الى اللقاء في وقتٍِِِِ أجمل - نادي الهلال السعودي - شبكة الزعيم

المشذاب · #11 03/02/2006, 05:41 AM

-

نعم يا ابو سلطان ان خذلوك جمهور الرياض فما ذنب الملايين في القصيم والشرقية والشمال والجنوب والغرب ؟؟؟؟

هل جمهور الهلال حكر على الرياض ؟؟؟

نعلم انك وحيد في ظل وجود اعضاء شرف غائبون ..

تحقق لهم مطالبهم ..

تركت دراستك من اجلهم ..

فعلت وفعلت وفعلت ... وبذلت وبذل والدك الكريم ..

لم تنتظر اجرا .. او مكافأة ..

لم ترد الا موجا ازرق يملاء المدرجات ..

لايملاء المدرجات بل على الاقل قل واجهة الاستاد ..

ولكن لاتعليق ..

نعم اعلم انني لم احضر ويعلم الله ان لدي اسبابا قاهره منعتني من السفر..
والا مبارة الحزم والنصر والاهلي مهي اهم من الوحده ..

هل تعلم يا ابو سلطان ان هناك من يحترق حبا في الزعيم ..

هل تعلم ان محدثك تدمر مستواه الدراسي بسبب الهلال ..

هل تعلم انه حين عودتي من احدى مباريات الهلال وكان الجو بارد وكنت مصدع من المبارة وتعبان ولا اقدر اسوق ..
هل تعلم انني اضطررت لوقف السيارة على طريق العمارية وتغطيت بفروتي ونمت حتى الصباح ؟؟ والله العظيم ولا متشرد يسويها ..
من اجل ماذا ؟؟؟

هل تعلم ان المصاريف التي ندفعها وهي عبارة عن بنزين وزيت وعشاء وتذكرة . قد لاتساوي مليون عند كبير اعضاء الشرف ..

هل تعلم عدد السيارات التي نشاهدها في طريق القصيم السريع وهي تحمل اعلام هلالية عند المباريات المهمه والنهائية ..

وبعد ذلك يا ابو سلطان تكدر خواطرنا بخبر عدم وقوفك مع الفريق في المباريات ؟؟؟

اقسم بالله ان فرحتي بالفوز تنغصت ..

يعني اذا انت زعلان من جمهور الرياض حنا وش ذنبنا يا ابو سلطان ؟؟

ماصدقنا يجي واحد ويرجع هيبة الزعيم وهيبة الهلال ..

ابو سلطان ترا حبنا للهلال ليس لانه مجرد نادي .. والله انه عشق جنون وشي ارتبط بالذات والروح ..

تأكد يا ابو سلطان انه بقرارك هذا سيتدمر الزعيم ..

هل هذا وقت مناسب لاتخاذ قرارك ؟؟

والله ان قرارك هو اكبر فرحه للحاقدين .. لانهم يعلمون انك وقود الهلال ..

والله يبو سلطان وجودك مع دكة البدلاء هو اكبر دافع للاعبين ..
واكبر مصدر للاطمئنان نحن كجمهور ..

قدامنا كاس ولي العهد والدوري واسيا .. وخايفين يروحوا منا ..

والله ما ادري وش اقول وش اتكلم عنه ... كلام كثير بداخلي ..

لست املك اسلوب ابو سارة ولا السامي كسمو الهلال ولا بنت الماس ولا ابو هيا ولا المبدعون ..
لكن الله اعلم بما في القلب يا ابو سلطان ..

تحمل علشاننا .. علشان هالجمهور