معك بكل كلمه قلتها

إقتباس بعض الاعضاء بقرى ومدن مافيها جرير وش بيسوون

ذكر اسم مكتبه جرير كمثال فقط
القرى مدام وصل لها النت يوصل لها توصل لها بطاقة الاشتراك


اتمنى التفعيل وباقي 27 يوم على بداية اليوم المقترح

هلا وغلا أخوي ملك ..

اقتراحك له سلبيات وايجيابيات ..

بس لو فكرت فيها بتلقى الايجابيات أكثر .. ومصلحة الزعيم فيها أكبر ..

ولكن ..

رسوم العضوية فقط للي بيشارك برد أو موضوع أو تجميل برامج جوال ومشاهدة أهداف الزعيم والتقارير الخاصة ..

يعني التصفح للمواضيع فقط مجاني .. أما المشاركة الفعلية بالردود والمواضيع تكون برسوم عضوية ..

هنا أوافقك الرأي بدون تردد .. بالعكس اقتراح كبير ..

لكن إنه يكون دخول الشبكة والتصفح برسوم .. هنا أظن فيه ظلم لجماهير الهلال ..


معك إن الرسوم ستفرض على المنتدى كتاب كبار وعقليات أكبر ..

وغير كذا المردود المادي للنادي ..


شي ثاني .. ياليت يكون الاشتراك سنوي بـ 100 ريال بدلا من نصف سنوي ...


مشكور أخوي عالاقتراح المميز بعض النظر عن آراء بعض الأعضاء اللي يتحججون بأنه فيه ناس ماتقدر تدفع 100 ريال


يعني تصرف فواتير اشتراك نت .. وتعجز عن 100 ريال ..

الـ100 ريال الأطفال يلعبون بها الوقت هذا ... يعني حجة ضعيفة إنه فيه ناس ماتقدر تدفع

فيه مليون منتدى غير منتديات الزعيم .. وكلها هلالية .. مثل منتديات مدمي الشباك والنمر والقناص ونادي الهلال ..

أما شبكة الزعيم فياليت تكون برسوم ..


تحياتي لك أخوي ..

ابوساري

والله انه احسن فكره سمعته

والصراحة تفكنا من هالمندسين

والله انك تشكر على هالفكرة وانشالله توصل لبو سلطان

اقتراح فاااااااااااااااااشل بعدين كل عضو له الحريه في التعبير
ليه تجي وتصادرها ....
وماكان فيه داعي للاستخفاف بالمراهقين والتقليل منهم
ليه هم ماهم عشاق للزعيم مثلهم مثلك والا يعني انا ماني
مراهق.....
اما حكاية الرسوم فانا مليت من كثر المطالبين بيها يعني
احنا نقدر بس !!!
فكرو في غيركم بليززززززززز.

لا لا ماينفع


أحسن شي ب زيادة المشرفين



بل تغيير (بعض المشرفين)



أما أننا نخلي المنتدى بـ100 ريال وبطاقات


راح تصير مشاكل


إقتراح ليس في محله مع إحترامي لك


وبالنسبه للدفع الحمد لله أنا أقدر


لكن غيرنا مايقدر مثل ماقالوا الأخوان

شكرا للجميع المؤيدين والمعارضين ايضا

الاخ اللي ذكر ان هناك قرى او مدن لا يوجد فيها جرير

اخواني جرير مجرد مثااال ليس الا كما ذكر اخوي قاهر اسيا
هل بطاقات سوا مثلا لا تباع الا في جرير !!!

وبالنسبه للاخوه المغتربين
بامكاننا وضع حساب خاص للمنتدى تودع فيه الرسوم المتفق عليها

=======

الاخ اللي ذكر موقع كوره

موقع كوره يا عزيزي موقع يضم العديد من الاعضاء ذوي الميول المختلفه
انا ليس عندي استعداد اني ادفع ريال واحد فقط سنويا
لاجل مناقشة احد الاعضاء سواء نصراوي او اتحادي او غيره
لعلمي انه لن يقتنع ابدا في جدالي معه

على العكس من هذا
انا على اتم الاستعداد ان ادفع 1000 ريال سنويا لشبكة الزعيم
لانها تهتم باخبار الهلال (فقط) وتجد فيها ما يشبع رغباتك من منتدى عام واقتصادي وديني وغيره
و لكون جميع الاعضاء هنا ينتمون لكيان واحد يدعى الزعيم

والاخوه اللي يتحججون بصعوبة المبلغ
أسألكم بالله
ماهي قيمة فاتورة جوالك + فاتورة النت + مصروفك اليومي على الكماليات وغيره ؟؟؟

هل تبخل بـ 18 هلله يوميا على نادي اسعدنا منذ 1377 ؟؟

إقتباس الرسالة الأصلية كتبت بواسطة ملك العشاق شكرا للجميع المؤيدين والمعارضين ايضا الاخ اللي ذكر ان هناك قرى او مدن لا يوجد فيها جرير اخواني جرير مجرد مثااال ليس الا كما ذكر اخوي قاهر اسيا هل بطاقات سوا مثلا لا تباع الا في جرير !!! وبالنسبه للاخوه المغتربين بامكاننا وضع حساب خاص للمنتدى تودع فيه الرسوم المتفق عليها ======= الاخ اللي ذكر موقع كوره موقع كوره يا عزيزي موقع يضم العديد من الاعضاء ذوي الميول المختلفه انا ليس عندي استعداد اني ادفع ريال واحد فقط سنويا لاجل مناقشة احد الاعضاء سواء نصراوي او اتحادي او غيره لعلمي انه لن يقتنع ابدا في جدالي معه على العكس من هذا انا على اتم الاستعداد ان ادفع 1000 ريال سنويا لشبكة الزعيم لانها تهتم باخبار الهلال (فقط) وتجد فيها ما يشبع رغباتك من منتدى عام واقتصادي وديني وغيره و لكون جميع الاعضاء هنا ينتمون لكيان واحد يدعى الزعيم والاخوه اللي يتحججون بصعوبة المبلغ أسألكم بالله ماهي قيمة فاتورة جوالك + فاتورة النت + مصروفك اليومي على الكماليات وغيره ؟؟؟ هل تبخل بـ 18 هلله يوميا على نادي اسعدنا منذ 1377 ؟؟

كلامك عين العقل يعني أنا ما أتوقع ان فيه واحد تقل فاتورة جواله عن 300والنت 300والمصروف 500 فهل سيعجز عن100 كل 6 شهور لا أضن ذلك
يعني أنا فاتورة الجوال حوالي 1200 ريال والنت 800والمصروف 4000

°ˆ°

اولا اشكرك جزيل الشكر اخي ملك العشاق على هذا الموضوع .


انا على اتم الاستعداد ان ادفع 1000 ريال سنويا لشبكة الزعيم لانها تهتم باخبار الهلال (فقط) وتجد فيها ما يشبع رغباتك من منتدى عام واقتصادي وديني وغيره و لكون جميع الاعضاء هنا ينتمون لكيان واحد يدعى الزعيم والاخوه اللي يتحججون بصعوبة المبلغ أسألكم بالله ماهي قيمة فاتورة جوالك + فاتورة النت + مصروفك اليومي على الكماليات وغيره ؟؟؟ هل تبخل بـ 18 هلله يوميا على نادي اسعدنا منذ 1377 ؟


ثانيا هل تبخلون علىشبكة الزعيم ان تبقى بدون هؤلاء المندسين

ثالثا اتمنى من ادارة الموقع سرعة النظر في هذا الموضوع ووضعه في استفتاء بعد دراسته

أقول من وجهة نظري واسمحلي هل 100 ريال هي الحل فيما تطرحة من أفكار .....أعتقد لا وألف لا
هذا المنتدى يمثل المتنفس الهلالي الأول بعد مبارياته الدورية يعبر كل منتمي لهذا المنتدى عن أرائه تجاه المباراة ونتيجتها ولايحق لك أن تمنعه من ابداء رأيه حسب حدود الأدب والمندس وغيرهم موجودون في كل لقاء وبرنامج ومنتدى وتعرفه بكتاباته وأسلوب كلامه ومقولته فننتظر اشتراك المزيد من الجماهير في هذا المنتدى العالمي لتحقيقه المركز الأول عالميا على كل المنتديات الرياضية العالمية كلمة أخيرة لانريد أن تكون نظرتنا مادية في حل المشاكل دوما ولكن ننظر للمشاركات بالعقل والمنطق والفائدة أرجو قبول فكرتي ولكم الحب والشكر دوما ونحتفل بتحقيق الكأس قريبا ....

الله يعطيك العافية فكرة تشكر عليها



وذات استثمار فعال ومضمون

ياليت والله

منها نفيد النادي ومنها نطير المندسين

نتنمى تطبيق القرار

أخوي ( ملك العشاق ) بيض الله وجهك والله اقتراح ممتاز علشان ننفك من ( المندسين ) والله ماهم ذابحينا إلا هم وأتمنى من إدارة المنتدى ان تقوم بتطبيقه بأسرع وقت ممكن إلى الأخ ( ملك العشاق ) ألف تحية لك وشكرا على الاقتراح الرائع

اخوي الغالي (ملك العشاق) فكرة رااائعة من شخص أروع , نعم أتمنى أن تدرس هذه الفكرة الرائعة جدا
لأسباب عديدة , ولعل من أهمها ماذكرة اخواني الأعضاء من الأشخاص (المندسين) والذين ينتسبون للأسف إلى جمهور الهلال.
وبصراحة الواحد يدخل شبكة الزعيم بعد أي مبارة أو صفقة لاعب , بين ناديين محليين يقرأ الاستهزاء والشتم والغيبة
ولاأدري صراحة ماذا تفيدة هذة الأقاويل , وليتذكر فوق كل شي أنه محاسب على كل ماكتب.
وليس التعصب بأن أشتم رئيس النادي الفلاني أو لاعب الفريق الفلاني بل بلعكس هذة سخافة عقول.

عموما لا اريد أن اطيل....
لكن أتمنى من إدارة شبكة الزعيم أن تدرس هذا الموضوع جيدا.

وأخيرا أخوي (ملك العشاق)......... الأسطر التي كتبتها أنت في موضوعك تدل على أخلاقك العالية وذوقك الرياضي الرفيع.

ودمتم بخير.....

هل تعني ان المراهقين العاقلين ليس لهم مكان

الاخ ملك العشاق جبتها على الجرح والله ...!
ياخي امس كتبت موضوع انتقد فيه لاعب اجنبي واذا بمجموعه من الاعضاء يتهمونني بالمندس وما الاذلك وفي هذي والله صدقت...!
اما بالنسبه لرسم الاشتراك المقترح فاسمحلي اقولك مهيب المسألة 18 هلله يوميا لان مافيه احد راح يجمع كل يوم 18 هلله يوميا على مدى ست شهور انما يدفعها مره وحده وهذي فيها تكلفه على كثير من الناس خاصه فيه ناس تشكل تذكرة الملعب عبئ مالي عليهم وموب كلن تسهل عليه المية..!
انا اشوف ان تقييم العضو مايكون بالردود انما بعدد مساهماته من المواضيع المفيده موب السواليف والله يوفق...,