللأسف اني سمعت من البعض يقول ارحل يانواف الي مايبينا مانبيه ومن هالكلام السخيف
وكل هذا علشان الادارة وقفت معاه ووقعت معاه بمبلغ ممتاز وهو مصاب ولما عرضت على نواف اربع ملايين للتجديد نواف طلب مهله للتفكير
طيب وين المشكلة!!
ليش البعض قالب على نواف
طيب نواف لما جدد عقده المرة الأخيرة قبلها كان معاه عروض من اندية ثانية وعروض ممتازة وهو مصاب
كل الي سواه انه طلب تعويض عن العروض الي جته وأنا متأكد ان العروض أكثر بكثير من المبلغ الي وقع عليه مع الهلال
وبعدين نواف من بداية الموسم تقريبا وهو لاعب احتياطي
لدرجة ان في وقت من الأوقات كان احتياطي للاعب جيلسون ونواف بكامل عافيته
يعني يمكن يكون مو ضامن مكانه في الهلال
وزيادة على هذا يواجه ضغوط من البعض
الي ابي اوصله ياجماعة هو اننا لازم مانقسى على نواف
الكل يتذكر انتقال الدوخي قبلها كان في كثير من الجمهور مايبون الدوخي الي يقول خلاص انتهى والي كان يشتمه في الملعب ويقوله اطلع مانبيك
وفي الجهه المقابلة الي هي جمهور الاتحاد كانوا يشجعونه ويرحبون فيه من قبل ماينتقل
يعني بالله عليكم لو اي احد فيكم في مكان الدوخي في هذاك الوقت وش راح يسوي؟؟؟؟؟
والي قاهرني ان بعد ماراح الدوخي كثير مننا ندم على رحيله
انا ماأقول ان نواف مثل الدوخي
انا ابي أقول اننا لازم نوقف مع نواف
في مباراة الوحدة الي في الرياض لما نواف كان بينزل ماسمعت اي تشجيع او تصفيق لهذا اللاعب الكبييييييييييير
لهذي الدرجة قالبين عليه
اتمنى ان الي في بالي يكون وصلكم
وكل الي اقدر اقوله في النهاية آآآآآآآآآآآآآآآآآآآآآآه يانواف