|
اخوي عاشق الازوري انا ما ادري وشفيك على مانشيني !!!! المدرب مسوي شغل زين بس وش ذنبه اذا صار الفريق ماعنده الا مهاجم واحد عليه الكلام الي هو ادريانو اما الباقين ماعنك احد وكان يترجاهم في فترة الانتقالات الي في راس السنه انهم يجيبون مهاجم ولا جابو . وبعدين الدفاع عندك كويس ما فيه مشكله الا الظهير الايسر وهذا هم جابو ماكسويل , والوسط عندك ممتاز وهذا هم بيجيبون بالاك المشكله عندك في الهجوم مافي الا ادريانو اما مارتينز فتوه صغير ومهوب هو الي تعتمد عيه يخلصلك المبارة و ريكوبا يلعب مباره ممتازه وعشره زي وجهه واغلب الوقت مصاب و كروز بصراحه مهوب في مستوى الانتر وشف مبارة الانتر العام الماضي لما دخل فييري كيف غير النتيجه رغم كبر سنه الانتر محتاج مهاجم يصنع الفارق مع ادريانو . وبصراحه مستوى الانتر هذا الموسم كويس الا في البدايه وشف كيف كان الانتر قبل مانشيني وشف وشلون صار بعد مجيئه صار يلعب كوره حلوه ويحقق نتائج طبعاً الان غير مرضيه لكن تخيل مهاجم مثل هنري جنب ادريانو وراح تشوف النتائج الكبيره مع المستوى . انشيلوتي جا للميلان ومعاه الفريق في اول سنه قدم اسوء مستوياته لكن شف وشلون صار بعد كذا مانشيني يحتاج صبر ومهاجم قوي مع ادريانو . |
اخوي عازف بلا جيتار بالنسبة لفاولات دي بياجو هي صحيحه وكلها ثنتين واحد قدام اليوفي وواحد قدام الميلان من وين خليتها سبعه . |
صحيح كلامك يا (وياه) الفريق يحتاج الى مهاجم بارع وقناص بجانب ادريانو .. والله يهديهم جايبين واحد اسمه تشوتوس ويوناني ومهاجم وكان معار لمايوركا ورجع في الأنتقالات الشتوية ... وماعتقد راح يفيد الفريق |
مباراه كانت مشدوده من الطرفين وانواع الفن في التكسير |
اخوي صاحب صورة تشليني الجزيرة الرياضيه عادت اللقطة من الجهة الاخرى ووضحت بانه لم يلمس رجل ستانكوفتش وهل سمعت تحليل الكابتن جمال الشريف خبير التحكيم وش قال في هذه الكرة بأنها لا تستاهل انذار ولا فاول |
يعني ما شفتوا سامويل اشقاعد يسوي ؟؟ كأنه داخل حرب مع نيدفيد وجمال الشريف قال الفاول اللي اتعور فيه ابراهيموفيتش يستاهل عليه الطرد << ماذكر كان من سامويل ولّه كوردوبا يالله عاد اعترضوا على الخبير :D (( حجة المغلوب .... الحكم )) |
إقتباس:
أخوي وياه انا اتكلم عن مانشيني انه ماينفع للأنتر لأنه غير قادر على جلب الكالتشيو لعدة نقاط مانشيني عقليته قريبه من عقليه أنشلوتي يوم كان أنشلوتي يدرب اليوفي شف اليوفي يفوز مباراة ويخسر مباراة وقدام الكبار يخسر اليوفي ,, قبل 7 سنوات ,, وش الفرق الحين لليوفي مدرب مثل كابيلو داهيه يعرف كيف يأخذ الثلاث نقاط من المباراة اما مانشيني فكرة وخطتة مثل انشلوتي طبوا ياعيال !!! مانشيني ينفع يدرب فريق من الفرق الوسطى ,, مثل بارما وأدينيزي لكي يبقيهم بالمراكز الوسطى !! واما قولتك انه حقق نتائج كويسه انا اتفق معك لكن شف الفريق كيف يلعب يعني أن حس انه خلاص يأس وان المباراة بتروح منه طلع محور ودخل وسط او مهاجم يعني ماش مدرب مبدئ حتى طريقة لعب الإنتر غير منظمة شف الدفاع ان قطع كوره يخلصها قدام بدون تركيز وهذا اللى يضيع الإنتر حتى توصيل الكور للمهاجمين تعتبر غير موجوده الإنتر يبيله مدرب عالمي غير إيطالي او يجلبون مدرب روما الحالي صراحه مدرب فرض نفسه بقوة ,, ولاتقولي الوسط تمام عندنا نقص كبير وهو لاعب من طراز توتي في روما وكاكا في ميلان وزيدان في مدريد ورونالدينهو في برشلونه وغيرهم لاعب في مثل هالمباريات يصنع لك هدف ويقودك للفوز مين فيه بالإنتر وسط يسوي كذا ؟!! لاتقول ستانكوفيتش !!!!!!!!!!!!!!!!!!!!!!! هذا اللاعب المدلل لدى