|
اغرب مخالفه بالتاريخ--قصه واقعيه-- السلام عليكم ورحمة الله وبركاته اخواني اخواتي --------- مو المسلسل بس ببدأ بالموضوع المهم انا قبل يومين اخذت اغرب مخالفة بالتاريخ من يوم صنعوا السيارات للحين القصه اني كنت متجه للبنك ((سامبا )) اللي بعد الفيصليه ((وانت متجه شمال )) بطريق العليا المهم يوم جت الاشارة تقاطع العليا مع التحليه كنت ثاني واحد قدامي طبعا ً دوريه والاخ كاشخ ويووووووووووه محد قده المهم فتحت الاشارة كل العالم مشت الا هو مسوي مهم المهم انا كنت مستعجل مافي ربع ساعه ويـ أذن المغرب انا شغلتله عالي وطبعا ً مع دقة بوري للتنبيه المهم الرجال مشى ووسع اللفه يعني مسك يمين انا قزيته بالمرايه اللي ع الجنب انه قاعد يناظر فيني قلت لخويي والله انه بيوقفني مشينا لين البنك طبعا ً زحمه مو طبيعيه ((قسم الحريم عندنا )) انا ادور مكان والاخ لاحقني لين مادخلت يمين عالمواقف اللي بالجبن نزلنا من السياره وانا اشوفه ورانا لا ومشغل السفتي ((يبي يخوفني )) دخلنا البنك بعد دقيقتين دخل اخونا بالله ((الله لا اعتراض )) شكله غلط ومعاه دفتر قالي انت مخالف مظلل السياره ((انا مظللها 0:3 او زيرو 3كامل )) انا مو مصدق والله الرجال جاد بعد القيل والقال والآتي واختها مدري من هي اخذت مخالفه والسياره واقفه ماتحركت من مكانها احلى مافي الموضووووع انه هالشيء وهو قاعد يكتب المخالفه مرت BMWمظلل اسود قلت له شكلك لو بتصيد هالسياره تخلص الدفتر مخالفات عليه قام يناظر بحقد وسلامتكم ...,,,, وآسف على الاطاله بس جد قهرتني هالحركه اللي تبين مدى حقارة بعض رجال الشرطه والمرو ر عندنا |
عادي يارجال انا اغرب مخالفة قريت عنها المخالفة الي سجلت باسم طفلة عمرها مايتعدى سنه وهالكلام في ابها تخيل مشكلتين صارت في هالمخالفة اولا ان المخالف انثي = وعندنا مافيه حريم يقودون سيارات ثاني شي عمر المخالفه اقل من سنه = يمكن مخالفينها يوم عفست الحفاضه وثالثا رافضين يلغون المخالفه |
يارجال وسع صدرك .. بعضهم فاهمين المخالفات غلط :D واحد من المرور جا يخالفني بس لأنه ما عجبه شكلي :D .. قلت له ياخوي انا عندي مخالفات بحدود 2500 لا تخالفني .. قال مادريت :D ترا اذا طولت ماسددت تزيد المخالفات ما تنقص :D |
ههههههههههههههههههههههههههههههههه ياأخي بعضهم مدري وش له عايش عليه مخالفات غبيه تحياتي |
الاخ SSUSS والله وانا خوك عادي الحين بــ200 ريال تقدر تغير المخالفات اللي عليك لأي شخص اخوي جيتك والله انه وسييييييييييييييييييييييع مغرور حدي القصه ومافيها ان كل واحد منهم معه دفتر يبي يقضيه قبل لا يرجع |
صحيح بعض حقين المرور ما يعرفون يسامحون :mad: بس سالفتك عادي أنت مضلل وعطاك مخالفه بس الغريب أنه لحقك لداخل البنك أنا كنت مثلك مضلل ومريت قدام دوريه لومينا ولحقني شفته يلحقني وكنت داخل مع لفه بدخل البيت والله وأرص ريموت باب القراش وأدخل السياره وأشوفه والباب ينصك وهو واقف قدام الباب بالسيد الثاني (شارعنا وسيع مافيه جزيره بس وسيع وفيه سيارات) :D المهم الزبده عدت على خير لكن بعد 3 أيام كنت طالع من المسجد بالحاره (جامع) جاء وقف جنبي دوريه قال أنت ... ألخ :D قلت ماشفتك :D والتضليله بفكها اليوم قال فكها وتراي 24 ساعه بالحاره ذي :D طبعاً سامحني هالكلام قبل سنه .. تحياتي .. |
أخوي القصص كثيره لكن بقول لك كم وحده: هذا سلمك الله عندنا واحد يقربلنا يقول أنهم يعطونن الدفتر(طبعًا هو من المرور) ويقولون له لاترجع الا والدفتر مخلص وفيه واحد يقربلنا معه جيب ديزل وسرعته ماتتعدى الـ120 هذا اذا صفى الطبلون المهم وهو يمشي بطريق الأمير سلطان بجده وقفوه نزل قال لهم خير قالوا ليش مسرع قال ما أسرعت قال سرعتك تعدت الـ120 قال له خذ مفتاح السيارة واذا تعدت سرعت سيارتي الـ120 خذها لك حلال عليك المهم هو أنحرج قال خلاص رح بس لاتسرع جلس يضحك ومشى ومره سواقنا رايح للمطار يبي يودي أوراق ومدري وشو وقبل المطار فيه تفتيش طبعًا والسواق كان يكلم الوالد المهم وقفوه على جنب قالوا له ليش تكلم وأنت تسوق المهم الشرطي أستفزه قال السواق كل الناس يسوقون وهم يكلمون ليش ماتوقفهم طبعًا ولد خالتي