قصة ذهابي لاعتزال النمر كاملة في قصيدة
 

بسم الله الرحمن الرحيم
...
هذه قصيدة أذكر فيها رحلتي اليوم لحضور اعتزال النمر يوسف أسطورة ملاعب آسيا وياليتكم بس ماتتفاعلون معها :laugh:
...


طلعت من الدوام اليوم للشقـّة وانا محتار
............................. أروح او ما أروح .. اروح ولاّ ما أروح اليوم

يقولون التذاكر خلّصت والقلب ولّع نار
............................. وصار الهم اقص التذكرة والنوم .. طار النوم

ورحت لصاحب الأجرة مقصّر سكة الأسفار
.............................. وقلت ابغى الرياض اليوم تكفى يالرفيق لزوم

أخذ ستين .. واقفينا عن الديرة بـ هالمشوار
............................... مع سعودي سكوت ٍ من يشوفه قال : ذا مهموم

ليا منـّي بغيت اغط لي غطـّة وانا منهار
................................ لكزني بالذراع يقول أبعد عن ذراعي وقوم

يجي إرسال واسولف بجوالي ولامن طار
................................. أنام ولا صحيت اصحى على النغمة وانا معسوم

وصلنا للرياض العصر فالبطحا مع المغوار
................................. وركبت بتكس الاجرة يم الاستاد اطلب المقسوم

دخلت وقالوا ان التذكرة صارت بسعر النار
.................................. بسبعين انتهت كل التذاكر .. لاتجي وتحوم

ولكني دخلت بأرخص شويـّه مع المعصار
.................................. معاصير ٍ من الجمهور كني بين قَـوم وقَـوم

ألا ياحلو مشوار التعب للفيلسوف ان صار
................................... مع الشعب الهلالي كلنا واحد ولا به لوم

دخلت وكلنا فالملعب اهل البيت واهل الدار
.................................... سما زرقا وغيم ابيض ووسط المستطيل نجوم

بلنسيـّة غدت لعبة .. وضاعت وسط هالإعصار
..................................... وقالوا : برشلونة له هنا سبحان ربي تَوم :eek:

تقول اشلون به نادي هنا له كل هالأنصار !
....................................... حشا ماهو هنا هذا الفريق فديرته مظلوم

لفينا من على هامة وصرنا فالخليج اصفار
........................................ بسبة هالفريق اللي تعدى الكوكب المزعوم

ونزل يوسف وطرنا من فرحنا وطار صوت الطار
......................................... وقام اللي من اول من ثقل جسمه يخاف ايقوم

وقفنا كلنا نهتف (( نحبك )) والقلوب اسرار
....................................... نحبك حييييل يايوسف عسى هذي المحبة دوم

وولّعنا بولاّعة شعار ٍ قام به طراّر
...................................... بوسط الشعب الازرق.. هالشعار وصاحبه مرجوم:upset:

كأنه كافر ٍ يحمل صليب وكنهم أبرار
...................................... توطّوه الذيابة .. من هنا مرمي .. وهنا ملطوم

يبي للنصر صيت ٍ !! وش يجيب اليـَن للدولار !
....................................... يظن انه بطل ويظنّنا واويل قلبي رخوم ! :confused:

هتفنا لازرق ٍ مخلوط بابيض كنه النوّار
...................................... لنمر ٍ كرموه نمور قاموا ... والردى للبوم

هتفنا لازرق ٍ مخلوط بابيض كنه المنشار
.................................... بلنسيـّة شكى من هيبته حتى وهو معزوم !!

وانا هالحين فالمقهى ومتلثم عليّ شْعار
..................................... عليه : احب فن الفيلسوف .. وجعل سعده دوم


وتحياتي
شاعر الشبكة الأول
خالد الحريبي :thumbup:

مشكوووووووووووووووووور

والله شعر رهيب

أحسن ياشاعر (يامتنبي)هي هي هي

أحسن ياشاعر (يامتنبي)هي هي هي

صححححح لسانك أخوي

قصيدة جميلة ووصف رائع للمشوار

مشكووور أخوي على هذا الإبداع امتعتنا بصراحة

وأبو يعقوب يستاهل

وبالنسبة للردود اللي تجيك فلا يقال في مثل هذا إلا :


(دع الكلاب تنبح والقافلة تسير)

8
8
سنا الهلال شكراً وبصراحة ردك يكفيني
وعلى قولتك الواحد ليه يحرق نفسه دامه واثق .
تحياتي

صح لسانك يا (( بعد حيي )) >>> كلمة من حائل.

ألف شكر يالغالي
شاعر جيد وموهبه
كبيره تحمل الكثير

وننتاظر جديدك من الشعر

صح لسانك

صح لسانك اخوي خالد !!




تحياتي!!

صح لسانك اخوي خالد

صحت أبدانكم جميعاً
خففتم الضغط اللي كان مرتفع شوي

صح لسانك