مانشيني يقول لاعب تكتيكي !!! بالله ترجي شئ من مدرب يقول كذا على لاعب مثل ستانكوفيتش ستانكوفيتش لاعب وسط ايسر ماينفع ايمين ماينفع محور ماينفع حتى لو تشوف كورة العريضة كيف مااتفق مافيه فكر او تركيز ماعليه أخوي !! الدفاع انا اتفق معك دفاعنا يعتبر ممتاز بوجود صمويل وكوردوبا وزانتي وماكسويل اللى راح يرجع من الأعاره من كالياري الهجوم انا قلتها من زمان يبلنا مهاجم من هداف من طراز لوكا توني ليه موراتي اصبح بخيل مايجلب المهاجمين لازم تجيب لوكا توني هداف وغير كذا إيطالي يعني تخيل فريقنا مافيه إيطالي !! الإنتر يبيله مهاجم إيطالي ومدافع أيمين إيطالي وحارس إيطالي على الأقل بالإضافة إلى صانع ألعاب هذا الأسم اللى غاب عن الإنتر سنوات طويله لازم الإنتر يجلب صانع ألعاب وبالاك اتوقع يكون بالريال اذا شفنا تصريحات الإنتر انه يبي ياخذ قوتي !!! :confused: وبيخلي المجال قدام الريال لجلب بالاك !!! بالله اذا تحقق هذا وش تسمي عقليه فاكيتي !!! وفي الأخير أشكرك اخوي وياه والأختلاف في الرأي لايفسد للود قضية والسلام |
إقتباس:
ان لم اكن راضيا عن ادا الانتر لماتكلمت عن احداث اللقاء الانتر كان افضل بس الحظ ماخدمنا اصابة المايسترو فيرون اثرت والحكم للاسف ماساعد عالعموم اليوفي يستحق الدوري لكن الانتر لا يستحق مايحدث مشكـــــــــــور اخوي |
كل ما خسرتو قلتوو الحكم!!! اعترفو ان اليوفي لعب احسن منكم واستحق الفوز ولو مره!!!!!!!! |
لا تحكيم ولا شي الحقيقة ان الانتر ما يعرفون يلعبون انهزمتوا 2ـ0 بالذهاب قلنا معذورين بارض اليوفي اما الاياب ما لكم عذر اليوفي يستحق الفوز |
إقتباس:
أخوي على طارئ هدف ديباجو قدام اليوفي ,, بالشوط الأول فييري أرتقي وسجل هدف عالمي بالراس بزاويه التسعين والغاة الحكم شرايك انت هدف أو لا :) |
اخوي عاشق الازوري حتى لو جا كابيلو للانتر ما راح يقدم شي بوضعه الحالي والله اليوفي مستواه يحوم الكبد صح انه يفوز بس الفوز يعتمد على اللاعبين مهوب على تكتيك بعدين عندهم ثلاثة مهاجمين يقدرون يخلصون المبارة دلبيرو و ترزيقيه و ابراهيموفتش والانتر معتمدين على ادريانو بس , ولا تقول لوكا توني هو الحل تراه ماعنده ما عند جدتي يستخدم طوله فقط مافي اي نوع من انواع المهاره الانتر يبيله واحد مثل هنري ( وعلى فكره الانتر احتمال يجيب هنري في الصيف ) , ستانكوفتش حرام عليك اكثر واحد يركض في الملعب ولاعب تكتيكي بمهنى الكلمه يكمل في الهجوم ويغطي في الدفاع ودايم تلقاه التسديدات المفاجئه , اما توتي و رونالدينهو فهذولي نوادر صعب تلقى مثلهم وصعبه فريقهم يبيعهم وفيرون يمشي الحال . بالاك احتمال كبير راح ينتقل للانتر وما راح يروح للريال لأن الانتر طلع من صفقة كاسانو عشان الريال يطلع من صفقة بالاك اما قوتي فكلام جرايد. اما هدف فييري فهو صحيح ولو تذكر المبارة زين فييري بعد ما الغى الحكم (براسكي) الهدف راح ودف الحكم بصدره كنه بيطقه واعطاه الحكم كرت اصفر. |
إقتباس:
وجهة نظر احترمها بس اللاعب ستاكوفيتش مايخدم الفريق ولوكا توني ماعليه جبه للإنتر بدل مارتينز وكروز !! الا على طارئ ذيك المباراة اتذكر يوم فييري يدف الحكم ويعترض بس وش نقول !! ومونتيرو يوم يعطي دبياجو لكمة !! وهجمة ريكوبا يوم يعطيها فييري قدام المرمي وضيعها !! ايه يالبوبو وين ايامك :cry: |
استمروا في صراخكم وعويلكم واتركوا كسب النقاط والبطولات لليوفي |
هههههههههههههههههههههههههههههههههاي اجل اليوفي نادي التحكـيمــ,.خخ |
| الوقت المعتمد في المنتدى بتوقيت جرينتش +3.
الوقت الان » 05:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd