|
خاص بالأعضاء اللي من ( الرس ) فقط .. لا أحد يتلقف ويدخل ..؟؟ الأخوة الأعضاء أهالي محافظة الرس ... تحية طيبة ،، وبعد .. ربما أنني من أقدمكم من أعضاء هذا الموقع .. وحقيقة بدأت بالفترة الأخيرة أرى تواقيع عدة لأهل الرس ... ؟؟ وكما تعلمون يا أهل ديرتي أن الرس محافظة ( أهلها يعرفون بعض زين ) ... ؟؟ وذلك بسبب وكما تعرفون صغر حجم المدينة وقلة السكان بالنسبة إلى غيرها .. ما أريده منكم الآن ( وبعد إذن مشرفي هذا المنتدى ) أن تكتبوا تواقيعكم بعد هذا الموضوع .. لكي يتسنى لنا معرفة بعضنا .. طبعاً .. لا أقصد أسمائكم الحقيقية .. إنما أقصد أسماء ( المعرف ) ... فقط ،، أحبابي ... بعد إلقاء التحية والسلام أرجو من الجميع أن يكتب إجابة لهذا السؤال .. س / كيف عرفت موقع ( الزعيم ) وما السبب الذي جعلك عضواً فيه ... ؟؟ يعني هل سمعت عنه أو قرأت عنه أو ذكره لك أحد الأصدقاء أو ماذا ... ؟؟ وفي الختام .. أحب أن أبشركم أن لكم واسطة ( قوية ) في هذا الموقع ... وهو الأخ الأستاذ ( كوكتيل ) عضو مجلس إدارة هذا الموقع ... ونهاية تقبلوا تحياتي .. أخوكم / هلالي من محافظة الرس ... |
وش يبي ذا:( واسطة:( الرس:( مخصوص لأهالي الرس:( كوكتيل:( JAJ :( وبعدين:( مزحة ثقيلة:( لاتزعل:( هاهاهاهاهاهاهاهاهاهاهاها .... عجبتك ولا أكمل:D علشان أزعلك:cool: |
هلا باخوي هلالي من الرس اسفرت وانورت انا عضو بهذا المنتدى وايضا اخي شفاه الله الغائب الحاضر والمتواجد حاليا بفرنسا للعلاج الاخ الحبحر الحار الهلالي . عرفت المنتدى منذ مايقارب السنة ونصف تقريبا من الاخ الحبحر الحار الهلالي واشتركت فيه عشقا للزعيم الهلال وبرغبة الاخ الحبحر الحار الهلالي الذي دائما مايلح علي بالاشتراك بهذا المنتدى لانه يعلم اني من محبي المنتديات وانا عضو باكثر من ثلاث منتديات عربية . اما بخصوص الاخ الحبحر الحار الهلالي فهو يعشق كل ماهوازرق وابيض لدرجة الجنون وعلى فكرة هو قد اشترك بهذا المنتدى منذ مايقارب سنة ولكن بعد تفعيل اشتراكه باسبوع اعيد الغاؤه او عدم السماح له بالكتابة وسمح له مؤخرا بالكتابة هنا . وهو يطمح بأن يكون مشرف هذا المنتدى بدلا من ابراهيم النجيدي على ما اظن لاني كما اعلم انه بينهم حرب شرسة كادت تنتهي بفوز سااااااحق للحبحر لولا تدخل ارادة الله ثم المرض الذي الم به ولكنه سيعووووووووووووود ويواصل تحقيق امنيته :D :D :D وانا معه . اخوكم ابن الرس الاسير الهلالي ( طبعا من سكان الرياض لظروف الدراسة واخوكم الحبحر الحار الهلالي ( شفاه الله ) من سكان الرياض لظروف العمل . لكن الاهل مازالو يقطنون مدينة الرس الحبيبة الغالية . حي العزيزية |
الأسير الهلالي :- أنتم بالرياض ..... وهم بعد أنا ..... طارت الأشرافية على ابو العضلات ... الحمدالله:) أنا وأنت والحبيب ( الله يرجعة بالسلامة ) ... الله يرجعة بالسلامة و يخلية لأهلة . وهذا ...... المتميلح ... قال رامبو .... قال....:o بأوريك فية ...... خلة علي وبتشوف:cool: |
السلام وانا رساوي يعني راعي حبحر بس للأسف حاليا غير متواجد في الولاية رغم تواجد الوالد والأخوان فانا حاليا ادرس في الخارج اقصد في الخرج تبعد عن الرياض 80كم ودمتم الحريف |
طيب اللي مهوب من الرس مايصلح يجي يتفرج بس معكم :rolleyes: |
عطوهم " زبيل " حبحر ..... وصكوا الباب وراهم ’’’ |
