30/01/2006, 08:04 PM
|
| زعيــم نشيــط | | تاريخ التسجيل: 23/09/2004
مشاركات: 592
| |
|
شقة الاسماعيلية ( تخيلات للدكتور الرايق )
في الحقيقة تمنيت اليوم أكون دكتور نفساني (وهذي هي العبارة الصحيحة بدل دكتور نفسي ) . . . وحلمت أني فتحت
عيادة قد الدنيا في شقة في الاسماعيلية في الدور السادس مطلة على بحر جدة ومشرفة على أبو الهول . . .
أحب الاشراف على أبو الهول ومتابعته والحمدلله انه ما يتحرك . . . وياليت ان كثير من الناس مثله . . .
ما يتحركون ولا يتكلمون . . . جالسين مبسوطين . . . مرتاحين ومريحين . . .
سبحت في بحر من الخيال . . . وأخذت أمواج الأماني تتقاذفني . . .
لم أصدق أني دكتور نفساني أعالج . . . مر اليوم الأول ولا جاني أحد . . . ومر اليوم الثاني ولا من مجيب . . .مر أسبوع
مر شهر . . . الايقار يا عم هذا صوت صاحب العمارة المصري . . . يبغاني أسدد . ..
قلت له : ما عنديش فلوس . .
قال : قرى ايه يا عم أنت آعد مبرطع في الشأه ( الشقة ) وفي النهاية بتؤلي ( بتقولي ) ما عنديش فلوس .. ايه قرى ايه اصرفها ازاي دي بأه . .
قلت : استنى علي شوي . . الشهر الجاي بإذن الله . . والله كريم . .
المهم ما صدقت أنه تركني . . . وتعرف هالأشكال اذا نشبت . . . دخلت عيادتي المحترمة . . . وقعدت على مكتبي اللي من الخيزران ورحت أطالع الجمجمة اللي حاطها زينة في المكتب . . . فيها عيون خشم فم أذن لكن ما فيه عقل . . . وأنا أختلف عنها أكيد . . . ليه الى الحين ما جاني زبون واحد يمكن لأني مو حلو أو لأن مدير العيادة شايب . . . أو لأن العيادة في الاسماعيلية . . .
فكرت . . وفكرت . . . وشغلت المخ . . . وفي النهااااااااية عرفت السبب
نسيت لا أركب اللوحة للعيادة . . .
فيه أحد يفتح عيادة وينسى يركب اللوحة . . . كتبت على اللوحة ( الرايق الأزرق للعلاج النفسي يرحب بالزوار الكرام )
فيه ناس من يشوفون اللون الأحمر والا الأزرق يهيجون . . . أضفت لوحة صغيرة جنب اللوحة الكبيرة . . .
كتبت فيها
( يوجد هنا هلالي . . عاشق للزعيم . . )
جاني واحد نصراوي . . . قال أنا عقدتي الزعيم . . من أشوف هالأزرق يصيبني الجنون . . لا الهستريا . . . سامي جنني . . ويوسف بلعبة خلاني حيران . . . تكفى يا دكتور تكفى . . . تكفى تكفى تكفى تكفى
قلت الحين يا حبيبي أجلس ( قلتها وأنا أتألم والا هذي أشكال تنحب لكنه زبوووون ) استرخ يا نصراوي قال من زمان ياالرايق ما عرفت الراحة . . . أصابني الهزال ومن أهداف سامي جاني اسهال . . . ياليت يا دكتور تعالجني من هالهلال . . . حتى البطولات ما عاد فيه هالهلال مثل المارد يآكل الأخضر واليابس . . . ما بقى لنا شيء . . .
قلت له : الزعيم . . . . وتوني ما كملت كلامي إلا هو يصيح لا تقول الزعيم قل أي شيء ثاني أنا عقدتي الزعيم . . .
قلت : أنت حالتك مستعصية . . . روح يا شاطر أنت ما أنت نصراوي أنت كاره للهلال . . .وإلا وينك عقلك يوم انك تتشكى من الهلال . . . رح يا بابا شف ناديك أحسن . . . وخل الهلال للهلال . . . لا تجرح السماء يا صغير خلك في الأرض واحنا بين النجوم . .
عطيته خمس ريال يساند بها النادي ويفك أزمة المحترفين والله ما كان عندي الا هي ودي بمنافس تقليدي على الأقل يساعد واعذروني على القصور . . .
رحت في زاوية العيادة أبكي من حال بعض الناس ليه ما تشجع الزعيم . . . إلا على صوت باب يفتح وواحد يحاول يدخل . . . أسمع صوت واحد يصيح شيء أبيض عند الباب قطعة قماش . . . الظاهر أنه والله أعلم شيء غريب ما هو من عندنا هالكائن العجيب . . .
أوه . . هذا منصور الشادي سارق الأغاني . . . أقصد البلوي ناشب عند الباب ما قدر يدخل وما كفاه الباب . . . قلت عساك بالقوة يا حلو يا دبدوب . . . أدخل علينا بالريوس عسى ربك يسهلها وتدخل علينا يا حبوب . . .
طيط طيط طيط طيط دخل علي تقول دينا . . . قمت أسحبه وهو يحاول . . . انا ما نتبهت قلت عشق الدبل يا منصور هو زعل وعصب وانفجر ودخل بقوة وكنت بأكون الضحية . . .
تخيل أنا والبلوي في شقة في الاسماعيلية . . .
عرفت وش أسباب سقوط العمائر . . . أكيد البلوي مرها طاير
قلت له بكرم هلالي : تفضل استريح . . .
قال : أنت هلالي . . .
قلت : تفضل استريح ولا تجلس على الكرسي المريح . . يمكن . . يمكن . . أجني عليه . . .
قال : اسمع . . . الهلال هذا عقدني . . . شريت النصر بفلوسي . . . وأكلت الأهلي حتى طحت من ساسي . . . والقادسية حطيت فيها نعمان ياقوتة الشرقية والوحدة بهدية جوب جتني معميه . . . إلا الهلال ليه ما تحطم من 50 سنة ما تدهور . . . انا أتحادي أبغى الاتحاد وبس . . .
قلت : اسمع يا بلوى . . . الهلال هذا عملة نادرة . . . عجيب فريد غني برجاله . . . لا تحسب أنك يوم تقدر تدوس على الكرامه أنك قدرت تدوس على زعيم الشهامة . . . الهلال ما يبغى صدقة . . . الهلال له رجال تعفه وتحفه . . . الهلال فريق لالالا منتخب . . . الهلال كيان . . . علامة فارقة . . . الهلال دولة الطيب الرجولة والصدق . . . الهلال التعامل والتضحية والمثالية . .. الهلال نور النجوم مو محمد نور . . . الهلال شيء ثاني يا بلوي . . .
إلا البلوي يوم يصغر . . . ويصغر . . . تصدقون أنه خجل . . . قلت له تعال بأوريك شيء . . . جينا إلى عند الدريشة . . . قلت له : تشوف أبو الهول .؟
وبالشلوت طردته . . . إلا ما قدر يدخل من الباب طار من الدريشة . . . وعجبي عالهصغار . . . والتفت على الباب الا جستنية واقف وقفة الصغير الذليل كأنه طالب ابتدائي . . . قلت تعال يا شاطر وش تبغى ؟
قال : أبغى بابا . .
شميت في ريحة كريهة أكيد خايف الصغير . . . والا علشان اسمه نجس النية . . .
قلت له : تعال أوريك بابا وماما . . . وقربته من الدريشة وبنفخة طار الحقير . . . صحفي من ورق وحقه يطير . . .
*************
طالعت من الدريشة الملايين محتشدة . . . قلت أكيد هذا موكب أمير . . .يا ترى من يكون . . الحشد كبير . . . الصوت يقول يا هلال . . . صوت الحقوي صوت الأسد . . .
ملايين تجوب الشوارع . . . وقايدهم امير . . . بسمة عن الدنيا . . . كلمته لها عطر وشذى . . . متوشح يشعار الزعيم . . . كل شيء فيه أزرق . . .
موكب الملايين . . . موكب الكؤوس والبطولات
قلت : أكيد هذا موكب الهلال الزعيم . .
قفلت العيادة إن كان ما يجيني إلا نصراوي واتحادي والتحقت بركب الزعيم . . . أشجع وأفرح وأضحك و أستانس وأخلي غيري يموت ساكت صامت لا حراك مثل أبو الهول . . .
د. الرايق الأزرق ( سابقا )
الرايق الأزرق الهلالي ( حاليا ) |
الوضع المتطور
