اكيد عارفين دحيم وغبائة المزمن وعارفين بعد كيف قررنا اننا نسافر لمصر ....خلوني اكمل القصة "
بعد ما قضينا اغراض السفر وكل شي و خلاص بكرة السفر وكنت افكر في شي كان عندي احساس غريب في شي بصير وشهو؟ وقلت يا ولد خلك من الوساوس ونم بكرة سفر . ونمت والصبح كانت الرحلة للقاهرة مرني دحيم ودعت اهلي وطلعت وانصدمت يوم شفت مع دحيم واحد اعرفة زين اية غبي مثل دحيم اكيد ولد عمة عميان او حنا انسمية عميان او حويل قلت انا بلقوة اتحمل واحد صارو ثنين ركبت السيارة وسالت دحيم ولد عمك بيروح معنا او لا ؟ قال لا وش يودية يفضحنا هناك قلت الحمد لله فضيحة احسن من فضيحتين وصلنا المطار ونزلنا وانا داخل شفت واحد طالع وهو يسب نفسة طلع جوازة منتهي جوازة منتهي ليكون دحيم بعد جوازة منتهي ومسكت نفسي قلت عند الجوزات يبان كل شي وضاقت فيني الدنيا والتفت على عميان وسألت مجاملة بس . عميان لية متسافر معنا .. رد دحيم فجأة ! لا لويشفونة الجوزات ويمسكونة متهرب هاها لانة عسكري هوهو
قلت كني اشوفهم يردونك انت وجهك شكل جوازك منتهي وانت تنكت
وصلنا عند حق الجوزات ودعنا عمية ولد عم دحيم وقلت دحيم خلك قبلي عشان اذا طلع جوازك منتهي ما يختمون على جوازي , وقدم دحيم جوازة وانا يدي على قلبي وختمة موظف الجمارك وعطاة الجواز وقال الي بعدة وانا الي بعدة وقدمت جوازي بكل سرور
وطلعنا فوق وكان باقي ربع ساعة على دخول الطيارة وقعدنا بلكفتريا وكنت اسمع نداء يقول ( الرجاء من دحيم ولد ابو دحيم التوجة لمكت مسئول المطار) قلت بس الي خايف منة صار بس وش كنت خايف منة ودحيم وش مسوي . والتفت على دحيم ويقول بكل برود فية واحد يشبة اسمي
قلت لا يا غبي هاذا انت قال انا لية وش مسوي قلت هناك انشوف
وتوجهنا للمكتب ودخلنا واذا ب عمية قدامنا وحاط رجل على رجل وقال بهدوء غريب وحنا اعصابنا محترقة . المفتاح السيارة يا ولد عمي الحبيب , وهنا بس تنفسنا الصعدا
وطلع دحيم مفاتيح كثير وقعد يدور فيها ويعد ويقول مفتاح الغرفة وهاذا حق الدالوب وهاذا حق قلت دحيم بسرعة الناس يركبون الطيارة عطه كل المفاتيح . وخلصنا الموضوع ورحنا للبوابة ودخلنا الممر ووصلنا باب الطيارة وقف دحيم وفسخ وانتم بكرامة جزمتة وحطها عند باب الطيارة ضحكت وقلت يا حليلك يا دحيم راعي نكت . واكيد كنت اصرف
وخليتة يلبس جزمتة المهم جلسنا على الكراسي ودحيم سوا زحمة الي يقعد على الشباك و كان خايف وساكت يسبح طارت الطيارة بسلام وبعد شوي جتنا المضيفة واسألت دحيم وش تبي فطور بيض او جبنة فرنسية رد دحيم لا ابي معصوب
قلت دحيم مايسون معصوب هنا لية وش قالولك القرموشي انت في طيارة
المهم نام دحيم لين وصلنا المطار وقومتة وعيا يقوم وجلست لين فضت الطيارة وقومتة وما قام لين ما جو المضيفات والمضيفين وكبينا علية موية ونزلنا من الطيارة وخلصنا كل شي وطلعت واستقبلني صديقي ابو خشم الى راح نسكن عندة وعرفتة على دحيم المهم راح دحيم يجيب تكسي وركبنا في تكسي ورحنا لشقت صديقي ابو خشم وفجأة طمر دحيم وهو يصيح ححححححححرمة تسوق سيارة ؟ وجلست انا ومع ابو خشم نشرحلة اشياء عن مصر وعن عاداتهم وصلنا الشقة ونزلت من التكسي واذا بثلاث تكاسي ورانا استغربت وتجمعو على وكان كل واحد منهم يبي فلوس اي فلوس يبون ردو على وقالو ان صديقي هو طلبهم سألت دحيم وش السالفة 0 رد بكل هدوء شفتهم تضاربو على فقلتلهم خلص كلكم تعالو معي . صرفت دحيم وجلس اتفاهم معهم على الحساب وكانو اربعه بس الي قدامي خمسة منهو الخامس اختلفت معهم السعر وتهاوشنا واذا بلخامس يدخل بلموضوع ويقول ( يا قماعة صلوا على النبي والى ماصلى على النبي يصلى على النبي ) وقلت انت وش دخلك يا ملقوف رد بفظول .وزع الحساب على القماعة بعدين نتفاهم دفعت الفلوس وسألتة انت منت من حقين التكاسي . رد بلا
قلت انت مين جاوبني . انا ماهر سيد ماهر راعي محل كشك عصيرات هنا تحت العومارة ... قلتلة طيب شكرا يا ماهر طلع لنا عصير لشقة
وطلعت للشقة ودخلت استحم وطلعت من الحمام ولقيت دحيم وماهر صارو اصدقاء وكان ماهر بربار مرة ولا يسكت وكان يقول مية كلمة في الدقيقة ابو خشم راح لجامعتة
سألت ماهر ماعندك محل تقعد فية ؟ قالي ايوة بس جلستكم حلوة
خليتهم جالسين على التلفزيون ودخلت اريح شوي وبعد العصر قررنا انا نطلع للاهرمات وكان معنا ابو خشم ونزلنا من الشقة واذا بماهر ينادينا وترك محلة الفاضي على طول من الزباين اكيد الناس ما يجونة من وجة الى يسد النفس وقالنا وين رايحين
علمناة واصر انة يروح معنا عشان يدلنا هناك اكيد على حسابنا ركبنا كلنا تكسي ورحنا للأ هرمات وطول الطريق وماهر يقرق علينا ويسولف ودحيم داخل جو معة
وصلنا الاهرام وحنا عرفنا تاريخ ماهر من يوم ما جابتة امة لين ما قابلناة
تمشينا شوي ودحيم اصر انة يركب حصان وركبنا دحيم حصان وسألتة تعرف تركب او اخلي راعية يمسكة لك . رد دحيم بكل ثقة انا خليفة الزير سالم
وطمر المصري ماهر على حصان ثاني يقلد دحيم ودحيم الغبي ضرب الحصان بقوة وانطلق فية الحصان وما نشوف الى غبارة ونسمع صراخة وقام ماهر الفزعة ويضرب احصانة وهو يقول انا حقيبة بس انطلق الخيل بلجة الثانية عكس دحيم وما نشوف الى غبارة ونسمع الى اصراخة وتعال شف الضحك عليهم كل واحد في طريق ومن شافهم يحسبهم الزير سالم وهمام مادرو انهم دحيم وماهر ويالة يالة وقفناهم ورحنا القسم بتهمت سرقت الحاصنين واسطات لين ما طلعنا من القسم
اليوم الثاني صحيت على صوت دحيم وماهر وهم يتكلمون بصوت عالى وينكتون وكان ابو خشم طالع للجامعة
وبعدين قررنا انا نطلع نتقهوا في فندق ( سمير اميس) وحنا نتقهوا انا ودحيم والثرثار ماهر الي ترك محلة وجاء معنا مر علينا فنان كبير خليجي وشفتة وسألت دحيم ما عرفت منهو هاذا .. قال لا منهو قلت ماني قايلك رح واسئلة
قام دحيم واخذ معة ماهر وراح للفنان وسلم علية دحيم وقالة . اهلين والله فيك يا فنان يا كبير وقال ماهر مرحبا فيك في بلدك الثانية
رد الفنان هلا والله فيكم شباب وسحبة دحيم على جنب واسئلة قال بصراحة انا ما اعرفك ولا شي بس شكلك ممثل معروف
ضحك الفنان وقالة انا المطرب ......... وهذي بطاقات حفلتي الليلة لزم تجي انت وصديقك
المهم رحنا للحفلة وشرينا بطاقة لماهر بس في اخر صف وحنا جالسين الى واحد يجلس بينا اكيد ماهر من بكون غيرة طلع يعرف واحد مسؤل وطلعة عندنا ودخل المطرب وراح يغني وطلعت الفضايح وماراح اقول وش صار خلها على الله
رجعنا للشقة الى والتلفون يدق رديت وكان عميان ولد عم دحيم يكلم وسلم على وطلب دحيم وقالة ( دحيم ابوك درا انك منت رايح لجدة وانك في مصر وعلمة واحد من الجماعة شافك في المطار لزم ترجع ) وبعد يومين رجعنا للرياض وفي المطار كل ما دخل دحيم من جهاز كشف المعادن دق الجهاز ونزل الساعة لكنة دق مرة ثانية وفصخ كل شي وكان يدق الجهاز اخرتها طلع دحيم الغبي ماكل غطاء قلم حديدي و ... شكلي طولت عليكم صح وغثيتكم بدحيم على كل حال اتمنا ان قصة دحيم اعجبتكم بس
لا يفوتكم دحيم في الشرقية مع ولد عمة في الجزء الرابع والاخير من قصة دحيم الفلتة ........ ومو كل دحيم مثل دحيم الى اعرف