27/01/2006, 02:33 AM
|
| زعيــم مميــز | | تاريخ التسجيل: 14/07/2005 المكان: في عالم الزعامه
مشاركات: 1,895
| |
|
بعد العودة من الملعب هذا اللي اقوله
السلام عليكم ورحمة الله وبركاته
اولا خسرنا المباراة من الفريق اللي هزمنا في الدور الاول
خسرنا لأننا نملك 7 لاعبين نايمين مادري وش وظيفتهم في الملعب
اولا الحارس ماراح اعلق عليه فهو ترتيبه الرابع بين حراس الهلال الدعيع ثم حسن ثم جبلي ثم الماس
يعني الهلال مو مقتنع في مستواه ومخلينه بس طوارئ واذا مسك حراسة المرمى دقت اجراس الطوارئ
ثانيا الياس الله يرحم لعب تعرفه افشل من الفشل مافي الا اللي قدمته انت ؟؟لاعب مايملك اي ابجديات الكرة
لا تغطيه وكل الكور تمر من خلفه واللاعبين يتمركزون في خانته وهو مايعرف وش يصير في مركزه
ولا كنترول صح ولا تمريره صح ولا اوفر صح يعني ابي اعرف الحسنه الوحيده ايش ؟؟؟
ثالثا لاعب قتل الهجمات الهلالية اكثر من مره
رابعا اكثر لاعب يتزحلق قالبها صالة تزلج والا خانته مليان فيها صابون ؟؟؟
يعني من الحين اللي بيدافع عن الياس ويقول انه وانه من الحين ارد عليه واقول حكم عقلك وتكلم كلام مقنع اجل هذا لاعب ؟؟ يرجع الصويلح يغطي خانته ويرجع جيلسون يغطي خانته ؟؟ هزلت والله
اذا في راسه مهاراه وحده انا اسكت واذا مو قادر يوقف مهاجمين الطائي اجل وش بيسوي قدام مهاجمين الاتحاد والاهلي والشباب والعين و و و و و الله يستر
والمفرج والله قام يخترع في كور واجد يعني رجعت حركات المفرج الاوليه
مضواح والله من الدجه اليوم مع اني كنت مقتنع فيه يوم مباراة الانصار لكن اليوم سيء
تفاريس والله العظيم اتمنى الادارة تشتري بطاقته ماشاء الله عليه
والله العظيم اللي شافه اليوم كم من خانه غطاها يعرف انه يلعب بحماس غطى خانته وخانة الياس وخانة البرقان ومع كذا تجيك ناس تقول مستواه مو ذيك الدرجة انا اقول افضل لاعب في الخط الخلفي تفاريس ولا تقولون غيره لأني ماتكلمت الا من شي شفته مو من اشياء ثانيه مالها علاقه بالكوره
ثالثا خط الوسط كاملا مابرز فيه الا عمر الكابتن الرائع اما كماتشو اتوقع انه فيه بنج يركض بالحركة البطيئة واذا انقطعت منه قعد يسحب رجليه ولا يفكر يقطع ولا يقاتل على الكرة
والبرقان كيف الحال
جيلسون قاضين من موضوعه
الصويلح : ياناس الصويلح والله افضل شي انك تنزله الشوط الثاني يكون نازل بحماس وعلى طول يسجل لك احلى هدف لكن من اول المباارة يلعب وعلى الاطراف انا متأكد انه ماراح يفيدك بشي ؟؟
سامي عيني عليك بارده وليتك كل المباراة تلعب لحالك كان يمكن فزنا
الجمعان انتظرنا الفرج وماجى
اما الحكم بصراحه قهرني يوم تأخر اللعب من الحارس ثلاث مرات وماينذره الا مره وحده
والجمهور بصراحه في جمهور ماودك انهم يحضرون ابد قالبينها مسرحيات وتعليق وسب وشتم ودك تجمعهم بكيسه وتقلعهم برا الملعب شوهوها والاعصاب كانت منفلته وممابغت الا اتوطى في بطون هاللي حولي
محمد بن فيصل عارف انك زعلان مره واحنا بعد زعلانيين مره لكن قلوبنا معك ونحبك ومانبي خاطرنا ولا خاطرك يتكدر ياليت بس تنسق بعض اللاعبين اللي ماقدروا يثبتون جدارتهم وتريحنا بفريق خالي من الكديش |
الوضع الشجري