معليش اجلس معكم ولا اسولف:cool: |
الأخوة الملاقيف ... الزير الهلالي ، عاشق النمر ، وكبيرهم الذي علمهم اللقافة إبراهيم النجيدي .. أنا ما أدري وش تبون ... ؟؟ ( وش ضايعلكم في الرس واهلها ) .. ؟؟ هالمرة بنمشيها لكم ... لكن المرة الثانية .. ( ياويلكم ويا سواد ليلكم .. ) الأخوة J.A.J ، الحريف .. كويس كذا وحلوة ( المعرفة ) لكن وين الإجابة على السؤال ... الأخ الأسير الهلالي ... الله يرجع أخيك بالسلامة .. وصدقني أنه هو من رحب بي في أول مشاركة لي في هذا الموقع بعد الإجازة .. الله يرجعة بالسلامة وجميع الغائبين ... أكرر ( كلاكيت مرة أخرى ) المشاركات خاصة بأهل الرس ( حتى مانبغى أهل بريدة أو عنيزة ) ... ؟؟ |
انا رساوي عرفت المنتدى اول مافتح تحياتي لي شخصيا:rolleyes: |
الأخ الكاسر 888 السؤال يا حبيبي .... كيف عرفت المنتدى وليس متى ...؟؟؟ وشكرا .. على تواجدك ... |
وين وش هالعنصريه اجل شباب اللي من الوشم في الغرفه الثانيه |
كخخخخخخخخخخخخ اجل يالحريف جاي الخرج تدرس وش تدرس....ترى انا من الخرج لكن ما اعرف غير المصانع الحربية يدرسون فيها ثانوية صناعية و الا تدرس في القاعدة يمكن فيه دراسة هناك |
الأخ allord ... عنصرية ... كيف الحال يا عبد العال ... عال العال .. وإلا كيف ..؟؟؟؟ عنصرية شو أولاك .... ؟؟ إنت شو غليض ...؟؟؟ ( شامي ) عنصرية إيه يابيه .... ؟؟ إزاي دا برضه كلام ..؟؟؟ ( مصري ) أونصريه ... كيف ياصديق .. إنت فيه مخ وإلا مافيه ...؟؟ ( هندي ) آآآي دا برصه كلام يا زول ..؟؟ ( سوداني ) حتى العمال يضحكون عليك ...؟؟؟ يا عمي ويش تبغى .. ؟؟ ربع يبغون يتعرفون على بعض ..؟؟ فيها شئ ... ؟؟ ياشين اللقافة ... ؟؟ الأخ الثاني ...3boud ... اللي أنا أعرفه إن أعضاء هذا المنتدى على درجة من الوعي والتفهم ... هالأعضاء ذولي ما أعطوكم لو ربع هالدرجة اللي معهم ...؟؟؟ :p :p :D :confused: :confused: :confused: :eek: :eek: |
مشكور حبيب الهلال الف شكر لك حبيبي طيب انت ياللورد مدري سنعك عندي عنصرية هاه طيب طيب يكون خير وش دعوى يعني ماتبي اهل الديرة يطمئنون على ربعهم هذا من وصالتنا ورحامتنا مع بعض يالدلخ هذا يدل على ترابطنا مع بعض واعتقد هذا حق من حقوقنا وبعدين وش محرق رزك انت علشان انت لحالك من الوشم بالمنتدى تبي نقط لك :D :D :D :D :D . اما انت يالمشرف تقول عطهم زبيل حبحر هاه طيب انت هابلك اسم الحبحر ماغير تهذري به حتى وهو الله يقومه بالعافية بعيد بس هابلك اسمه دايم على لسانك هاه من الخوف خارشن عقلك لكن هين انشالله كلها مدة بسيطة ويجي بالسلامة انشالله وتشوف وش يرد عليك واعتقد انك تعرفه زيييييييييييييييييين زين وهو يعلاف لك ززززززززززززززين زين بعد هو اللي يعرف يسنعك ومن يوم راح وانت مدهر بالخلق لكن على ماقلوا الاولين لاتفرحين بالعرس عقبه طلاق يجيك حبحور مقطع البحور ومذوب الصخور وحامي الضبان بالجحور اللي اذا شفته يالمشرف تخوووووووور واذا جاء نشوف وش عندك هاك الحزة :D :D :D :D ولاعليك منهم حبيبي حبيب الهلال سر ونحن معك ابناء الرس الكرام اللي خصمنا عينه ماتنام والله معنا . الاسير الهلالي اخو الحبحر الحار الهلالي - ابناء الرس الحبيبة |
| الوقت المعتمد في المنتدى بتوقيت جرينتش +3.
الوقت الان » 10:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd