السلام عليكم ورحمة الله وبركاته


(( قبل كل شي .. فيه صور بآخر الموضوع .. وأكثر الصور لم يتم تحميلهــا )) ..

..


اليوم حضرت تمارين الفريق الاول للهلال وحضره بعض الجماهير ..

بدت التمارين بعد العصر وانتهت مع صلاة المغرب ..

وبعد الصلاة طلع اللاعبين .. فرحت أسلم على الي أقدر اسلم عليه والي شفته ..

الود ودي ما أخلي احد والا اسلم عليه واحاول اقووله اننا معكم قلبا وقالبا

سلمت على السفير المونديالي سامي .. وعلى ياسر .. وعلى نواف وياسر ..

البرقان شفته بس بعد ما أبعد .. سلمت على الساحر كومااتشو ..

صرااحه ما تتصورون كيف يعاملون معجبينهم .. ذرة كبر مستحيل تشووفها وانت معاهم ..

حتى تصوروا كان معي واحد من اخوياي نصراوي الميول .. جاء يصور مع سامي وقال لسامي قبل يصور معه تراني نصراوي .. فقاله حياك الله .. وصور معه ..

سألت سامي عن مباراة الوحده بيكون حاضر ..

جاوب :: ان شاء الله ..


نواف التمياط انسان حضاري واعي رائع لتعامل مستحيل تفكرون كيف ابتسامته وكلمات رائعه تطلع من افمه ..


ركب نواف سيارته وقبل يمشي كان فاتح نافذة السيارة يتكلم مع واحد فنشبت بحلقه وقلت له .. بالحرف الواحد

يا كابتن نواف ... انا عندي همين ذا اليومين .. واحد خلص وواحد لا .. الاول اختبارات الجامعة
والثاني اختبار توقيع عقدك مع الهلال ...

نواف أنت هلالي ولا لا ؟؟

قال : ايه انا هلالي الحين ..

قلت له :: الحين بس ؟؟ ما فهمت ..

قال :: انا مثلك عندي اختبارات جايه .. وأولها اختبار الوحدة وهو الي افكر فيه .. ما أفكر بالعقد ..

قلت :: عقدك بعد شهر وللحين ما جزمت على شي ..

قال :: عقدي بعد اربع شهور ينتهي ...

قلت :: انتبه على نفسك واقرا على نفسك المعوذات ترانا ما نتحمل غيابك بعد أكثر ..

ضحك وقال :: دعواتك ..


أنتهى الحديث الي صراحه ما كان ابد مطمئن لي .. والله يجيب الاخبار الحلوة ..


تحياتي اخواني الزعماء ..

اليكم الصور


7777
77
7