|
عـاجـل للإدارة الهـلاليـة: الحـل الوحـيد والإجـبـاري لـمشـكلـة تفـاريـس الهلالي ابو سارة يعود لكم من جديد .. لا أخفيكم سراَ أن مشكلة تفاريس وبطاقاته الثمان وإيقافه المحتمل ، مسببه لي أزمه نفسيه حاده ألزمتني الفراش وخلتني أفكر في حل لها لعل وعسى .. بعد عدة تفكيرات ومشاورات بيني وبين نفسي العزيزه خرجت بهذا الاقتراح العاجل .. وهذا الاقتراح يندرج تحت بند : شيء أهون من شيء .. بـ تقولون: كيف يا أبا سارة لله درك ؟ راح أجاوبكم قائلاَ: وش دخلكم ؟:D الحل الذي وجدته وأتمنى من الادارة الهلاليه سرعة تنفيذه هو الآتي : تفاريس لديه 8 بطاقات .. والهلال لعب حتى الآن 15 مباراة . بحسبه بسيطه تقريبيه نجد أن الهلال تبقى له 10 مباريات هذا الموسم: 7 دوري + نهائي كأس ولي العهد + مباراتي مربع ( إن لم نحسم الصدارة )) يجب أن يأخذ تفاريس كرت أصفر يوم الاثنين أمام الاتحاد ( مباراة رقم 16 ) .. لكي يغيب عن الثلاث مباريات التاليه :- 1- الوحده في الرياض ( سهله نسبيا ) 2- الأهلي في جده ( قويه لكن الشكوى على الله ) 3- النصر ( نصر الهبوط يعني مو صعبه ) بعدها يعود تفاريس للهلال أمام الإتحاد في الرياض ثم الشباب وهالفريقين هم الزبده اللي بيننا وبينهم الصدارة . ويكون وقتها باقي للهلال وتفاريس: 6 مباريات هي كل الموسم .. هذه الـ 6 مباريات استثنوا منها مباراة القادسيه لأنها سهله ( يلعب خليل ) .. فـ تكون الحصيله النهائيه: 5 مباريات وأعتقد أن ثلاث كروت صفراء في خمس مباريات مستبعده يعني ما فيه ايقاف جديد . ------------------------------------ ** الكرت قادم لا محاله .. إذا لم يأخذه امام الاتحاد يوم الاثنين فـ معناه أنه سيغيب عن مباريات هامه قادمه عندما يأخذه مستقبلا ! يعني لو حصل على الكرت التاسع ونحن على مشارف المربع فـ قل على الدفاع الهلالي سلااما . ** أحمد خليل بديل ناجح ومستواه في مستوى الأهلي والنصر والوحده التي سيغيبهم تفاريس .. ** الشباب والاتحاد هي مباريات الحسم وكلها في الرياض وهي تعني الصداره وتواجد تفاريس مهم فيها .. ** لا تخدعون انفسكم وتقولون: نبي تفاريس يمشي لين نهاية الموسم دون حصوله على كرت تاسع !! ** أمر الله شق القربه .. مثل عامي .. وهذا ما ينطبق على مشكلتنا مع تفاريس.. يعني ما عاد عندنا إلا هذا الحل أي حل غيره ما ينفع ( أخس ياراشد الماجد )) وأنا أتمنى تؤيدوني حتى يصل هذا المقترح للإدارة وأي استفسار أو أحد مافهم انا مستعد أشرح له . يرفع يده ويسأل وهذا وجهي ان جاوبته :D ---------------------------------- قفله : يوم الاثنين .. أتوقعها اثنين ;) |
لله درك يابو ساره اللي اخذت تفكر في الزعيم وهمومه وانت في فراشك بدل ماتفكر تعد العنوز لين تنام ابو ساره مادري وش اقول عنك مادري مهما قلت او خل نقول مهما كتبت ماراح اوفيك حقق فلله درك لله درك لله درك بالثلاث ي و س ف |
مشكووور الهلالي ابو سااره على الإقتراحـ.. و انا اوافقك الرأي.. لكنـ يعني انت تبي نقول لتفاريس بمباراة الإتحاد خذ كرت؟؟ |
كلام منطقي يعطيك العافيه ابو ساره |
إقتباس:
مو كذا . بنقول له العب على راحتك .. وبيفهمها وبياخذ كرت :D بس نبيه كرت يسوى .. يعني يودي كالون للإنعاش مثلا :D :D |
تحليل منطقي واتمنى يصير وياخذ تفاريس بطاقه المباراة الجايه :) |
اي والله اخوي ابو ساره امر الله وشق القربه:eek: المهم تفاريس مايدخل مبارايات المربع ونهائي ولي العهد الا وعنده تسع بطاقات بخصوص مباراة الاتحاد في الريااض احمد خليل كفو ويقدر يقوم بالدور المطلوب:thumbup: وياريت الهلال يشتري عقده ويفهمونه السنه الجايه تفاريس مانبي هوني موني:D |
[QUOTE=الهلالي- ابوسارة]مو كذا . بنقول له العب على راحتك .. وبيفهمها وبياخذ كرت :D بس نبيه كرت يسوى .. يعني يودي كالون للإنعاش مثلا :D :D[/QUOT هههههههههههههههههههه الله يقطع سوالفك يابو ساره |
إقتباس:
هذا الكلام .. يوسف: آي لو يوو .. يو آر لوف مي تو ؟ ( توه متعلمها ) :D |
انا اشهد انك جبتها يا دب <<<<< قط الميانه :thumbup: الله يذكر أيام المسعري بالخيررررر <<<< ايه هين :rolleyes: الظاهر ما فيه غيره مع الهلال اخذ تسع كروت واللحين التاريخ يعيد نفسه وتفاريس لازم يأخذ الكرت على قولتك يا استاذ اما كالون ما يحتاج الانعاش يكفي كسر مضاعف وواجد عليه بعد حرام يتعذب الولد ومشكور اخوي ابو ساره على الاقتراح الحلوووو s60s |
زي ماقال أخوي عالي الشان تحليل منطقي s60s تنفع تحلل بسوق الأسهم :D:D بالتوفيق للزعيم s13s |
عاد المشكله يا الداوود اني متوهق في سدافكو وجاي فيها على شوشتي :d :d مشكور للتثبيت .. ومشكور لاتفاقك معي .. |
إقتباس:
×خخخخخخخخخخخخخخخخخخخخخ× s13s رجك الله رجاً مبرحاً لما تطيش>> علبة ببسي على غفلة!! :) اقتراح صائب جداً.. :thumbup: بس ما تظن ان احد التشاديه بينتقم من تفاريس علشانه سوا الحركه ؟؟ :confused: يعني مثلا يعطيه اصابه تخلي تفاريس زياده على الكرت و انه ما يلعب 3 مباريات تخليه ما يلعب الموسم هذا كله؟؟ :confused: |
مشكووووووووووووور على هالأقتراح اللي بيجيب فينا العيد بس عاادي |
اقتراح معقول ،،، بس تفاريس لاعب محترف ،،، وممكن يضبط نفسه 4 مواسم بدون بطاقة صفراء لو يحب ،، حتى لو كانت خانته بالحساسية هذي ... سلام s102s |
| الوقت المعتمد في المنتدى بتوقيت جرينتش +3.
الوقت الان » 12:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd