الى لقاء قريب... أبني الحبيب ...؟
 

في هذا اليوم أوصلت ابني إلى المطار وذلك لحصوله على وظيفة ... تستلزم دورة لمدة ستة أسابيع ومن ثم العودة ألي الرياض لتقلد مهام الوظيفة .

ولم أتصور في يوم من الأيام بأن يأتي هذا اليوم الذي أودعه فيه ويغيب عنا مدة طويلة بالنسبة لي ( 6 ) أسابيع مدة طويلة جدآ... ولغيري على كيفهم .

ولكم أن تتصور معي وداع الأم ... إجهاش بالبكاء وضم الابن إلى صدرها الحنون مدة من الزمن حتى أنني خشيت بأن تهبط عزائمه ويلغي دورته وبها تلغى الوظيفة ؟
وأخوته كلهم وداع ودموع ... وماهم متصورين بأن أخوهم الأكبر سيغيب عنهم مدة من الزمن ... خنقتني العبرة ... وكدت أن أخور معهم .. وانتبهت لنفسي ...
وقلت :- بالله عليك يا أبني أحضر حقيبتك ... لقد تأخرنا عن الرحلة ... ( لقد كنت
ا حسب نفسي شديد في بعض الأمور ... لكن طلعت خرطي ) ربما كبر السن له دور أو كثر الأبناء ؟
يشهد الله علي بأن أبني حفظة الله ورعاة بارا بي وبأمه وأخوته جميعا ... ولسوف تكون له وحشة في منزلنا إلى حين عودته بالسلامة ( الله يرجعه سالم غانم يا رب العالمين ).

الحمد لله على أن ثبتني إلى أن أوصلته إلى المطار وودعته وأوصيته بالتمسك بدينه وأن يكون همه وشغله الشاغل أن يكون من الأوائل بين زملائه في هذه الدورة من درجات عالية وحسن الخلق .... فوعدني خير وقبل رأسي ورحل .

أرجو منكم أخواني وأخواتي بأن تدعو معي بالتوفيق له ولجميع أبنائنا في الداخل والخارج ... اللهم أمين يا رب العالمين ..................... شكرا لكم جميعا .
ودعتك
ودعتك وكني على الوداع مغصوب ... ودعتك لا.... لاتبطي عليا
الله...... الله ترى أنت منت مغصوب ...ياأبوك لا ...لا تبطئي عليا
يا ولدي باأوصيك وصايا بالقلب لها دروب.... لا تنسى الدين والخلق أل رفيعا
لا تنسى نصيحة كل من صاب وله صوب.... لا تنسى أنك ولد ناس ما يبيعا
أبوك وجدك لا ..لا ماياهبون الهبوب ... إذا أنت تفهم ما يصيبك مصيبا
روحتك عنا كانت لنا ماهي محسوب .... تروح وترجع لنا ياجنتة الفوئادي


جنت فؤادي أنت ...... يابعد عمري:cool:

اللهم وفقه وسدد خطائه اللهم اكتب له التوفيق والنجاح

اللهم ارجعه سالما غانما ........

اللهم وفقه في كل خطواته يا عزيز يا رحيم

ان شاء الله يرجع سالم غانم وناجح المراتب الاولى

وتقر عينك وعين اهلك بشوفته ان شا الله ...

الشكر لله سبحانة وتعالى ثم لك ... أخي فلقد كانت لحظة وداع ... ربي سبحانة يعلمها.
الله يوفقة وين ماراح ..... وكل المسلمين وأولادهم يارب.

الله سبحانة وتعالى ... يعلم بحالي ... قلبي ومنى عيني ... أه ثم أه ... الله يوفقة يارب.

الله يكتب له التوفيق والخير في كل مكاان,,
وتقر عيونكم برجعته,,,,,
والله يصبركم على فراقه,,
هذا اللي اقوله,,,
وخلص مافيه jaj على الفحم كبر ابوي ;) :rolleyes:
وابيات معانيها حلوه,,
وبالتوفيق لك وله وللجميع,,

هلا اخوي
 

الله يحفظه عليكم ويرجعه لكم سالما غانم

وصدقني اصعب لحظات الحياه الوداع

ولكن انشاءالله تشوفونه على خير وهو متوفق باذن الله

والله يخليه لكم .

الله يرجعه لك بالسلامه يالغالي

يرجع انشاءالله رافع راسك بين ربعك

خذ هذه من ابو سليمان

مصحوب بالسلامه يانظر عيني %%% لو ماودي فراقك والسفر

عقبك بالدنيا من هو يجيني %%% عقبك من هو يسعدبه النظر

اخي J.A.J الحبيب
 

حبيبي جاج الله يحفظه

الله يحفظ ابنك ويرده لك بالسلامة والله انشالله يجعله من حفظة كتاب الله وينفع به امته ووالديه والله يخليه لك وتشوف عياله وعيال عيال عياله انشالله

الله يقويك على فراقه ويرجعه لك باسرع وقت سالم وغانم
اخوك الاسير الهلالي - الرس

الله يرده بالسلامة
و يوفقه في حله و ترحاله





اجل ولدك اكبر مني
ما شاء الله ....توقعتك اصغر من كذا:D
من بكرة باقوللك يا ابو ولد جاج
father of jaj son
الله يرجع ولد جاج سالم غانم

السلام عليكم ورحمة الله
 

الله يحفظ ابنك ويرجع غانم سالم ويرجع بكل روح ومعاه مبتغاه اليك آمين

الله يرجعه لك بالسلامه يا الغالي J.A.J

ويوفقه في كل خطوه ... ويرجع سالم غانم

ان شاء الله يرد لك ولدك بكل خير وعافيه وتكحل عينك بشوفته ... بعد ما يحقق كل اللي راح على شانه ... والله يوفقه ويوفق المسلمين اجمعين .. ويصبركم على فرقاه ..

الى الاخ jaj أبنك أبني وأكثر له بالدعاء ولعلمك بامكانه أختصار الدوره الى 4 أسابيع أذا أجتاز دوره السلامه بنجاح وهي زبده الدوره وفقك الله يا أبن jaj والله يعينك ياأخي jaj بعد تخرجه وخاصه أذا كثر سفره

احسست انني انت
 

الله يوفقه ويسدد خطاه ولانريد من الله الا ان يكون مثل اباه واكثر
اخي جاج والله لقد تفاعلت مع الرساله وكانني بين قلبك وعقلك لقد احسستني طعم الابوه وكلنا سنخوض التجربه وفق الله ابنكم وسدد خطاه...

الله يرجعه بالسلامه انشاء الله الى اهله سالم غانم حاصل على اعلى المراكز في دورته وان يقر عين اهله به وان يوفقه بوظيفته ويعينه على خدمه دينه ووطنه . ويرجع كل مغترب وأنا واحد منهم الله يرجعنا بالسلامه



____________________________________________________________

ياشين الغربه

كلام حلو ومعبر جاي من وسط معاليق القلب ياعجاج :cool: ,,,

الله يرده سالم , ويعطيك خيره ويكفيك شره ,,,

<=== لاتشرهون عليه , مهوب متعود يقول كلام زين ,,,

يروح ويرجع بالسلامه والله يوفقه في دورته ,,,

تحياتي لك ,,,