|
تركي اصبروا عليه شوي اما البرقان مافي راسه لعب |
سامي 188 من متى البرقان وهو يمثل الهلال,,بصراحه زودها لا عب لا يحمل الروح ويذكرني تماما بلاعبي الاتحاد في المنتخب,,ليه يلعب وبوزه متر يقدر يطلع ويروح يدور له على شغله وش حاده على الكورة,, صج الهلال,,تركي نصبر عليه الى متى حنا مللنا من كلمة أصبروا في غير محلها,,تركي الصويلح يمثل الهلال من أيام الحبشي ومستواه المتذبذب تلك الايام لم يكن مقنع فما بالك بمستواه الحين بعد الإنقطاع الطويل عن التدريبات بسبب الإصابة,,لم ولن يعود وأراهن على ذلك ,, أتمنى العكس لكن "ما كل ما يتمنى المرء يدركه--- تجري الرياح بما لا تشتهي السفن" |
إقتباس:
نعود لوضع الهلال قبل اول تبديل النتيجه تعادل ، طلع المدرب جوفاني و نزل فهد مبارك لتنشيط الوسط بعد ان ثقلت حركة الاول و تنشيط يمين الهلال هجومياً ، تغيير سليم بعد الهدف الاتحادي الثاني تبديلين : خروج فهد المفرج المصاب و دخول احمد خليل ، تبديل اضطراري . خروج تركي الصويلح و دخول عبدالعزيز الهليل ، تغيير متأخر كثيراً فالاول كان الاعب الـ12 في الاتحاد و تسبب في هدفي الاتحاد الاول و الثاني . ولكن لماذا شارك الصويلح اصلاً !! خالد عزيز مع المنتخب ، العصفور ذهب للوحده ( لا يريده المدرب) ، الياس مصاب ( و لا يريده المدرب ) ، و الغامدي لا يوجد بديل له في المحور ( فعزيز و الغنام مع المنتخب) . ففضل المدرب ان يلعب بالغامدي في المحور خصوصاً و البديل قلب دفاع لا يجيد المسانده الهجوميه . و ادخل المدرب الصويلح للتشكيله الرئيسيه كلاعب خبره بدلاً من ترقيع المركز بمدافع ( الهليل) أو لاعب وسط ، ولكن المصيبه التي تفاجأ بها المدرب أن صاحب الخبره منتهي الصلاحيه كروياُ ، و لم يدرك ذلك الا بعد ان فتك لاعب الخبره بفريقه ، فاخرجه المدرب قبل ان يتسبب بهدف ثالث أو رابع ..... الهلال شارك بلاعبين غير جاهزين و السبب النقص الكبير 8 مع المنتخب و العنبر مصاب و الياس مصاب ، و العتيبي مصاب ، المجموع 11 لاعب يفتقدهم الهلال مما يقلل على المدرب الاختيارات فامامه 3 مهاجمين غير جاهزين 100% والا يوجد أي مهاجم جاهز ، و 2 وسط غير جاهزين جيوفاني و مبارك . فيجب ان يشارك بلاعبين غير جاهزين . على اي حال مباراة الاتحاد انتهت و المهم المباراة القادمه امام الوحده و التي كما تذكر الاخبار حالياً أن الوحده ستشارك بـ12 لاعباً يتقدمهم جناحهم الخطير تركي الصويلح !! وفي هذه الحاله لاعذر للمدرب و سيتحمل كندنيو الخساره 100% لأن تركي الصويلح شارك امام الاتحاد و شاهد كندنيو بعينيه خطورة هذا الاعب على مرمى الهلال . |
البرقان أصلاً مكانه مو بالهلال ياخي ثلاثة أرباع مناولاته غلط |
غريبه هذا التناحر ارفقوا ثلاث تعش مره...... بدري على الاثنين ولابد من الفرصه كامله خاصه في ضل هذا الغياب الكبير ولاتنسوا ماقدمه تركي سابقا وتذكروا كم صار له غائب بسبب الاصابه وكم اصابه تعرض لها بعدين توه صغير لاتهمكم الصلعه ............ اما البرقان فيجب عليه ان يعلم ان الامبراطور والفيلسوف والسامي جدا وغيرهم تعرضوا للانتقاد وكان هذا حافزا لهم للصعود بجوار الهلال ..................... احبكم............ |
بسئلك الغالي انت تأيد الهلال من كذا سنة صح وسبق لك وشفت مستوى عزيز سابقا وكيف كان سيء لدرجة كبيرة جدا ما حد يتخيلها لا تغطية ولا تمريرات حتى انه اطلقوا عليه لقب المطامر عزيز بسئلك الغالي شفت عزيز كيف تطور ما شاء الله وصار المحور الابرز حاليا في السعودية مع كريري واساسي في المنتخب مع العلم ان عزيز تعاقد معاه الهلال من حواري وكان عمره 24 سنة نجي للبرقان هل البرقان سيء زي عزيز في ذاك الوقت ؟؟؟؟؟؟؟ البرقان من خريجي المدارس الهلالية وليس لاعب تعاقد معاه من الحواري ومثلك عارف الفرق لان لاعب المدارس الكروية يكون قابل للتطور اكثر من لاعب جاك من الحواري والبرقان عمره 22 سنة وهو ليس محور اساسي في الهلال كون هناك الغامدي وعزيز والغنام وكلهم يجون قبله الي ابي اوصله لك زي ما الله من على عزيز وصار بهالمستوى البرقان فيه امل انه يتطور ويكون افضل وعنده الوقت الكافي لعمره الصغير اضافة لتوفر الافضل منه حاليا اما مستوى تركي الصويلح فعارف ان ظهوره الاول امام الاتحاد ما كان بشكل كويس بس تركي الصويلح لعب فترة من اروع الفترات وكان اساسي خاصة في كأس المؤسس ولو عندي مزاج كنت رجعت لارشيف المواضيع في تلك الفترة وجبت لك مواضيع تمدح اللاعب انا اقول الياس اخذ فرصته موسم ونص وغير مباراتي المربع ما شفنا منه شي ليه ما تركي الصويلح ياخذ فرصته بطريقة لعل وعسى |
إقتباس:
ما اعتقد انه من اللائق اطلاق كلمة متخاذلين على لاعبين الهلال مثل ما قلت وهل انت دخلت قلوبهم عشان تحدد انهم تخاذلوا بالمباراة؟ مهما كان النقد والطرح ما يوصل لهالدرجه من القسوة بانتقاء الافاظ الي قد تجعلك مسؤل قدام ربك وتذكر ان بعض الظن اثم... كل مباراة لها شحنها وظروفها وممكن يفوز الهلال بمستوى سيء جدا وومكن يخسر بمستوى عالي جدا وهذي كره القدم... هذي من ناحية من ناحية اخرى انت تقول احنا نعرف تركي الصويلح ولا تغير من عرفناه؟!! ماذا تعرف عن تاريخ تركي الصويلح؟ ارجو ان تعود لهلال عام 94 و 95 و 96 الي اهلته في يوم من الايام للالتحاق بمعسكر المنتخب في فتره سابقه... قد يكون مستوى الاعب سيء في المباراة السابقه ولكن مو من حقك تهضم حق الاعب في تاريخه وابداعاته السابقه, وفوق هذا يجب ان نقف احتراما للاعب صارع الاصابه 3 سنوات كامله ورجع بدون ما يثبط من عزيمته في العوده وتخيل اول عوده له من 3 سنوات يعني تتوقع انك تشوف سيسينهو مثلا؟ خلونا شوي واقعيين ولا نصير متعجلين!! امس كنتوا تقولون الياس والياس ولا ينفع والحين تطالبون فيه؟!التعقل والتصبر والانتظار لازم علينا وان شاء الله كل شي بيكون مثل مانبغى بس الصبر! الهلال يفتقد الحين اكثر من 12 لاعب مابين مختار للمنتخب الى مصاب وفوقه جهازه الفني والاداري ومدرب جديد نوعا ما فلازم نصبر ونشوف وباذن الله كل شي بيتحقق... بالنسبه للاعب البرقان: ما اخفيك ان الاعب سلطان مستواه متقلب مره فوق مره تحت بس تطلق عليه لاعب فاشل! اولا سلطان البرقان يمتلك قدره بقطع الكور وهذي مهاره من الصعب تلقاها في لاعب ثاني ومساله الكور المقطوعه فكثير فشي طبيعي الكور المقطوعه ولا نسيتوا عمر الغامدي وش كنتوا تقولون عنه العام الماضي والحين عندكم هو رقم واحد؟! شي ثاني هل لديك محور ثاني غير عمر بالوقت الحالي؟ الغنام وعزيز في المنتخب وعمر محور اول من وين لك محور ثاني؟ الرجاء التصبر وربك بيوفق الهلال بحوله وقدرته... والله اني ما دافعت عن اي منهما اني من نفس منطقتهم او لمجرد العناد, هي مجرد وجهة نظر تحتمل الصواب وان كان كذلك فهو من الله وان كان خطا فمن نفسي... ولك تحياتي اخي كاتب الموضوع واعتذر لو بدر من خطأ.. |
؟؟؟؟؟؟؟؟؟؟ |
أخي الكريم الزعيم المثالي سأعلق فقط على موضوع تركي الصويلح لأني أجد أنه الأهم حاليا الحديث عنه 00 بالنسبة لتركي 00 أقول مع كامل احترامي للخلوق تركي الصويلح إلا إن من تابع تركي في مباراة الإتحاد تأكد تماما إن كاندينو ارتكب خطأ فادحا بإعتماده على تاريخ اللاعب !! لاعب كبير ومتقدم بالسن 33 سنه 00 يفتقد حاليا لحيوية ومهارات لاعب الظهير العصري 00 واتضح ذلك جليا في مباراة الإتحاد كنت أعتقد إني سأتابع لاعب 00 مارأيته في تلك المباراة كان بقايا لاعب !!! كلنا تابعنا كيف تجاوزه لاعب الإتحاد العبود أكثر من مره وبطريقة مضحكة للغاية ومسيئة جدا لتاريخ اللاعب 00 أقول لكل من تحمس لعودة لاعبنا الخلوق تركي 00 رفقا بتركي ولاتحملوه فوق طاقته 00 وخير تكريم له أن يعلن اعتزاله وأنا واثق أنه سيجد تكريما لائقا به !! |
خبردس تركي الصويلح عمره 28 سنة والياس 27 والي جا الياس من نور ومن مرزوق ومن تميم ومن شراحيلي النصر ما يقل عما جاء الصويلح مع العبود وللعلم العبود هالحركة مشهور فيها وسبق ان شفته يؤديها في اكثر من مباراة مستفيدا من سرعته |
عزيزي لكل واحد في هذا الكون راى وانت في اعتقادي اصبت واخطأت اصبت بخصوص الصويلح اما بخصوص البرقان فقد اخطأت فهو افضل محور حاليا والى الامام يا برقان ولا يهمك احد |
احسن رد هو رد عاشق المواهب بس غلط في كلمة يامندس كاتب الموضوع مو مندس بس هو خلقة يكره البرقان ياشباب قسم بالله البرقان خطير ويقطع كور بالهبل شوف حبيبي ابغى اقولك قاعدة اذا كنت تبغى تكره شخص طلع عيوبه راح تكرهو على طول واذا كنت تبغى تحب شخص اذكر مميزاته انت فكر كم مرة البرقان نفعنا والله بالهبل واخر ختام اظن في مدرب للهلال هو المسؤؤل |
إقتباس:
0 0 0 يا أبو عيون اسبانية 00 الله يهديك بس 00 تصدق هالحكي !! من اللي ناصب عليك وقايل لك إن تركي الصويلح هو وصلعته توه ابو 28 سنه 00 أنت داري إنه مشارك بنهائي كأس الدوري قدام النصر عام 1415 في مباراة العمر الشهيرة (( فهد في قلوبنا )) وحنا الأن يالحبيب في عام 1427 00 يعني بالعربي 00 قبل 12 سنه بالظبط 00 يعني حسب كلامك يصير مشارك في تلك المباراة وهو يالبي عمره أبو 16 سنه يعني يلعب وفي أثمه رضاعة :D يا جماعة الخير 00 يالربع 00 ترى المسالة مهيب معاند وتحديات ورايي أزين من رايك 00 يهمنا في المقام الأول مصلحة الهلال قبل أي إنتصار للنفس 00 وبكل صراحة إللي شفناه من تركي في ذيك المباراة كان يفشل ولايشرف أي هلالي 00 وللحفاظ على تاريخ اللاعب ومكانته نعتقد إن لامجال له باللعب حاليا 00 هذا رأيي بكل صراحة 00 وأعتقد إن مشاركته كانت كارثة واستمرار القناعة به بعد هالمستوى كارثة أكبر !!! |
صــــبركم ياجماااعه الخير |
إقتباس:
هلا بالعيون الاسبانيه ( من زمان ما دخلت معك في نقاش وشفت ردك في نفس الصفحه قلت فرصه نرد و نسلم ) يالغالي كم عمر خالد عزيز الان 28 سنه والا 29 سنه !!؟؟ معليش بس أول مره سمعت باسم خالد عزيز كان قبل البطوله العربيه في تونس و تغيب عن الرحله المتجهه لتونس بشكل مفاجئ وفي اليوم التالي ذكرة احد الصحف أن غيابه كان بسبب تعرضه لكسر بعد وقوعه عن الدرج. وهذي البطوله اقيمة بعد البطوله العربيه التي فاز فيها الهلال( على النصر في النهائي في الرياض) بسنه أي تقريباً قبل خمس أو اربع سنوات. وله هدفين في مرمى الشعله عام 2002 م ( على حسب ما ذكر في موقع كووورة) وتقول يوم يسجل في الهلال عمره 24 سنه فـ 24 + 4 = 28 سنه !! لو سمحت المصدر فالكلام اللي تقوله خطير جداً فأول ما ينتهي عقد عزيز يقدر ينتقل لأي نادي بدون موافقت الهلال لأنه تجوز الـ27 سنه ( حسب الكلام الوارد في ردك) ، و على طريقك دور عمر البرقان الحقيقي . و للعلم فقط خالد عزيز قبل سنتين افضل من البرقان حالياً على الاقل كان يعرف يقطع كور ، وما دمره و اخفاه الا التمريرات القصيره اغلطه فيها كثيره بالاضافه لكثرة الاخطاء التي تحتسب ضده . اما البرقان فمستواه يتناقص مع كل مباراة فقبل سنتين افضل من السنه الماضيه و السنه الماضيه افضل من هذه السنه . و للمعرفه البرقان خانته شاغره دائماً و تجده يقف في مكان لا يحتاجله فيه الفريق فالهدف الاتحادي الثاني و الهدف الوحداوي الثاني كلهما بس عدم وجوده في خانته الاساسيه !! ولو سمحت تقدر تذكر لنا على أي اساس لاعب من المدرسه قابل للتطور اكثر من لاعب قادم من الحواري !! خصوصاً و الواقع امامنا ان لاعب الحواري (عزيز) اساسي في المنتخب ولاعب المدرسه ( البرقان) صاف احتياط في ناديه إقتباس:
و في الحقيقه أنا ما همني عمر الاعب و لا ان العبود تجاوزه ، ولكن ما يهمني اكثر من هذا هو لما هذا التخاذل من تركي الصويلح !!! أذا لاعب الخصم تجاوزك هل هذا يعطيك الحق ان تقف في منتصف ملعب فريقك تتفرج على هجمت الفريق الاخر على مرمى فريقك بدل من العوده للخلف للمسانده !! مفروض تحقق معه الاداره في هذا الموضوع و يقضبونه الباب ( ينسقونه ) فالتخاذل في الملعب كما فعل هذا اهانه للهلال و الاداره و الجهاز الفني و لباقي الاعبين و جمهور الهلال . ارجعوا لشريط المبارة وشاهدوا بعينكم أين كان يقف تركي الصويلح من بعد لحظة تجاوز العبود له الى لحظة دخول الكره في مرمى الهلال !! كان قاعد يتمشا و ماخذ راحته ولو كأنه يمشي على الكورنيش وليس في ملعب !!! |
| الوقت المعتمد في المنتدى بتوقيت جرينتش +3.
الوقت الان » 12:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd