(*_*)(*_*) شبيه الغــزال (*_*)(*_*)
 

<p align="center">http://d1d.net/1/sport/olayansalh/zzzzz.jpg</p>

<p align="center">عـــــــــــنود
سلامات ياعينٍ هوى الزين يبكيــــــها **** تهل العباير كل لحظة وسلهامــــــــــه
لها مدةٍ والنوم ماهوب ياتيـــــــــــــــها **** تنام الخلايق واسود الليل ماانامــــــه
ونفسٍ حزينة فايدتها تمنيــــــــــــــــــها **** على من حكم قلبي وانا طعت لاحكامه
حكمني هوى الغالي والاحكام راضيها **** مطيع لحكمه طاعة العبد لاعمامـــــه
واداري محبتها عن الناس واخفيـــــها **** وعند العرب كني خصمٍ من اخصامــه
وانا احبها واحب دارٍ ربت فيـــــــــــــها **** واحب المكان اللي مشت فوقه اقدامه
واحب المجال اللي يجي فيه طاريـــــها **** واحب المنام اللي تجيني فيه أحلامــه
انا اغليتها واغليت من كان يغليـــــــها **** ونفسي بحب الزين ماهيب منّلامــــــه
حسينة نبا بالبيض محدٍ يحاليـــــــــــــها **** شبيه الغزال اللي رعى هضبة تهامـه
(عنودٍ) تقود الصيد ماهيب تاليــــــــــها **** مليك الجمال وباقي البيض خدامـــــه
ولو طالت الفرقى مانيب ناسيــــــــــــها **** ولاينمحي حبٍ على العز مرسامــــــه

الاسير الهلالي - الرس
اتمنى ان تكون القصيدة اعجبتكم</p>

صح لسانك يالغالي

====================
الله كلمات في غاية الجمال
======================

هلا وغلاا بالرس واهل الرس وبولد العم ;)

وصح لسانك يالغالي وانشاء الله مزيد من التقدم والله اشعار روووووووووووعة

واتمنالك المزيد من التقدم

وشكرا

تحياتي واشواقي

صـح الـسـانـك أخـوي أســيـر . . .

روعــة بــصــراحــة , , ,

سلامة عينك يالاسير

انا اغليتها واغليت من كان يغليـــــــها **** ونفسي بحب الزين ماهيب منّلامــــــه

تسلم والله يالأسير

الصراحه القصيده جيده ومادري ليش عندي إحساس إنك تقدر تقول أحسن منها

وفيه بيت بالقصيده عاجبني مره مع رجاء إنك ماتزعل من صراحتي لأني قريت لك قصيده سابقه أفضل بكثير

وبانتظار الجديد يالغالي......يالأسير الهلالي


لها مدةٍ والنوم ماهوب ياتيـــــــــــــــها **** تنام الخلايق واسود الليل ماانامــــــه

شكرا لكم احبتي
 

الاخوة

ابوسليمان ( الغالي )
الشايب فهد
الذيب وبس
حساس
راعي المحبة
ابومشعل 2001

شكرا لكم واتمنى ان تكون القصيدة حازت على رضاكم واستحسانكم