ابو ساره جميع القراء والاعضاء السلام عليكم ورحمة الله وبركاته وبعد ....

اشكركم على هذه المقالات ولكن اريد ان اقول لكم"

( اولا : اعذرون على اللهجه لاني قصمنجي خااااااااااااااااااااااااالص وتعرفون لغة القصمان لو اضبطها من اليوم الى باكر ما رايح اخلي " به مير نيم" ومن هالطقه وانا بمصر عجزوا يفهمون كلامي فمن باب الحب والتقدير اغديكم تقرأون ماكتبت اكثر من مره وبتفهمونه انشالله )

ما ابي اطول عليكم :

انا هلالي وافتخر بهلاليتي عند كل صغير وكبير ( الان ادرس بمصر ومسوي لي حزب هلالي سعودي (موتشادي زي ذولك) عشان هلاليتي وحبي للهلال اسوي له لو يبي اصلي شرق" يقالي جايب شي جديد انا بمصر غصب علي اصلي شرق"

ندخل بالموضوع وبدون مجاملات

اذا الزايدي راح للاتهاد فمن حقه وهذي حال الكورة " نسيتم ياسر القحطاني الم يذهب البلوي بكبره الى شرم الشيخ " او بالاصح الم يرسل احد الى هناك لمفاوضات ياسر "

يعني من عقلكم لو ياسر ما يبي الهلال هل سينتقل للهلال عشان كلمة شرف ( ياسر ولد اصول والنعم مانقول فيه شي ولانشك بحبه للهلال بس هذي حال الكوره "

فمن باب اولى ان الزايدي ينتقل للي يدفع اكثر ...( لاهو سعودي ولايعرف الاصول ولا حتى كلمة انا رجال وعند كلمتي "

( في احد الاعوام الماضيه البعيده التقيت باللاعب فهد الغشيان في مدينة كوالالمبور وكان ساكن بنفس الفندق اللي انا ساكن فيه عزمته على قهوه تحبه قلوبكم " وكليجا " فتحدثنا عن الهلال ووقته ماكان فيه نظام سن 28 انتقل للي انت تبي ولا كان فيه الانظمه هذي " فقال لي انا لو يطلبن نادي درجة ثانيه بس يدفع اكثر من الهلال 1000 ريال رحت له ""

بعد كلامه هذا اللاعب راح للنصر واغلبكم يعرف مصيره الان واللي ما يعرفه يكون افضل ؟؟

الهلال غني بلاعبينه وغني برجالاته وغني بجماهيره """

ياناس ياعالم لاتوجعون روسكم العام الماضي البلوي خسر ما يقارب 100 مليون على الاتهاد ولا اخذ ولا بطوله
العام الهلال ما خسر شي يذكر واخذ اربع بطولات ؟؟؟
( وش تبون اكثر من كذا )

لا والسنه هذي راجع خالد عزيز بقوه ونواف والشلهوب يعني ما ناقصنا شي ""

الا اذا صلب موضوعكم تقصدون فيه حركات الدب البلوي "" ان لم تستحي فافعل ما شأت ""

ذيل الكلب " وانتم بكرامه الا هو" يقولون حطوه بماصوره 70 سنه عشان يتعدل ويوم طلعوه رجع لميلانه ""

هذا البلوي وهذي عوايده ""

ياناس ارجوكم رجااااااااااااا اذا اللاعب راح صدقون مارايح يفيد الاتهاد بشي نسيتم كالون ابسألكم سؤال وجابوا علي بأمانه ""

س / كالون نفع الاتهاد بشي ""

اخيرا وليس اخيرا

نسألك الله باسمك الاعظم الذي اذا سألت به اجبت ان تجعل القران ربيع قلوبنا وذهاب احزاننا وجلا همومنا ""

نسالك الله ان تجعل كل من في نيته التخريب ان تخربه نيته وتدحرها عليه يارب """

اعذرون على الالفاظ

مقتطفات ""

على كتابتي كل واحد شكله يقول شكل هذا كبير بالسن وانا الان عمري ما تعدا 28 سنه """

لست افضلكم كتابه ولكني اكاد ان اكون افضلكم حبا للهلال وجماهيريته وجمهوره واعضاء منتداه ""

لو تجري جري الوحوش غير رزقك ما تحوش""

الدنيا مليانه اخطاء ولكن الخطأ الاعظم هو ان تربط علاقه مع يهودي "

الحب والكره ولدا جميعا وسيموتون جميعا """

الى اللقاء