رحت استقبل صديقي جاي من برا للدراسة مدة طويلة وسألتة.كيف الرياض تغيرت او لا قال. اوة تغيرت كثير طلعت الفيصلية وغيرة بس ....وكانت بس تعني الكثير بس وشهي بس الى يقصد.. قال بس شوارعنا الواسعة الواحد يمشي وكنة في الثمامة واذا جاء مطر غرقنا وصارت الرياض فنسيا . او الحفريات الي ملت شوارعنا والمصيبة ان شكل شارع بيتي نسيتة من كثر مايشتغلون فية صار مرقع من كثر الحفريات وسئلت المقاول الي يشتغل فية ..ليش الشغل هاذا كلة... قال تمديد لاسلاك الكهرباء وكانو يشتغلون حوالي ثلال اشهر بعدين خلصو وبعد يوم ارجعوا مره ثانية وحفروا الشارع من جديد واستفسرت عن هل المرة وقالو فية خطاء في تركيب الاسلاك وبعد شهرين خلصوا قلت الحمد لله .. وبعد يوم ارجعوا مرة ثانية وبدو يحفرون الشارع وقلت لهم . وش ناسين هل المرة . رد على عامل .. بابا هازا شغول تلفون اسلاك فيه معلوم بابا . سكت وبعد اربع اشهور خلصوا لاكن......
اتركوا معداتهم في مكانها تقريبا ثلاث اسابيع ويوم ارجعوا وجابو معدات كبيرة وبلاوي كثيرة قلت لنفسي اكيد بينقلون الفيصلية عندنا وعلمني عامل انهم حقين الصرف الصحي لقوا ان المقاول حق الكهربا خرب عليهم مواصير الصرف وبعد ماخلصوا بشهرين جاء حق الاتصالات وراح يشتغل يقول ان الصرف الصي خرب اسلاك المقسم حق الحي وبدو الشغل ..........
وللحكاية بقية ماودي اطول كلكم عشتو هل القصة . وشكرا

والله عاد شرايك اني اسولف اناواحد اليوم بالموضوع هذا,,,!!
ياشيخ جتنا عقده من هاالحفريات ماتمر من شارع الا وفيه حفريات وتحويله,,,,شوفوا طريق خريص صدق شيء يجيب الهبال وياليتهم يزينون احياناُ يخربون ويمشون,,,شوفوا طريقك للبطحاء====> اليوم رايح لها ومره ماانساها شركة الكهرب صلحت حفريات على شان كيبل وزفتت المكان بعد كم يوم جت البلديه وحفرو الحفره ثاني مره على شان الزفلت مهوب متساااااوي والمصيبه ان الشارع كله مهوب متساوي وكل هذا قدام باب السيارات!!!! يعني كم قعدت مادخلت سيارتك وكم يوم سيارة داخل البيت ماطلعت؟؟؟!!!
والله يكون بعون الجميع,,
وصدق تخاف يتغير مكان بيتك مع الحفريات ههههههههههههه

الحمد لله يارب انا ساكن بالبر لاعندنا زفلت ولا صرف صحي ولا تلفونات ولا يحزنون بس المشكلة انهم وصلوا عندنا يحفرون بالبر سالناهم قلنا ليش وش جابكم عندنا قالوا فيه بعير عند جيرانكم مقدم على تلفون ونبي نركب له بس لازم نسوي حفريه وبقسية وكبينة ؟ اثر البعير مقدم على تلفون جوال بس هم فهموا خطاء .

ياحبيبي يالبارون الحفريات هذي صارت جزء لايتجزء من واقعنا واصلا الحين خلاص الواحد منا صار مدمن حفريات يعني لو يمر شهرين مايشوف حفرية بشارعهم تجيه عقدة نفسية .
يعني لو لاسمح الله جانا حرب بتلقى الخنادق زاهبة مايحتاج تحفر وهذي من ضمن فوائد الحفريات .

الاسير الهلالي - الرس