كان معه وجاء حق المرور وحطه باللومينا وشغل المكيف على الحار(طبعًا كنا بالصيف) وقفل عليه الباب(حسبي الله عليه)بعد 5 دقايق طلعوه وجلسوا يتكلمون معه ويبون يعطونه مخالفه ولد خالتي كلم الوالد وقال له السالفه وقال عطن الرجال خل أكلمه هذاك قال لا اللي يبين يجي عندي قال أبوي زين وكلم على واحد وجلس يسب ويلعن يقول شوفوا وش سوا بالسواق ومن هالكلام أدري أني طولت السالفه لكن الزبده أن رجل المرور اللي وقف السواق جاء وأعتذر منه وخلاه يمشي بدون مخالفه والله يشهد على كلامي وهذولا مايمشون الا بالعين الحمراء اما انك تسكت له فهو يبي يتمادى عليك وبالذات مع الأجانب يشوفون أي أجنبي يوقفونه بسبب وبدون سبب طبعًا قصصهم معنا كثيره وطويله لكن طولت عليكم يعطيك العافيه أخوي |
يـاســاتر .. كأنكم منتظريـن بـس أحـد يفتـح الموضـوع تبـون تقطعـون برجـال المـرور هههههههههه ع العمـوم .. بالفعـل احيـانـا تصدر من رجال المرور مواقف تحـس انـك [ تبي تفقـع وجهـه ] [ ولا تبي تسـويه منـه صـاروخ شـاورمـا ] المـهم.. يعطيـك العـافيـه اخوي على الموضوع |
إقتباس:
والله إنك صادق :D :D .. وعلى العموم ..يا ما راح تشوفون ..s13s بصراحة استمتعت بالقصص ما أدري هالقصص زينات أو إني مشتاق لها في المنتدى ..أو كل الاحتمالين ..:) مشكورين يا شباب ..:):) تحياتي للجميع ،،، |
دام السالفه على اغرب مخالفه .. :) سجل عندك حبه مخالفه مدري من وين جابها ذاك اليوم تقريباً الساعه 11.30 بالليل جانـي ثنين من عيـال خالي بيدخلون الملحق وقبل ما يدخلون مر واحد من الجيران بسيارته ووقف جنب البيت يعني صارت فيه اربع سيارات قدام البيت وكلهم وقوف نظامي بس حنا موقفين بين السيارات يعني على (الشارع ماهوب على الرصيف) نسولف قبل ما ندخل ويجينا ذاك العسكري بدوريتوه يوقف ويسلم ويوقول إثباتاتكم .. عاد انا اقول بيني وبين نفسي وانا مستغرب الدنيا ما تطمن والعسكري هذا يدور لحمايتنا وحماية الوطن .. المهم اخذ البطاقات وركب الدوريه ولا كـانه صار شي وكملنا سوالفنا ولا علينا منه نزل (الله يصلحه) :D ومعاه اربع اوراق صفراء يعني مخالفات اول ما قال تفضلو يا شباب نط ولد خالي بوجهوه وقال خييير سلامات وش صاير .. قال العسكري الله يوفقوه ويستر عليه مخالفة تجمهر !! :laugh: الله يخلف علي ام جابتك بس |
لوحه مميزه .زين انه يعرف معنى التفاهم وقدرت تتفاهم معاه هلالي القرعاء اوكي مايجون الابالعين الحمرا بس انا من الناس اللي ما اقدر اتفاهم مع ناس منتهيين الصلاحيه دام القسيه تخليه يرتاح نفسيا الله يحيها هههههههههه الفيصل 58 بالفعـل احيـانـا تصدر من رجال المرور مواقف تحـس انـك والله وانا اخوك من احيا نا ً دائما ً وابدا ً شاي ربيع الوجوه تتغير والمعاملع تبقى ههههههههه البارق2000 من قدك ياعم تضحك انت مشرف مايمدي احد يوقفك هههههههههههه عاشق ابو بندر لوووووووووووووووووووول مشرف وتتخالف هزلت وطالت وشمخت ((مصري معصب ههههههههههه)) شكرا ً على المروووووووووووووووووور ((هههههههههه)) |
فيه قصة صارت لي وغريبة في الغرابي أحيانا تضطر انك تقدم سيارتك وانا ركبت السيارة جنب التفتيش وبوديها للمحل يركب لي كفر المهم بس 5 امتار الجيزاني أعطاني مخالفة سرعة (تخيلو) ومرة بطريق القصيم المدينة كنت ماشي 130 / 140 والطريق فااااااااااااااااااااااااااااااااااضي الا يتعداني باص نقل جماعي شكله يمشي 200 شوي والا عند كوبري الحناكية دورية تكبس ويوقفني ويقول انت مسرع قلت له مايخالف انا مسرع وسواق الباص قال الرادار صادك قلت ورني اياه في الأخير عطاني المخالفة وحدة ثانية جاي من الخرج ماشي 130 ويقفوني أمن الطرق المهم أتناقش انا والعسكري قلت 10 زود انا مانويت أسرع المهم قال مايخالف أعطاني الرخصة وقعد يدور الاستمارة فجأة جا الجيزاني يقول ( أه كتبتها ) لكنه كتب الرقم غلط |
هلا احمد حياك معنا والله مدري هم لازم اذا خذوا دفتر يخلصوه او مدري الظاهر عندهم تارقيت محدد يوميا ً ههههههههههه ماصار مرور موزع بيبسي |
مشكور |
| الوقت المعتمد في المنتدى بتوقيت جرينتش +3.
الوقت الان » 11:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd