هل هي صدفة ام حقيقة يجب ان نعترف بها
 

اخواني الاعضاء والقائمين على المنتدى السلام علكيم ورحمة الله وبركاته اسعد الله اوقاتكم بكل خير
ماادري يااخوان هي صدفة ام حقيقة ؟؟؟؟؟؟؟؟
يعني اي نادي او منتخب سعودي يلعب في ايران يجد هاذا الكم الهائل من الضغط النفسي والحركات الصبيانية التحكيمية التي تقوم بعمل تجاربها على الاندية السعودية والمنتخب السعودي هل الاندية والمنتخب معهد تجارب للاتحاد الاسيوي ليش لا .
نرجع ذاكرتنا بالماضي اشوي عندما لعب نادي الزعيم في ملعب ازادي ضمن مربع غرب اسيا والتي كان فيها بيروزي الايراني والاتحاد السعودي وارتش الكازخستاني ( ماادري بعد الاسم صح والا لا)المهم تذكرون مبارة الهلال وبيروزي الايراني والاحداث التي حصلت فيها من تحكيم و ضغط نفسي وغيره والقرارات التي اتخذت بدون وجه حق للاعبنا الكبير ابو يعقوب اه اه اه ثم اه .
وسبحان الله التاريخ يعيد نفسه مرة اخرى لكن المرة في وجه جديد في المسلسل وهو المنتخب السعودي يعني ماادري التشكيلة نوعا ما مقبولة والتحيكم تقريبا ايضا مقبول لكن ما ذا حصل في الشوط الثاني وصدقوني يااخوان والبعض منا قال بعد المبارة عقب الي شافه قال الحكم داخلين عليه في غرفة الملابس ومرشينه رشوة يتمن الواحد فينا المبلغ الي خذها يجي عنده كذا امزح الا نروح فيها والبعض قال هاذا جايه اتصال بسرعة شليون كيلو بالساعة من السواق والرفيق (رفيق الكلمة الي نقولها للهنود) بيتر فيلمبان جاء فيه المبارة لاتفوز فيها السعودية ابيهم يخسرون والبعض يعني ماادري كل واحد وطلع من عنده فكرة للفيلم الي صار.
المدرب سلوبودان (غدي بعد الاسم ماكتبته صح لاني يوم شفت وجه شفت البؤس والكابة)
تحس يوم غير قاعد بس يستنفذ حقه بالتغير لااكثر طيب اللحين يوم انطرد الصقري او ليش يوما جاء الشوط الثاني ماغيرت الصقري طلعته وحطيت مناف ابوشقير في البعض راح يقول جسمه مايساعد لا بالعكس نكسب من وراه فاولات وطلعت عبيد الدوسري ودخلت الحسن اليامي او الشيحان وارى ان الثاني يحقق نتيجة افضل في حالة نزولة لانه سوف يقوم بكسر التسلل الايراني الى شوارع من كل جهة يعني الا تقنعنا ان عبيد افضل وتغير سامي الي مال امه داعي وتدخل رفالدو (ابراهيم سويد) امزح بدري عليه التغير الاجابي والي اراه انه دخل عمر الغامدي ياناس لاعب وسط محور حرك اللعب ماتلاحظون ذالك لا وكان راح يسجل هدف لولا الرعونة في التسديد وفقدان التركيز
يااخوان ترى المنتخب تاثر بغياب نواف والمشعل والشلهوب بصمتهم مفقودة في الملعب ماادري ان شاءالله متى يرجعون للعب في المنتخب على الاقل يهبطون من ضغطنا اشوي بدلا من الاخوة المعازيم الي يحترون ان الكورة تنحط عند ارجولهم .
مطلوب مطلوب المدرب الوطني ناصر الجوهر الذي اتمنى ان يشرف على المنتخب السعودي
واخيرا وليس اخرا مااقول الا حسبي يالله ونعم الوكيل
ودمتم في رعاية الله وحفظه
اسف نسيت الي يبي يوسع صدره بكرة ان شاء الله على ابوظبي الرياضية ضمن باقة شوتايم
راح تشوف الملايين تلعب بالملعب يجي مثلا روي كوستا المنتقل من فيرونتينا الى ايه سي ميلان بقيمة 41 مليون دولار يمشي تخيل 41 ميلون دولار قاعد يركض ويلعب كورة
الــــــــــــــــــــــــــــــــــــــــــــــــــــــــــــــدوري الايـــــــــــــــــــــــــــــــطالي
وفماااااااااااااااااااااااااان الله