]بسم الله الرحمن الرحيم
وبعد
اخوكم جساس(الي هو انا )عنده مشاركة وهي بالمناسبة اول مشاركة
اتمنى انها تلقى الاشادة منكم والي ماوده لا يتطنز تكفون
المهم انا سويت احصائية للهلال من مباراة الطائي العام الماضي في الرياض بداية الدوري الى مباراة الحزم الاخيرة في الرياض




باكيتا درب الهلال 60مباراة فاز في 38 وتعادل في 13 وخسر 9 مباريات
سجلوا لاعبين الهلال معه 119 هدف ودخل مرماهم 54 يعني الفارق +65
بمعدل يسجلون هدفين في كل مباراة تقريبا ويدخل مرماهم تقريبا هدف
هال60 مباراة كان منهم 30 في ملعب الامير فيصل وفزنا في 21 مباراة وخسرنا ثنتين مع الاتحاد في العربية ومع الانصار في الدوري وتعادلنا في 7 ثنتين مع الرياض وثنتين مع النصر وثنتين مع الشباب ووحده مع الاسماعيلي
وال 30 مباراة الباقية كان منهو 8 مباريات في ملعب الملك فهد فزنا في 7 وتعادلنا في وحده مع الوحده (والله يالزعيم وحش في درة الملاعب)
الله لايذكرك بالخير ياديسلفا انت وشوتتك البلنتي الغبية في نص المرمى يحسبه سوني هو ووجهه
وال 23 الباقية منهم داخل السعودية ومنهم برا
ومن خلال الاستعراض القادم يبين ان الهلال اقوى بفررررق داخل الرياض (سمعتوا يا جمهور الرياض)
الي داخل السعودية 18 مباراة فاز في 10 وتعادل في 3وخسر 5
والي خارج السعودية4 مباريات كانت في البطولة العربية لم نفز تعادلنا بثنتين وخسرنا ثنتين
اما كابيلو اوووه قصدي الكسندر(والله ماشله بالامير فيصل الا مازن )
ياشباب تراني ماقلت كابيلو عبث الي يعرف حركة كابيلو دايم يحط ايده على وجهه هو نفس حركته الداهية الكسندر
المهم لعبنا معه 13 مباراة فزنا في 9 مباريات وتعادلنا في 3 وخسرنا وحده (الله يذكرك بالخير يالهليل)
لعبنا معه بالامير فيصل 9 مباريات فزنا 7 وتعادلنا وحده وخسرنا مثلها
والاربع الباقيات فزنا في ثنتين وتعادلنا ثنتين
باكيتا جاب لنا اربع بطولات وكابيلو بطولة (الله ستر باكيتا بجنبه ولاجاب العيد)
اتمنى انها تكون اعجبتكم والاحصائية القادمة عن الهدافين[/B]