الى متى يا ادارة الهلال ؟؟!!!!!!!!
 

السلام عليكم ورحمة الله وبركاته
اول شي الحمد لله على نتيجة الاتفاق والحمد لله على المستوى (المتواضع) للهلال الي تقول ما كنه يبي يفوز ,, لولا المنقذ و ثعلب اسيا الصويلح والا كان الله اعلم باللي صار لنا !!!
المهم انا ماني جاي اتكلم عن المباراة اللي راحت والله يستر عليها <=== هذا واحد من الشباب مو مباراة :D
اللي كنت ابي اقوله واظن ان اخواني في المنتدى قالوه قبلي الين اليوم ,, يوم قريت في الرياضية الخبر المفجع :eek:
[glow=CC0000]كاندينيو يحرم الصويلح من النمسا !!!![/glow] :eek:
وننزل نقرا الخبر عشان نسمع الخربطة !!!
[glow=0000FF]رفض مدرب الفريق الكروي بنادي الهلال الجديد البرازيلي كاندينيو مغادرة الصويلح الى النمسا لخوض التجربة الاحترافية مع ستراسبورج. ويأتي رفض كاندينيو لحاجة الفريق لخدمات الصويلح في الفترة الحالية بسبب فقدان تسعة لاعبين , و
قررت الإدارة صرف النظر عن احتراف الصويلح وتعويضه مادياً[/glow] :eek:
الى متى بيبقى تفكير (هذا ولد النادي ,, واذا بيعطونه الف بنعطيه مليون!!!) عند الادارة الهلالية ,, مع انه خاب ظني صراحة في ابو سلطان :cry:
كنت افكر ان ادارة الهلال الجديدة اكبر تعقل ,, يعني عندهم سامي والجمعان والخراشي ,, جات على الصويلح هي بس ؟؟؟:confused:
ياخي خلونا نوري العالم اننا عندنا لاعبين يلعبون في دوريات خارجية ,, خلوهم يشوفون وش عند السعوديين !!! ياخي مو كلام هذ :confused:
ولو نظرنا في الموضوع صح ,, الولد توه صغير ,, بيكسب تفكير احترافي ,, بيحتك مع لاعبين اجانب ,, بيستفيد اكثر من (المبلغ المالي) اللي الهلال يبي يعوضه فيه ,, ليه نمسكه ؟؟ :mad:

والا بتسوون مثل ما صار مع نواف يوم جاته العروض وقلتوا ( لا هذا ولد النادي ,, واللي بيدفعه الغريب بندفع ضعفه) لين ظاح نواف في حفرة الاصابات ولازال يعاني عشان يرجع لمستواه.


صراحة اتمنى ,, واتمنى احد يوصل كلامي لأبو سلطان ,, وقول له اذا الهلال بيحتاجه الحين ,, صدقني انه بيحتاجه اكثر بعد الاحتراف.


انا اسف اذا كان كلامي طلع عن التفاهم الحضاري بس والله مو مني ,, من الحرقة اللي في قلبي ,, واتمنى كل واحد يقول رأيه في هالموضوع ,, لأنها ما صارت !!!




ودمتم سالمين :d

يارجال النادي احوج له والدوري النمساوي ضعيف اصلا

الهلال في حاجته ولاتنسى ان عندنا بطوله اسيويه
وانت شفت بنفسك امس الصويلح كان منشط الهجوم من بداية المباراة الى نهايتها

يمكن يروح للنمسا ولا يلعب الا كم مباراة مايستفيد منها ابد
ابد عل فيها خيره دام كندينو يطالب ببقاءه فهو بيعطيه الفرصه الكامله وراح يتطور مستواه اكثر من الاحتراف في النمسا
تحيه لك

كلام منطقي مية مية

ياخي الصويلح الهلال الان محتاجه وبعدين اللاعب توه صغير وهجوم الهلال كله مع المنتخب الا هو

يعني تبغى الهلال يقعد بدون مهاجم ولا وشلون لا تقول فيه فلان وعلان الصويلح لاعب يتحرك ويخلي دفاع الخصم مايدري وش يسوي

انا من شمعت خبر احترافه وانا بين نارين اتمنى يقعد ويفيد النادي ولا يروح عشان نقول احترف في الدوري الاوربي


عموما الله يوفق الصويلح وين ماراح وان شاء الله يكون في الهلال

انا كنت اتمنى انه يحترف في اي دوري اوروبي .

ولكن في الفترة الحاليه الفريق محتاجه اكثر اتمنى تاجيل احترافه الى الموسم القادم .

الهلال محتاج له اكثر من اي وقت

احمد الصويلح لاعب كبير وثعلب اسيا

لكن الان الهلال لا يحتاجه لعدة اسباب

1_ الاسبيوعين التي سيجربه النادي النمساوي سيغيب احمد عن مباراة الطائي يوم الخميس القادم

وسيكون موجود بديلا عنه سامي الجابر وعبدالله الجمعان وبدر الخراشي ومشعل الموري والبرازيلي جيلسون

والاسبوع الثاني سيلاقي الخميس الذي بعده الوحده وفي هذه المباراة سيرجع الاعبةن الدوليون كلهم

ومن ضمنهم ياسر القحطاني ومحمد العنبر

يعني الهلال خلال الاسبوعين القادمه لا يحتاجه

اتمنى من الاداراة مراجعه هذا القرار واتخاذ الحل الانسب وهو



الاحتراف

والله انا في رايي اني اول كنت ابغاه يروح يحترف وكنت متحمس للموضوع ولكن بعد الفتره هاذي والنقص الهائل في صفوف الزعيم ودي انه يجلس والله يعوضه ان شاء الله

الهلااااال اهم

اولآ: ماني معك بكل الي ذكرت ولو بتزعل : ثانيآ : الزعيم بحاجة الصويلح اكثر من حاجة الصويلح للسفر للتجربة وهذ وقته . ثالثآ: لم يعرف احد الصويلح الا عندما لعب للزعيم وللمعلوميه احضر الصويلح للنادي بدراهم وهو ليس من انتاج الزعيم وما احضر الا لخدمة الزعيم . وبدل من احضار لاعب اجني واخضاعه للتجربه الصويلح يغنينا عن ذلك وهو قدها .رابعآ : ليس وقت التجارب ونحن في موسم مضغوط ووصلنا للحسم ان يذهب اللاعب للتجربه. خامسآ: اذا كان الصويلح يقرب لك ويهمك ذهابه لمصلحته فنحن الزعماء نحبه اكثر منك .... ولكن نحب الزعيم النادي اكثر وتهمنا مصلحة النادي اولآ ومن بعده اي شي .... مع احتراماتي للجميع

كلام منطقي وسليم 100%
بالفعل أتمنى من الادارة عدم التعجل في أخذ القرار لأنه سيحدد مستقبل الاعب

والهلال كومة نجوم اذا غاب نجم ظهر كوكبة نجوم

والله ودي انه يروووح ترى بداية كل لاعبين مصر كانت من النمسا وسويسرا

شفهم وينهم الحين

الهلال محتاج الاعب أكثر من أي وقت مضى
لايوجد مهاجمين حاليا الا الصويلح
سامي يلعب مباراة ويغيب عشر
الجمعان مارجع لمستواه المعروف يبيله وقت
جيلسون فاشل ...

مشكور على اهتمامكم وردودكم الحلوة
بس الى متى بتبقوا تفكرون في انفسكم ؟؟ خلوا الولد يشوف نفسه ( وحتى اللي قال ان الدوري النمساوي دوري ضعيف مو مهم) المهم انه يحتك مع غيره.

ومثل ما قلت ما اظنها وقفت على الصويلح اللي يحتاجه الهلال حالياً !!! البقية فيهم الخير وبركة ومثل ما قال اخوي:

حكموا عقلكم وترى الفرصة تجي مره في الحياة ,, والا لازم تروح عليه اللاعب ( ولا اروح بعيد لما اذكر الغشيان وانور) عشان (يصرفونه) بره مو يحترف !!!!
خلو الولد يقدم اللي عنده ,, وفكروا فيه لما بيرجع من الاحتراف كيف بيكون استفاد !!!


ودمتم سالمين :D