قبل امس واحد من الاخوان=جاني على البيت عصريـه

قال استمع هرجتي يافـلان=اللي على شانهـا الجيـه

نفسي بزوجه ومن لبنـان=او انهـا تكـون سوريـه

لانهـا موطـن الغـزلان=وماظن موطن يجي زيـه

قلت انت ياصاحبي غلطان=غلطـان مليـون بالميـه

بنت الوطن حسنها فتـان=فاقت عن البـدر بشويـه

كانـهـا وردة البسـتـان=اللي عن اللمـس محميـه

مايطولها فارس الفرسـان=الا على احكـام شرعيـه

جمالها يسحـر الاعيـان=خلقـة مـن الله طبيعيـه

ماهي مساحيـق بالالـوان=بدونهـا تصيـر جنـيـه

ولاتزين الرمش والاوجان=من شان لفـت الهواويـه

ومافيه في باقي الاوطـان=مثـل الفتـاه السعوديـه


( منقوووووووووووووووووووووووووووووووووووووووووووووووووووووووووول)