![]() |
مـــــــــــــــــــــــــــــــــــــــــبروك !!!!!!؟ <p align="center">مبروك خذ ماتبي ماعنــــــدي الا حلالك ***** مادام اخذت القلب خذ باقي اعضاي واذا بغيت الصدق هي كلهــا لك ***** خذها ترى مانيب رايح ولاجــــــاي روحي على راحة يدي جبتها لك ***** العاصية طاعت لاساليب الاغـراي ابيك فيني مايزيـــــــــــد انشغالك ***** ياكامل الاوصاف بلواك بلــــــواي اشفق لقربك واتمنــــــى وصالك ***** لاقمت افكر فيك ياطول مســـــراي سلكت من شانك جميـع المسالك ***** اطا على الشوك ولاطالع لماطـاي ملكتني واصبحت ملكك لحـــــالك ***** انا بدونك مالي تصـــــرف ولاراي لاسولفوا عندي وجابوا مجــــالك ***** تاصل بي الدوخة الى حد الاغماي مبروك من قبل وبعد كيف حـــالك ***** مبروك يابحري وموجي ومينــاي انشالله تعجبكم</p> |
بصراحة اخي الأسير الهلالي قصيدتك رائعة وجزلة المعاني ولكن من خبرتي الشعريه المتواضعه اعتقد ان الشطرين الأخيرين من البيتين السادس والسابع مكسـورين .ولو كانواعلى هذاالنحو>> سلكت من شانك جميـع المسالك ***** اطا على الشوك وماطالع لماطـاي ملكتني واصبحت ملكك لحـــــالك ***** انا بدونك لا تصـــــرف ولاراي تقبل تحياتي |
غايه الرووووووووعة مشكووور اخوي الاسير وقصيدة رائعة بروعة الرس :) واتمنالك المزيد من التقدم وشكرا تحياتي واشواقي |
مع خالص تقديري حبي تيماوي شكرا لك اخي حبي تيماوي على ردك لكن ملاحظتك عزيزي غير صحيحة فالبيتان موزونان ولايوجد اي خلل بهما لكن يبدو انك تقراء البيتين بطريقة غير الطريقة التي يقراءها الشاعر حيث ان كلمة ( تصرف ) في البيت السابع تقراء بكسر التاء وسكون الصاد وتشديد الراء وكسرها وسكون اخرها الفاء فاقراءها هكذا لترى. اما كلمة و(لاطالع) فهي تقراء بربط الكلمة ,,طالع,, مع الحرف ,,لا,, بدون وقف بينهما . بحيث عند قراءة كلمة طالع والحرف لا قبلها تكونان كلمة واحدة لاتوقف بينهما ولا همزة . اتمنى ان اكون وفقت بالشرح والتوضيح لك اخي تيماوي . شكرا لك على مشاركتك |
اخوي الاسير // شكرآعلى الشرح والتوضيح ولكني لازلت مصر على رأيي . <===== ماخذالسالفة عناد ...اخي الغالي الشطر الثاني ممكن يكون موزون لو نطقت الواو اللتى قبل(لاطالع) او بكسر الالف .. اما الشطر الثاني في البيت السابع فهو مكسور وتستطيع اكتشاف ذلك حتى من طريقة تلحين البيت .. بكل الحب تقبل عنادي ومنكم نستفيد وشكرآ. |
الله الله بصراحة روووووعة الله يعطيك العافية تحياتي عاشق الليل |
مشكورين اخوتي اشكر لكم تفاعلكم واتمنى ان تكون القصيدة اعجبتكم ولكم تحياتي |
صح لسانك يالأسير |
رائع يالاسير وصح لسانك |
صح لسااااااانك صح لسانك اخوي . صح لسانك اخوي . والله القصيده في غاية الروعه والجمال . |
صح لسانك يالأسير |
شكرا على تفاعلكم وردودكم الاخوة الحزين صمام الامان ابوسليمان ( الغالي ) عاشق الليل حبي تيماوي الذيب وبس لكم تحياتي واتمنى ان تكون القصيدة اعجبتكم |
الوقت المعتمد في المنتدى بتوقيت جرينتش +3.
الوقت الان » 06:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd