موعد الإختبارات بعد العيد!!!
 

السلام عليكم ورحمة الله وبركاته

ياخوان انا ابي منكم ارائكم عن موعد الإختبارات الي بعد العيد الي اقلقتنا فيها الوزارة الله يهديهم

وش الحل في الطريق المذاكره خصوصا الي في ثالث ثانوي

الي انقلب عيدهم دراسه مو عيد

والي مو فاهمين شي وداجين بالدراسه

الحــــــــــــــــــــــــ ؟؟؟؟ ـــــــــــــــــل


مع خالص تحياتي.

الحل ان كل و احد عقله في راسه يعرف خلاصه ,,,
يعني لاتتذمر وتقول عيد ما عيد العيد انتهى من زماااااااااااااااااااااااااااااااااااااااااان
وقدامك اسبوع لو ابن امه غبي كان صم الكتاب صم,,, <<<<<<حلوة ذي هههههه:D
اول شيء كون صريح مع نفسك وبلاش دلع زايد
العادة نداوم بعد العيد على طووول وهذا هم مددوا الاجازة ,,,
وانصحك نصيحه محب /:
لاتكون مثل بعض الانديه اذا دخلت مباراة كل تصريحاتها عن الحكم مالحكم الى ان يتذمر اللاعبين لانهم لقوا لهم عذر وهو التحكيم ,,,,
يعني بالعربي الاختبارات بعد العيد مو عذر للي بيفشل ويحبط نفسه ,,,:upset:
وبعدين من العبقري هذا اللي بيحفظ طول الترم وينسى فترة العيد ؟؟؟؟:confused:
يمكن الوزارة يعاب عليها انها خربت فرحة العيد بس والا الوقت متاح للي بيحفظ ويذاكر ,,,
كما يعاب عليها الجدول من مادتين يوميا يعني وش بيضر لو زودو يويمن ؟؟؟:confused:
لكن ... من بغا الدح ماقل اح ,,:yes:
**اتوقع الاسئلة سهله لان المدرسين <<<<"بس المدرسين مو المدرسات" بيتفهمون الوضع ويسهلونها ....s60s
<<<<<ما تلاحظون انه طولها وهي قصيره ,,,لكن مقيوله >>>>>اذا عرف السبب بطل العجب ::laugh:
اخوكم فالله بقي له اختبار واحد فقط لاغير <<<<بياخذ اجازة مع اولى ابتدائي:p

ههههههههههههههههههههه

مشكووور اخوي على مرورك الطيب

مع خالص تحياتي.

عزوز كلامك صح وتلقاه يقول ليش اخترعوا هالماده وليش وليش بس النجاح يبيله تعب وكلامك ياعزوز مقنع هههههههههههههههههههههههههه

ابو سراب خلها على الله

بس المفروض انك مخطط من قبل الاجازة وش بيكون وضعك في الاجازة من مذاكرة وغيرها

انا عني طالب بثالث ثانوي وعلمي بعد صراحة من قبل الاجازة بيومين او ثلاثه سويت لي جدول وحطيت المواد اللي لازم انهيها بالاجازة ,,,

بس الصدمة اخر يوم بالدراسة يوم اخذت الجدول انصدمت فيه

تصدق حاطين علم الارض (جيولوجيا) مع الانجليزي في يوم واحد يعني يوم الاربعاء !!!!!!!

قمة التحطيم من المدرسة

انا اقولكم ان قبل اسبوعين اخذوني ومعي اكثر من طالب نحط جدول مناسب لنا ,,

والله الجدول اللي عطونا انه مختلف عن الجدول اللي وضعناه 100 %

بالاضافه الى ذلك حاطين يوم الاحد الفيزياء مع حديث ولو تناظر يوم السبت حاطين كيمياء !! بس لوحدة !!!

بس انا اقولك اللي يذاكر في الاجازة ويراجع ما يصعب عليه شئ

اقولك انا كيف كان جدولي بالاجازة : يا طويل العمر من اول يوم خميس بالاجازة بديت بمواد الدين اخذت فيها تقريبا 4 ايام وفي فترة العيد ارتحت ثلاثه ايام ومن بعدها رجعت للمواد العلمية مثل رياضيات وفيزياء وانجليزي وكيمياء

وازيدك من الشعر بيت : ترى مدرستي حكومية ومعروفه في شرق الرياض اتصلت على ولد عمي مدرس في نفس مدرستي وسألته عن سبب الجدول البايخ قال :

علشان تكونون موحدين مع الفصول الباقيه

يعني مثلا يوم السبت يكون اختبار كيمياء لاول ثانوي والثاني ثانيو والثالث ثانوي ؟؟

طيب حنا في ثالث ثانوي وش ذنبنا ؟؟؟

ادري اني طلعت عن الموضوع بس حبيت انقلكم معاناتي


ودمتم زعماء

مع احترامي لردود الاخوان
من وجهت نظري القرار فاشل ياخي مافيها شي لو خلوا الاختبارات نفس السنوات الماضية ولا السالفة تعجيز وخلاص

وسلامتكم