انا كنت تقريبا كل يوم اروح بيت جدي واشوف عمي يشوف مباراة قلتله وشو تشجع الازرق ولا الاصفر قالي الازرق قلتله شسمه قالي الهلال من ذاك اليوم وانا اشجع الهلال

انا هلالي
...

انا بصراحة بالفطرة ياخوان فالاصل ان الواحد يكون هلالي عشان مايتضايق في حياته

أنا من مباراة الهلال والأهلي 4/0عام 1404هـ وعمري يومها 8 سنوات وأنا أشجع الهلال .

تحياتي لك يالهلالية

مع اني هلالي الا ان اهلي اتحادين

من يوم شفت الذييب سامي

أنا من عرفت نفسي وبابا كان متعصب هلال


وبعدين صرت اشجع الهلال على خفيف


المهم يوم جيت ثاني ثانوي فيه بنات في فصلي نصراويات


صارو يتكلمون عن الهلال ويسبون فيه


انا ثارت فيني الغيره الهلاليه وصرت من هذاك اليوم وانا متعصبــــــــــــــــه موووووووووووووت للهلال


وياويل احد يتكلم عن الهلال

الهلال هو قلبي ودمي

عن نفسي شجعت الهلال من مباراة واحدة وهي الهلال والرائد الشهيرة بـ8/0 وأسميها مباراة سامي

أنا يوم كان عمري 5 إلى 6 سنين نصراوي
بعدها لعبو الهلال والنصر وفاز الهلال وأخواني هلالين قالوا لي
شجع الهلال الهلال أحسن من النصر ومن الكلام هاذا ومن بعدها
هلالي ي ي ي ي ي ي ومتعصب

أنا كنت نصراوي يوم أني بزر وكل البيت نصراوية . ورحت مره لبيت عمتي (رجليه) وفي الطريق جاني واحد وقالي أنت

وش تشجع ؟ قلت النصر ! قال أقول أبعطيك سبحه هلاليه وتصير هلالي ! قلت أنا قداااااام ههههههه

لأني أنا أصلا ماني مقتنع في النصر ماأدري ليه ؟؟؟؟؟ المهم عطاني السبحه يوم رجعت لبيتنا في الليل ومعي السبحه

فاتح فمي وأنا أضحك (طبعا مافيه ولا سن من سنوني سليم ) وفجأه قابلني أخوي النصراوي وشاف السبحه وخذها

وقطعها قدامي !!!!!!!!! طبعا أنا أنصدمت صدمه .... وقلت لأخوي والله ماشجع النصر (طبعا وأنا أصييييح)

من هذاك الوقت وأنا كل مباراة هلال أجيب أعلام الهلال وأعلقهن في البيت وفي كل غرفه ههههههه

الوضع الحالي الان أخواني الكبار تركوا النصر من عقب الهزائم الفادحه وأخواني الصغار خليتهم كلهم هلالين

(وشرايكم بالفلم الهندي)

والله انا من يومـ كنت ورعـ هلالي،،، مع العلمـ ان أغلبيهـ العائلهـ إتشاديـه00
[IMG]:p[/IMG]

انا بصراحه من يوم طلعت على الدنيا وانا هلالي يعني (((هلالي من الفطره))) لأن 2 من اخواني مووووووت هلال وكان الهلال مأثر عليهم بشكل حتى انه الهلال دمر دراستهم لأنهم يتابعون الهلال ويسحبون على المذاكر والدروس فلذالك تأثرت منهم وبقوه واذكر مره لبست اصفر وازرق ما امداني داخل الصاله الا واخوي الكبير يلقطني من الارض ويشيل فنيلتي الصفرا ويشقها نصفين ويعطيني فنيلته اللي عليه اللي هي الهلال على ايام دعاية بنك المتحد ولكم شكري وتقديري..
اخوكم:جابرالملاعب

انا كنت ماعندي سالفه مع الكوره

والوالد نفس الشيء

المهم في احدى الإجازات جلست بيت اهلي شهر تقريباً وكنت اجلس مع خالي عند التلفزيون

وكان دايم يكلمني عن الهلال وعن انجازاته وعن يوسف وعن كل شيء

ومن ذاك اليوم إلى اليوم هذا والساعه هذي وانا هلالي ... والحمد لله اني هلالي...

بسم الله الرحمن الرحيم

اللهم لك الحمد كما ينبغي لجلال وجهك وعظيم سلطانك (بأن اشجع الهلال)
ثانيا
قبل 16 سنه من الأن وانا خالي كان يجبرني اتابع فريق كان يلبس طقم ازرق وانا توني (ورع) ما كملت 5 سنوات

انا هلاليه بالفطرة

بالنسبة لي انا عائلتي الله يحفظهم ويحفظ جميع المسلمين كلهم هلاليين عن بكرة ابيهم

حتى الحي الي كنت ساكن فيه 90% هلاليين