الاماراتي افضل من السعودي ؟؟!!!!
 

قبل قليل انتهت مباراة الوحدة مع الشارقة (من مباريات الدوري الاماراتي) وانتهت وحداوية بهدفين مقابل هدف

بصراحة كانت مباراة مثيرة جدا - من غاية الجمال لاحظت اني انفعل مع كل هجمة ورجلي طايره مع كل هجمة ضايعة للفريقين (مع الخيل يا شقراء) :001:

السؤال اللي اطرحه على الجميع والمجال مفتوح للجميع - هل الدوري الاماراتي افضل من الدوري السعودي؟!!!

من وجه نظري : ((انظر بان الدوري الاماراتي افضل من الدوري السعودي))

- ذلك لتقارب مستويات الاندية الاماراتية هناك فالوحدة والعين والشارقة والاهلي والشعب والشباب والنصر (مستويات قريبة) وتلاحظ بان هناك اثارة في كل مباراة حتى انك ما تستطيع تخمن (تتوقع) النتيجة اذا كان هناك مباراة بيين فريقين بالعكس اللي حاصل عند ربعنا(الدوري السعودي) فلو لعب الاتحاد مع الحزم (فالجميع متوقع) بان الاتحاد بيفوز على الحزم بنتيجة كبيرة وهكذا... يعني ما عندنا في السعودية الا الاتحاد والهلال (مستوى ثابت) والشباب والاهلي والنصر(بعض الاحيان) وبقية الاندية تكملة عدد...

- كذلك وجود قناتين (ابو ظبي الرياضية - دبي الرياضية) تعطي المشاهد اثارة واسلوب في التشويق من خلال الطرح الممتاز لعدة مواضيع وكذلك التحليل الرياضي الذي يصاحب كل مباراة.... وهذا ما نفقده في قناتنا الرياضية السعودية...

- التصوير داخل الملعب في غاية الجمال وهذا ما اشاهده في الدوري الاماراتي - فالمخرج دائم متابع لكل ما يحدث داخل الملعب وخارجه... بالعكس اللي حاصل عندنا واتمنى من قناتنا الرياضية لو يكون التصوير سينمائي مثل قناة الجزيرة الرياضية :001: <<< فيمكن نكون افضل من الدوري الاماراتي لو نستغل هالنقطة...

- المعلقين الاماراتيين.... يعطون المشاهد جو ليدخل في جو المباراة من خلال التعليق الشيق - وذكر المعلومات الرياضية المهمة لنا كجمهور مشاهد فتحس ان المعلق اللي تسمعه (مملكة من المعلومات الرياضية) مو مثل اللي عندنا من عبدالله العدوان - ومعلق مدري وش اسمه (لكنه من اهل المنطقة الشرقية اذكره علق مباراة المنتخب السعودي للشباب مع منتخب عمان) <<< يوم سمعت تعليقه ومع كل هدف يسجله المنتخب كان يبي يصيح (يبكي) مو من زود الفرح لكن من قل حلاه .... انا ذكرت هذا علشان ندري ان بعض المعلقيين عندنا من جنب العارضة...
والا مثل فهد عيد العتيبي (المعلق الممتاز والموهبة)اللي للاسف لم يستغل احسن استغلال وللاسف ينتقد من قبل بعض الكتاب :001: ويقولون هلالي :001: حتى لو كان هلالي خلوه يمتعنا باسلوبه الرياضي الحلو والا عاجبكم غازي صدقة :001:

((الله يذكر علي دواد في كاس العالم بالولايات المتحدة عام 94م كان يعلق على مباراة المنتخب السعودي ومنتخب بلجيكا وبعد ما سجل سعيد العويران الهدف العالمي - الظاهر ان علي دواد (شرق) بلقمة كان ياكلها وقت المباراة :001: وجلس يكحكح علينا حتى ان روعة الهدف خربت علينا من الكحكحة الزائدة :001: <<< قسم بالله وقتها قلت لا عاده الله من معلق))
8
8
مثال بسيط على التعليق عندنا :001:


- هناك برنامج (الجماهير) والذي تبثه دبي الرياضية - يوم الجمعة من كل اسبوع- ما يترك لا صغيره ولا كبيرة تحصل في كل مباراة الا ويسجلها - حتى يصور غضب الجماهير من فريقها - انتقادات الجماهير - بصراحة هذا البرنامج صريح جدا وجعل الجماهير تحضر للمباريات من اجل ان تنتقد وتحس بان المسؤولين هناك فاتحيين الباب للنقد الهادف البناء وعلى فكرة هذا البرنامج فاز بافضل برنامج رياضي في قارة اسيا...بالعكس اللي حاصل عند ربعنا(يقولون نبي نقد هادف بناء) واذا انتقدت احد فمكانك سجن الحاير :001:
بعيدا عن هذا وهذا ما عندنا برنامج رياضي مثير كبرنامج الجماهير... واتمنى من القناة الرياضية الاستفادة من هذا البرنامج ونشوف مثله عندنا لعل وعسى يرجع لنا التنافس الرياضي المثير...

