نادي الهلال السعودي - شبكة الزعيم - الموقع الرسمي - خلف الكواليس من مباراة الهلال والاتحاد

بسم الله الرحمن الرحيم

السلام عليكم ورحمة الله وبركاته
انقل لكم ما حدث في المباراة وبعد المباراة وقبل المباراة
بداية اناحضرت قبل ساعتين وكان الحضور ضعيف قلت افا جمهور الهلال بجده يحضر موب من عويده وانتظرنا لكن بديت اشوف الجمهور ولاخيب ظني وانا داخل شفت خليل جلال الحكم نزل من سيارته البيضاء جيب من نوع هوندا وسلمت عليه من بعيد المهم فبل المباراة كان اول من نزل الى الملعب فهد الشمري والحارس الاخر والمدرب الذان حيوا الجمهور

اطرف موقفين قبل المباراة من خصيين بدينين لا نعرف منهم
الاول دخل على الملعب وجمهور الاتحاد قاعد يحيه والله ما ندري منهو موب البلوي طبعا لانو البلوي وزنه ماله مثيل المهم هذا قاعد يتفلسف وهو لبس ثوب وشماغ راح جهة الملعب الي كان فيه تدريب للاعبين الهلال وكانت في مجموعه من الكور واخذ وحده من الكور قاعد يدقدق ويتفلسف كانه ماردونا وسط تصقيف جمهور الاتحاد واستياء جمهور الهلال وقالوا بعض جمهور الهلال عيب حق الناس لا تلعب بحق الناس

الثاني البدين مسكين صراحه قبل المباراة بنص ساعه مر من جهة مدرجات الهلال واخذ الجمهور الهلالي بالتصفير له ونادوه بالبلوي سمول ونادوه يادبه ويا متين الرجال مسكين تحطم صراحه هذا حركه قهرتني

يوم دخل لاعبين الهلال يتدربون تحمس الجمهور مع تدريب يرفع فيه الاظهرة كور ويجي كل لاعبين يشوتون بالراس كان احسن هدف لتفاريس

موقف ايضا طريف اثناء صلاة العشاء شفت السور حق الملعب ينط منه ما يقارب عشرين واحد تكروني موقف صراحه يفشل في الملاعب السعوديه

كان فيه جمهور من الاهلي والوحده يشجعون الهلال نشكرهم صراحه

جلس جمبي واحد يماني والله عليه تشجيع من قلبه والله كانه اليمن الي قاعد يلعب يا حليله وموب عارف لاعبين الهلال قال من رقم 2 قلتله الصويلح قال المفروض يطلعونه وسأل وهو معصب قال ياخي من الاعب رقم تسعه المفروض يطلعوه قلتله والله ما ادري لاعب جديد ما دري منهو قال ما فراسه قلتله ارخي صوتك
على العموم انا قلتلع ما اعرفه عشان صراحه سامي امس ليس سامي وعشان ما ياخذ فكره سيئة عن سامي عموما سامي واجه الفاظ بذيئة جدا ما تنقال من جمهور الاتحاد قلت بنفسي موب كلهم في بعضهم محترمين

لكن موقف صراحه المفروض يعاقب عليه الجمهور الاتحادي لو كنت انا مسؤؤل صراحه اقل شيء منع الاتحاد من اللعب على ارضه المباريات القادمه
المهم الموقف يعني لو جاء من واح امن2اومن3او4او5او6او20 ما قلنا شيء لانو موب كلهم لكن الجمهور كله في الجهة الشرقيةمن الملعب وبعضهم معهم مايكرفون كلهم بصوت واحد بعد ما استاؤ من الحكم كلهم اخذ يهتفون بلفظ بــــــــــــــــــــــــــــــــــــــذي جدا جدا جدا جدا معروف ما يحتاج نقوله هو شيء فيه اعراض اهله والله عيب
مهمدنور كان متواجد هذا الادمي صراحه معهم حق ما يدخلونه النتخب الحين عرفت لمن شاهت بعيني كان يعصب على كل شيء لا وفي الفاول الي انعاد مرتين شفتها رمي المويه الحمدالله والشكر
المفرج على طول على الاسعاف وكان مذيع اوربت يتابعه نشب بحلقه ودخل معه بالاسعاف الين طلع وصك الباب والاسعاف مشغل الانذار حقه مستشفى الملك عبدالعزيز اقرب مستشفي للملعب تعود انه في اي مباراة للاتحاد تجيه حالات على قسم الطواري والعناية المركزه

تيسر النتيف لاعب صراحه غير محترم جدا خصوصا اثناء ضربات المرمى المفروض احمر صراحه
الصنيع كانه هو المدرب هو الي يوجه
يوردانيسكو كل شوي قايم هو وطربوشه
كندينو مدرب لا ينفعل وطول المباراة واقف ومتكي على الحديدة حقت لاحتياط

صراحه الاعب الوحيد الخلوق في الاتحاد هو الي انطرد عدنان فلاته صراحه خلوق صح انه كسر لكن هذا شيء لابد منه في الاتحاد ولا طردوه تقبل الطرد بصدر واسع وسلم على الحكم وعلى البرقان عارف انه اخطى

وختاما الدقيقة 45 مشيت وانا نازل مع الدرج اسمع جماهير الهلال صوته ارتفع قلت اكيد هجمه خطره ولا بلنتي وارجع ركض ولا اشوف المبارك مترحلق وبيشوت الكوره وتدخل قووووووووووول قلت هذا الهلال ما يخليني اروح واطلع من الملعب زعلان

وشكرا