السلام عليكم جميعاً

خدمة مميزه جدا
وفيه اقتراح بسيييط ويمكن مو مهم كثير لكن يبقى اقتراح
ليش مايصير اسم المرسل الهلال بدال الرقم 5111

وتقبلوا تحياتي وأشيد بالخدمه المميزه للمرة الثانية
اخوكم باسل

كل شئ تمام بس لو تشتغل على موبايلي ان شاء الله سمعنا انها في المستقبل القريب

الخدمه حلوه ويتم تشغيلها على موبايلي باسرع وقت

رائعيييييييييييييييين والله يعطيكم العافية
ممكن لو يتغير الإسم مثل ماقالوا الاخوان بدل 5111
وخدمة الأهداف
وموبايلي وسوى حتى تلقى إقبال أكثر

ومشكورين
والله يوفقكم يارب

يعطيكم العافيه

خدمه رائعه
لو تفعل الاخبار العالميه
عشان نستغني عن جوال الجزيره

أتمنى لو كان وقت الإرسال محدد

ما بين الساعة 12 ظهراً وحتى 12 ليلاً

انا ما اشتركت

لكن قريباً

اعتقد لو توفر الخدمه ثيمات وشعارات

للهلال وللنجوم العالميه

افضل لأنه لا انتهى الموسم ينعي كأن الخدمه انتهت وهذا ما راح يفيد النادي بشئ

تدر على النادي ربح متواصل طول العام

واقترح بعد انه ارسال لأجمل الأهداف الهلاليه والعالميه رسايل ام ام اس (( الوسائط المتعدده))

والا حقين 700 ازين مننا على الأقل حنا لو سويناها اهداف ولقطات اما هم ذبحونا بهالأغاني المارجه

عالعموم انا مشترك والخدمه تمام التمام

ولو عندي زود ما راح ابخل به عليكم


ابوعبدالله

تغيير المرسل من 5111 إلى أي اسم ترونه مناسب.. العملية جداً سهلة و نتمنى تنفيذها قريبا

الخدمة حلوة

بس ناقص ارسال نتائج المباريات الدولية للمنتخبات

ونتائج الدوري الانجليزي و الاسباني والايطالي

السلام عليكم ..

الخدمه جدا راااااااااااااااااااااااااااااااااااااااااااااائعه ..

========


بالنسبه للي يقول تغيير ال 5111 إلى اسم الهلال ..

تقدر تغير الاسم من جوالك انت .. يعني تخزن رقم 5111 بأسم أخبار الزعيم .. وهذا اللي انا مسويه ..

يعني تجيني الرسائل بمسمى اخبار الزعيم .. لانه الرقم مخزن عندي بالاسم هذا

=======

عندي اقترااااح ثاني ..

فيه ناس هدفها الاول من الاشتراك هو دعم الخزينه الهلاليه ..

اقتراحي هو ..

ليه مايكون فيه نوعين او ثلاث انواع من الاشتراك ..

يعني الاشتراك العادي اللي مشتركين فيه الحين . ب 12 ريال

واشتراك ثاني مثلا يكون ب 30 ريال ( الهدف منه دعم الخزينه الهلاليه ) للي يقدر على الدفع

الاشتراك الثالث نقول 50 ريال برضوه للدعم ..

ومايكون فيه فرق بين الاشتراكات غير السعر فقط ..

انا من الناس اللي ابغى ادعم الخزينه .. واكيد فيه كثير من الجماهير الهلاليه نفس الشي ..

ولو يصير فيه استفتاء وموضوع مثبت للاقتراح هذا .. راح نشوف النتايج عن طريقه

وشكرا على الخدمه الرائعه

هناك نقطه مهمه جدا جدا جدا ...

بما ان المشتركين يدفعون مقابل وصول الاخبار على جوالاتهم...لازم تكون الاخبار توصلهم قبل انتشار الخبر في الصحف او المنتديات او اي مكان اخر ..يعني يكون لهم الاولويه في كل شي

إضافة النتائج العالمية اول بأول