- الحضور الجماهيري بكثرة.... ما لاحظته بان الجمهور الاماراتي محب لناديه ويحضر كل مباراة ويشجع وينتقد ...بالعكس عندنا دائم الحضور الجماهيري يكون مختصر على المباريات التنافسية...


هذا ما عندي اتجاه الدوري الاماراتي اللي اشوفه افضل من الدوري السعودي لهذه الاسباب

والمجال مفتوح للجميع لمشاهدة ارائكم :001:

حرام عليك حطيت الشباب مع النصر والاهلي
الشبابا مع الهلال والاتحاد

لا عندهم

بالله عليك اذا تقابل

الوحدة Vs بني ياس

كم النتيجة

يبقى السعودي أقوى بكثير من الاماراتي

- تبقى وجهات نظر ، الجميع يختلف عليها

لكن لم اجد سبب مقنع من الاخوان يدل على قوة الدوري السعودي...

انا مثلك شفت آخر المباراة :)
وشفت قبلها جزء من مباراة الوحدة والعين .. الحقيقة الاعلام الاماراتي خدم الدوري الاماراتي كثيرااااااااا .. ومثل ما تفضلت بأن الاخراج والتعليق والحضور الجماهيري .. والبرامج الرياضية المعدة من ناس فاهمين مثل يعقوب السعدي ... كلها تخدم الدوري الاماراتي وتزيد من متابعته ومن قوته ..

لكن مسئلة تقارب مستويات الفرق فاعتقد ان حنا وهم متساوين تقريبا في هالناحية .. لكن الحضور الجماهيري وان كانت ملاعبهم ماتتسع لعدد كبير الا ان الحضور يتفاعل بشكل يعطي المباراة حماس حلو .... ما نحصل مثله حنا الا في النهائيات :(

مشكلتنا ان حنا واقفين ما نتحرك وغيرنا يتطور ويتقدم ... الدوري الاماراتي مثلا او القطري ماذا كانوا قبل 10 سنوات ؟؟؟ ولا شي !!
بينما الآن بدئوا شيئا فشيئا بسحب البساط من الدوري السعودي !!!

المشكلة ان عندنا عقليات حجرية... والا لو يعدلون تعديل بسيط كان تغير الوضع بشكل كبير !! ما نقول لكم خلكم مثل اوروبا... لكن يا اخي بكل بساطة لو سووا 3 اشياء راح ينقلب الدوري رأسا على عقب :

1- الغاء نظام المربع الذهبي القبيـــــــــــــــح واللي يقتل الحماس والاثارة !!!
2-تنظيم توقيت لعب المباريات بتنفيذ النقاط التالية : جعل المباريات في الويك اند فقط .. الاربعاء والخميس والجمعة .. عدم تاجيل اي مباراة الا في الحالات الضرورية جدا .. التنسيق مع الاتحاد الآسيوي والعربي وترتيب الجدول حسب المشاركات .. منع اي فريق من اللعب في مسابقتين خارجيتين مهما كانت الاسباب والمبررات !!!
3-الملاعب : ترتيب الملاعب بطريقة جيدة .. توفير كافتيريات جيدة في الملاعب ... ان تكون كل الملاعب مثل استاد الملك فهد (كراسي وليست صبة !!) تحسين تعامل رجال الامن مع المشجعين .. تغيير اسعار التذاكر حسب قوة المباراة

صدقني هالثلاث قرارات ممكن تصدر من الاتحاد السعودي في يوم واحد... وممكن تطبيقها وتفعيلها خلال فترة بسيطة وصدقني النتائج سوف تكون واااضحة ..لكن من يسمع ؟؟؟؟

وبالنسبة لسالفة علي داوود يوم يشرق في هدف سعيد:):):) فانا مثلك دايم استشهد بهالحادثة على سوء التعليق السعووووودي بشكل مضحك !!

يعطيك العافية :)

الدوري السعودي اقوى بكثير من الاماراتي ... لا يوجد مقارنة

اقول استريح الدوري السعودي مشعلل

بس ابس اقول انا كل مباراه لهم ابيكم تشوفون الكم الهائل من الجماهير وياناس ابي اعرف هم لما يلعبون الفرق تلعب الذهاب في ملعب ناديهم اما احنا يا الاستاد او الملز ليه الهلال ما يلعب في ملعبه والنصر في ملعبه والشباب اجل وشوله نقول الأرض والجمهور

الدوري السعودي فقط

هذا الإماراتي المندس ضحك عليكم ياحليلكم ..
مافي وجه للمقارنه بين الدوري الإماراتي الضعيف فنياً جداً ... يعني اللي طرح هذا الموضوع لازم يستحي من نفسه ومن المقارنه التي ليست في مكانها ...
المفروض يقارن الدوري الإماراتي بالدوري العماني ...
وأنت إفتحوا عقولكم شويه وحاولوا تعرفوا شخصية الكاتب وماهي جنسيته .. مو تناقشوا مثل العميان الله يهديكم ..