الى اللقاء في وقتٍِِِِ أجمل - صفحة رقم 15 - نادي الهلال السعودي - شبكة الزعيم

سامي الجابر1 · #211 03/02/2006, 02:52 PM

ابو سلطان حنا بدونك مانصلح..

ابو سلطان اتمنى ان تصبر على الجمهور قليل

بصراحه مدري وش اقول ماقدر ادافع اكثر عن الجمهور

لكن ابو سلطان الهلال بدونك .. ولا شئ ..

صدقني ولا شئ ..

وحنا بدونك ولا شئ..

ابو سلطان انت من اعدت للمدرجات هيبتها
انت من اعدت الهلال لمكانه

ابو سلطان لاترحل وتتركنا فنحن نحتاجك

معاك:ابوفهد..اسير الشوق

Lunaire · #212 03/02/2006, 02:54 PM

ما تنلام يابوسلطان

انا ذهلت بصراحه اول مادخلت الملعب

الكلام الي شفناه بالمنتدى يخليك تحس الملعب كله بيكون مليان

كيف لو كنت تسمع الكلام الي يدور بالمجالس وبين الشباب؟؟

فعلا شي يقهر بصراحه .. والمشلكة مافيه عذر

ناس ماقصرت جت من خارج الرياض وساندت

والي بالرياض وينها!!!!

مانبي كلام بالمنتدى يا جماعة نبي قول وفعل

الله يعينك يابوسلطان ويصبرك

بس الهلال بدونك ولا شي

سامي الجابر1 · #213 03/02/2006, 02:55 PM

ابو سلطان حنا بدونك مانصلح..

ابو سلطان اتمنى ان تصبر على الجمهور قليل

بصراحه مدري وش اقول ماقدر ادافع اكثر عن الجمهور

لكن ابو سلطان الهلال بدونك .. ولا شئ ..

صدقني ولا شئ ..

وحنا بدونك ولا شئ..

ابو سلطان انت من اعدت للمدرجات هيبتها
انت من اعدت الهلال لمكانه

ابو سلطان لاترحل وتتركنا فنحن نحتاجك

معاك:ابوفهد..اسيرالشوق

عزتي في سمو ذاتي · #214 03/02/2006, 02:55 PM

ماحد يلومك انا والله يابو سلطان لو يسمحونلي اروح والله اروح
بس ممنوع والجمهور ماله عذر انت اللي عليك سويته والباقي عليهم لكن
ان شاء الله ماراح يخيبون ضنك وفي مكه راح تشوف اللي يسعدك ان شاء الله

سامي الجابر1 · #215 03/02/2006, 02:57 PM

ما تنلام يابوسلطان

انا ذهلت بصراحه اول مادخلت الملعب

الكلام الي شفناه بالمنتدى يخليك تحس الملعب كله بيكون مليان

كيف لو كنت تسمع الكلام الي يدور بالمجالس وبين الشباب؟؟

فعلا شي يقهر بصراحه .. والمشلكة مافيه عذر

ناس ماقصرت جت من خارج الرياض وساندت

والي بالرياض وينها!!!!

مانبي كلام بالمنتدى يا جماعة نبي قول وفعل

الله يعينك يابوسلطان ويصبرك

بس الهلال بدونك ولا شي

..

معاك:ابوفهد..اسيرالشوق..

الف مبروك الفوز ابوسلطان.. عقبال الفوز في الاياب انشاللة

hilali_cool · #216 03/02/2006, 02:58 PM

أبــوسلطان تفداك الف بطوله ويفداك جمهور الرياض وانا كلي فدوه لك

ابــوسلطــان تكفى قــول اني امــزح

أبــوسلطان طيب وش ذنبنا حنا اللي نحضر ننحرم من شوفتك؟؟

انا والله امس دخلت الملعب توقعت مالقى لي مكان وانصدمت والله

بس عاد والله يابــوسلطان كل شئ الا حضورك

والله وجودك في الملعب أكبــر دافع للاعبين وللجمهور بعد

صدقني يابوسلطان أمس والوحده متقدم خويي جنبي يقول خلاص بننهزم

والله قــاعد أقول له شف أبوسلطان ونطالع فيك وأقــول شف أبوسلطان ماجاب

الثقه هذه من عبث اصبر وتشوف والله بعدها على طول الذيب يجيب الهدف والله اول كلمه قالها خويي وربي هي ( يابعدهم يابوسلطان )

والله يابوسلطان اني اذا شفتك في الملعب يزيد حماسي فوق الحماس اللي انا فيه

أبــوسلطان والله مالقينا عذر لجمهور الرياض بس وش نسوي

أنا مو من الرياض بس أغلب المباريات الهامه أحضرهــا

حضرت النهائي وحضرت اعتزال ابويعقوب وحضرت مباراة النصر ومباراة امس

واكيد حضرت مباراة الحزم اللي بالرس

وناوي احضر زيادة وربي كله لعيون الهلال وقبلها لعيونك انت بس

والله يابوسلطان قبل ماتجي للهلال ماكنت احضر المباريات الا نادرا بس الحين اي مباراة مهمه تلقاني داق سلف للرياض

أبوسلطان وش ذنبنا حنا اللي نجي للملعب ونتمنى شوفتك ؟؟

ان شالله الجماهير تحضر والعشم في أهل مكه الحين وان شالله بيبضونهاااا

بس أهم شئ تحضر انت يابوسلطان

اذا ماحضرت من بنغني له؟؟ يابوسلطان يابوسلطان ..... انت حبيبنا يابوسلطان

اااااه بس وربي ضيق صدري هالموضوع

وان شالله نشوفك في الملعب يابوسلطان

احساس خالد الزعيم · #217 03/02/2006, 02:59 PM

تسلم ياسمو الامير الغالي على الكلمات الجميله والواعيه التي لايجيدها غير انسان من درجة العظماء والمثقفين

وبصراحه يابوسلطان الجمهور سوف لن يخذلك من اليوم وانا اولهم سوف اذهب لرياض بعد اسبوع من الان قادمآ من جده

وسوف اجلس لنهاية السنه القادمه لاجل عيونك يابو سلطان واحضر كل مباره لو مع فريق درجه ثالثه لانك الهلال يستاهل

اولآ وثانيآ تستاهل انت يابو سلطان الحضور وكل التقدير لانك باني مجد الهلال الاخير اللي لحد الآن لازال محتكر كل

البطولات ونتمنى يابو سلطان وكلنا ثقه فيك انك ماتجامل على احساب الهلال بعض اللاعبين منتهى الصلاحيه ولانريد

ذكر اسماهم لانك ممكن تكون اعرف منا بهم لان الهلال مو ناقص شي غير منطقت الدفاع وما ادراك ما منطقت الدفاع

فقط وكل المراكز الهلال متكامل ::::::::::::::::وشكرآ لك ياميرنا الغالي

اخوك::: احساس خالد الزعيم

الأسطورة الذئب · #218 03/02/2006, 03:03 PM

يعطيك العافية يا سمو الأمير محمد بن فيصل

ما قصرت

الماسه الزرقاء · #219 03/02/2006, 03:03 PM

ريئسنا المحبوب .. سمو الأمير محمد بن فيصل ...

ماذا نقول أمام كلماتك وجهودك التي أخجلتنا .. كيف نقدم العذر لمن لم يحضر .. بالتأكيد لا عذر لهم .. فكيف لهم أن يتركوا الهلال في موقف هو بحاجه لهم .. كيف يسمعون نداءك لهم سمو الأمير الذي كُتب هنا في الشبكة وأُرسل على الجوالات ولا يحضرون ؟!!.. لقد ضحيت يا سمو الأمير بالكثير من أجل الهلال وجماهيره فرئاسة الهلال ليست كرئاسة أي نادي .. فلما لم تضحي تلك الجماهير في هذه الأيام التي تتطلب وقفتهم مع النادي ؟!! .. رغم أنّ ما سيضحون به لن يوازي ما ضحيت به .. فالأن لا يوجد إختبارات تربطهم.. ولا برد قارس يمنعهم .. ... ..سمو الأمير أنت لم تقصر مع الهلاليين ولا مع الهلال .. فرحنا برئاستك للهلال وما زلنا نتمسك بك ولا نريد أن نفرط بك فأنت تظل البطولة الأغلى لنا كهلاليين .. .. ولكن سيدي تظل أنت صاحب القلب الأكبر .. االقلب لأبيض النقي .. ستسامحهم حتماً .. وبإذن الله ستحضر جماهير الهلال بكثافة في نهائي الكأس إذا تأهلنا بإذن الله .. وجماهير الغربية معروفه بمواقفها وستساند الهلال بإذن الله في مباراته القادمة ,, وسنحصل على الكأس بإذن الله وستتسلمه من يدي جدنا جميعاً سمو الأمير سلطان

المهاجر2004 · #220 03/02/2006, 03:03 PM

بأختصار انت شخصية لن تتركرر

آآآهات هلااالي · #221 03/02/2006, 03:04 PM

والله يا أبو سلطان انه مالنا وجه نعتذر عن قلة الحضور بس عشمنا فيك كبير تعطينا الفرصه وانشاء الله القادم احلى وسترى الجمهور اللي يحبه قلبك فعلاً مقصرين كثير وجهودك وتضحياتك ياطويل العمر والله ما تنكر وستبقى في أذهاننا ماحيينا ولاكن هي مهيب غريبه عليك وانت قدها بس عطنا الفرصه هالمره بس ويعطيك العافيه....

عاشق الهلال-14 · #222 03/02/2006, 03:05 PM

][][§¤°^°¤§][][ لا لا لا لا ترحل

لن ننساك

اتكنا من كل قلبي ان تقى][][§¤°^°¤§][][

s3s3s3 · #223 03/02/2006, 03:06 PM

طالبك يابو سلطنا لا تتركنا تكفى ولا تزعل على الجمهور

Hilal4Life · #224 03/02/2006, 03:08 PM

لاتسيبنا وحدنا يبو سلطان ترى البلوي والله بيفرح فينا وحيفتري
والله وانت موجود محد يقدر يوقف في وجه الهلال
يالاسطورة ياولد الملوك

.MeZoOo · #225 03/02/2006, 03:08 PM

(( ابو سلطان ))

لقد حظرنا المباراة وكلنا امل
ان نرى الملعب تكتمل مدرجاته
بجمهورنا الغالي ولكن للاسف
فعلاً خيبة امل...

ولكن من هنا اعيد النداء الذي
كنا ولا زلنا ننادي به عودوا ياجمهور الهلال
الى الملاعب بالحظور كما عهدناكم بالسابق..
وحظورنا هو اقل شي نفعله لارضاء
(( ابو سلطان ))

تقبلوا تحياتي
اخوكم
.MeZoOo