عـاجـل للإدارة الهـلاليـة: الحـل الوحـيد والإجـبـاري لـمشـكلـة تفـاريـس - نادي الهلال السعودي - شبكة الزعيم

الخبردس · #11 09/02/2006, 09:19 PM

إقتباس

الرسالة الأصلية كتبت بواسطة الهلالي- ابوسارة


	مو كذا . بنقول له العب على راحتك .. وبيفهمها وبياخذ كرت بس نبيه كرت يسوى .. يعني يودي كالون للإنعاش مثلا

الله يقلع بليسك بلا 00 قسم بالله إنك مصرررررقع

________________

نرجع لموضوعنا 00

شف يا أبو ساره 00

كلامك منطقي جدا وواقعي 00

مسألة إن تفاريس مهوب ماخذ كرت أصفر هذي إغسل يديك منها 00

ياشيخ قسم بالله إن تجيه حالة نفسية لو مايشوف الأصفراني مرزوز بوجهه === > ياحبيله ولو

من المفترض أن تعي إدارة الهلال الوضع 00 بالعربي يجلس المدرب والإدارة واللاعب جلسة خاصة (( بدون عود ومرواس ))

ويتم النقاش والتشاور حتى يطلعون بنتيجة 00

متى يبونه ياخذ الأصفراني 00 ومتى يطببونه ومتى يطلعونه 00

بالنسبة لرأي (( الخبرد س )) 0 0 0

أهم شيء يدخل تفاريس مباراة نهائي كأس ولي العهد ومامعه ولا كرت أصفر 00 يعني يخش النهائي نظيييييف

لأنه في هالنهائي الله لا يعوق بشر ماخذ أصفر ماخذه 00 هذا إذا مهوب أحمر 00

وإذا افترضنا إن الهلال بياخذ المركز الثالث وهذا التوقع عطفا على وضع الهلال الحالي وقوة المباريات المتبقية له

فإن هذا يعني أن الهلال سيلعب مع صاحب المركز الرابع وهو غالبا الأهلي وإذا تأهلنا بإذن الله سنلعب مع الثاني

وبالتالي فإن للهلال مباراتان قبل نهائي الدوري (( طبعا في حالة التأهل بحول الله وقوته ))

في هاتين المباراتين يجب أن يحذر تفاريس من أخذ أي كرت أصفر 00 خاصة المباراة الأولى

لأنه لو خش المباراة الثانية ومامعه إلا كرت واحد مهوب مشكله عادي حتى لو أخذ أصفر

بكذا ندخل النهائي ومامعه إلا يا كرت يا كرتين 00

بس هااااه عاد في النهائي لازم يعطونه حريته 00

يطلقونه 00 يهدونه 00 يعني يخرب أبوها

يبيعها ب 000 ===> لاتصدقون عاد ===> إيه هين

لأنه يحووول أبطى عن الكروت وشكله قاعد يتحكحك والمفروض عاد يعطون الحر فرصة

الزبدة 00 نبيه يدخل نهائي ولي العهد وهو كلييييين

أخيرا 00

كل الشكر والتقدير لحبيب الهلاليين الغالي أبو ساره 00 ملح هالمنتدى ونورها وسرورها

وثق أن مواضيعك يطلع عليها كل الهلاليين 00

وأنا أعني ما أقول 00 كل الهلاليين ( أعضاء شرف 00 ورؤساء سابقين 00 وأعضاء إدارة 00 ولاعبين 00 وجماهير ))

وتستاااااااااهل كل ماجاك من حب وتقدير