|
هل بكينا على الدوخي .... السلام عليكم ورحمة الله وبركاته اخواني الاعزاء اعضاء منتدى الزعيم الكرام هل صحيح ان الجهة اليمنى في الهلال او بالاحرى الظهير الايمن ستعاني بعد رحيل الدوخي من وجهة نظري المتواضعه ارى ان هذا الكلام صحيح لان ياسر الياس قسم بالله لو اني مدرب في فريق حواري مادخلته في التشكيله فعلا هذا اللاعب فنيا لايملك مايأهله لاارتداء شعار الهلال شاهدت وشاهدتموه في كم مبارة الى الان لاعب اقل من عادي ولا اعلم سببا لا اقحامه في تشكيلة الهلال من قبل المدربين لا اقول اني ادرى من المدربين بس حنا نعرف الكوره والكتاب باين من عنوانه اذا كان الجهاز الفني في الهلال معجب به فتلك مصيبه .. واذا كنا لانملك بديلاً له يعني بالعربي (الجود من الموجود) فو الله ان المصيبة اعظم وجهة نظر خاصة اكاد اجزم ان الكثير من الجماهير الهلاليه يؤيدني فيها.. |
اخي العزيز الذي تعرف الكورة هل كان هذا كلامك العام الماضي ام هل اتى غيرك او غيري وتكلم عن هذا الموضوع اريد ان اعرف فاللاعب المنخفض مستواه عبارة عن واحد من اثنين اما لاعب فاشل في الاصل وهذا ما لايعقل فنحن كلنا حملنا شعارات الياس العام الماضي في النهائي وشفتم لما شجعناه ايش سوا افهموا يالربع وباكيتا الاعم الماضي كان يضعة اساسي واللاعب مجتهد فهل باكيتا ما يفهم وطوال العام واحنا كلنا ما نفهم ؟؟؟؟؟؟؟ واما ان يكون اللاعب منخفض مستواه اول الموسم وهذه حالة معروفة ومر بها العديد من اللاعبين منهم العتيبي وزايد والمنتشري وشفتم مبارة غانا والصويلح الذي بقي طول بطولة فيصل على هذه الحال والموري ايضاً لكنهم وجدو منا الدعم والـ(دلع) وهذا هو الامر الصحيح باننا نقف مع اللاعب في انخفاضة كما نقف معه في ارتفاعة يا اخي ياللي تعرف الكورة لما تضيع فرصة مع اخوياك ويصيحون عليك وحراح عليك ومن ذا الكلام زي لما تضيع كورة سهلة ويجيك اللاعب الي ناول لك ـــ وانت محرج منه طبعاً ـــ ويقولك حلوة وماعليش ويصفق لك ايش بيكون شعورك وابغاك تقيس على اللاعب الذي يدعمه الجمهور والذي يسفلون فيه مع اول خطأ واللاعب انهز بعد ما سمع المصايب اللي تنزل عليه في المنتدى كلهم ترا عندهم نت ويمكن مسجلين معانا بعد ولما يقرون زي ذا الكلام وخصوصاً الياس لما يقرا الهالة الكبيرة التي وجهة اليه اكيد بيحبط يا ولد قمنا نتكلم عن اقلته وكأننا ادارة النادي !!!!!!!!!!!!!! الي صار ان بعض مواليد 1412 وطالع انقهروا لما راح الدوخي غير مأسوفاً عليه وهو لاعب فاشل وشافوا الرفعات اللي دوبه تعالمها بعد ما كان اسوأ واحد يرفع في السعودية قاموا لازم يشتكون وما يبغون يبنون عشين يقولون هو الخسران ومن ذا الكلام لكن الحرة في القلب قاعدة تكوي وما شافوا الا الياس اللي يبغونه يجي احسن من الدوخي (عشين نقهر عيال الحارة الاتحاديين) يعني بكل بساطة الهلال صار وسيلة للبزورة !!!!!!!!!!!!!!!!!!!!!!!!!!! والا لاعب زي الياس يلقى كل هذا الانتقاد وش سوا ي اخي ارجوا ان تؤيد اللاعبونعرف الفرق بين وقت الحساب ووقت العمل اللاعب هذا هو قدرنا الا اخر الموسم على الاقل فيجب ان ندعمه لانه لاعب يلعب احسن ماعنده احسن من لاعب مهزوز ونقعد طول العام نسفل فيه |
الدووخي خااين وانقلع واليــاس طيروووه لين صدق نفسسه لكن أتمنى أن الأداره توقع مع محمد مسعد لانه يلعب بهالمركز ويلعب وسط لاعب صغير ومهاراته عاليه |
إقتباس:
إقتباس:
إقتباس:
أخوووي اليااااس موب هااك الشين عشاان نقول عنه ها الكلام .. صح هجومياا ما عندك احد وما عنده مهااره لاكن دفاعيا جيد جداا .. اليااس ما طلعت الانتقادات عليه الا عقب مبارة الطائي .. وهاك المباره اغلب الاعبين كانوا سيئين .. الياااس أطيب من غيره ... وفكوناااا تكفووون ورانا مباريات مهمه .. الكلام ذا يلخبط اللعيبه .. سلااااااااااااااام .. |
نعطي الحر فرصه ... ولا تغلطوون عليه ... والدوخي ما ينبكي عليه ...وخسر اتي تشاد مرتين ... امام الوداد والاهلي .. |
صراحهـ تحسفت على روحت الدوخي صحيح حنا نفعناهـ اكثر من اللي نفعنا بهـ لكن هم هو لاعب لهـ تاريخهـ معنا اما الياس...شكلهـ مكثر مفاطيح...وراح يرجع مستواهـ اللي كان العام الماضي انشاء الله |
والله الدوخي مايتعوض بس لونه اعتزل وهو مع الهلال كان بكينا عليه ولاكن الان هو مع التشاد وخليهم يفيدونه ماديا فقط اما عن الياس فهو لاعب دفاعي مقاتل يلعب على الكوره حتى اخر لحضه ولاكنه هجومي فاشل خواف واخيرا لاتضغطو على الاعب وخلو يطور مستواه وهو توه صغير |
إقتباس:
بعدين خلاص قفلوا على موضوع الدوخي لو سمحتوا |
ياناس حراح عليكم باقي اقل من 48ساعه على المباراه خلا انسو الدوخي فكروا في الزعيم الخميس الملعب الحين راح النمر وش عاد الدوخي ياناس خلو عنكم الخربطه والوعد الملعب |
كلام جميل |
خلاص وقفوا مع الياس وماراح يخيب املكم هو محتاج دعمكم |
لو يلاقي تشجيع في المباريات وغيرها يمكن يبدع ويمكن تلاقونه احسن من الدوخي حتى لأن دوخي الأتحاد حاليا مو نفس دوخي الهلال ولا وش رايكم |
انا عن نفسي مانيب متحسفه على الخاين لانه مايستاهل الواحد يتحسف عليه هو اللي متحسف حتى شوفو لعبه مع الاتحاد ومع المنتخب ماتصدقون ان هذا هو الدوخي لعب مع الاتحاد كويس بس عشان كاس العالم زالحين وده يرجع لكن خلهم ينفعونك البلوي ولاعبينه اللي محلق قزع اللهم لاشامته هذا عمره ويحلق قزع اجل البزران ماعليهم شرهه |
ياشباب فيه بعض الاعضاء يقوولون ان مستوى الياس العام الماضي ممتاز ونسوا اننا من مدحناه ومستواه مع احترامي له سييء حتى قالوا انه افضل من الدوخي ليه عشان الدوخي توه رايح ومكابره والا مستواه هذا هو من يوم جاء من العام الماضي الى الان وانا بصراحه صرت اشكـ في ان من يمدحه مندس شكـ يمكن يكون صائب ويمكن يكون العكس واحب اقوول للدوخي ان القلب لن ينساكـ مهما ذهبت وابتعدت والله لا الياس ولا العصفور ولا حتى مسعد ان جاء يوازي ربع مستواكـ وهذا الاحتراف كلن يدور رزقه وهذا بعد الهلال فرط في الدوخي عشان كم مليون وهو جايب سانتوس وشاري ياسر 25مليوون ومتكاثر عليه كم مليوون وهو يستاهل ومن ابسط حقوقه هو ولا غيره كم ندما بعد ماراح خميس وهاهو يتكرر مع الدوخي وياخوفي من الجاي وشكرا |
اخواني الأعضاء الاعزاء شكرا لكم لمروركم الجميل اولا ثانيا ياراعد الصوت انا من يوم جاء ها اللاعب للهلال وانا ماني مقتنع فيه ... لاعب فقير فنيا .. مهاراته اقل من عادي ولكنه مجتهد انتم ماشفتوه في المباريات لاجت معه الكوره تقول متورط فيها .. لا وان مره سوى فيها فنان انطلق فيها وصفق في اقرب لاعب .. يا اخوي خلونا من المجامله اللي يجي مع الهلال هو احسن لاعب واللي يروح انخفض مستواه .. هاذا مهو كلام عاقل ابد الياس لايقارن بالدوخي وصدقوني راح تثبت لكم الايام صحة كلامي وشكرا مرة اخرى لتواصلكم |
| الوقت المعتمد في المنتدى بتوقيت جرينتش +3.
الوقت الان » 04:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd