|
الحمد لله الحين كل واحد يمشي ويقول( فشلونا) ( الجمهور فشلونا) (والله فشيله) والجمهور بعضه قاطع مئات الكيلوات عشان يحض واهل الرياض مالين المقاهي قسما بالله ان اللي زاد من روعه المباراه هم الجماهير واكيد ان بعض اللي انفشلوا وذبحهم الخجل جالسين في بيوتهم او في المقاهي ويقول فشلونا الجمهور هاذا بدل ماتقولون الله يعطيم العافيه قمه التخلف منكم انتم والله قهر انا بنفسي قاطع 400 كم وتوني واصل وكان في بالي اني بالقى الاشاده للي حضروا من اولهم لاخرهم لكن للاسف فيه جمهور مايعرف الا انه ينتقد |
والله أتوووقع انهم نصراوية أو تهــادية .. يبي يفسدون الأحتفـــال .. الله لايوفقهم .. |
فيه ناس تحضر بس عشان الهبال والصياح ولا يعرفون اي شيء ولا يملكون ادنى ثقافه كرويه وقت مرور سمو الامير محمد بن فيصل امام الجمهور لتحميسهم واحد يجلس قدامي ماسك علم ازرق ورابط راسه باللون الازرق سألني من هذا ؟ !!!!!! تخيل...................... وش اجاوبه بالله عليكم |
إقتباس:
|
ليت المباراة كانت في الشرقية |
انا لي 12 سنه احضر مباريات للهلال بس ولا عمري شفتي زي اللي اليوم صار !!!!!!!!!!مدري وش السالفه اليوم صحافيين رموهم .......الامن........حتى ياسر والحقوي ماخلوهم.......شيء غريب والله غريب انا ملابسي طلعت الوان مره جايني عصير ومره شاهي ومره بيبسي ومره مويه والله ياناس اللي جت في راسه واللي في يده واللي في ظهره...مدري وش صاير لهم اليوم........بس انا لااستبعد استنتاج بعض الشباب اللي قالوا انو جماهير من انديه ثانيه لان كثيرمن انديه ثانيه قالوا انهم راحو يحضروا اليوم عشان الثنيان محبوب من الجميع لانو ما اعتقد جماهير نادي واحد يرمون بعض بالقوارير ويرمون لعبيتهم. اليوم الجميع تضرر وحنا طالعين من الملعب كملوها بعد وصارت الناس تركض كل واحد يبي الفكه والحمد لله انو ماصارت احداث دهس وضرب!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
إقتباس:
وانا ماقصدتك انت انا قصدت اللي فشلونا يحذفوووووون قوارير الماء على بعض وعلى اللاعبين والاعلاميين كل الجماهير تفشلت وحتى رئيس النادي اكيد تفشل.. ان شاء الله ما نشوفهم مرة ثانية |
التي قامت بالحذف والرجم هي جماهير غير هلالية |
مع الاسف ظاهرة الترجيم مازالت موجودة والمصيبة بل والمصيبة الكبرى انها كانت من جماهير هلالية ضد جماهير هلالية حاجة تفشل |
صراحه هلالي بجنون كلامك عين العقل والله فشيله مع مرتبت الشرف ياخي هذولي اول شيء احنا مستضيفينهم وهذي اهم نقطه وبدل ما نكرمهم لا نحذفهم ونرميهم الين متى هذا التخلف وبدل ما يرحبوووا فيهم لا يقوموا بالزعيق والصريخ ليش هذا كله هذي كلها مباره اول شيء مباره وديه وحبيه ومبارة اعتزال لنجم كبير يعني المفروض صورة النجم تكبر في عينهم مو تصغر بتصرفات الاطفال..... والاخ الزعيم سامي يقول هذولي ماهم جماهير هلاليه انا اقلك لا جماهير هلاليه ونص ومحسوبين مع الاسف انهم هلاليين ولا لو ماهم هلاليه ماكان ابراهيم حقوي رئيس الربطه اضجر من هذولي في اكثر من مبارام كنا نبغاه يجي في ملعب الامير فيصل للمدرجات البرتقاليه وكان يتكلم عن الرمي والحذف والاشياء لللي تسير .... المهم هذي عاااااااااااااده دايم نشوفها سارت في ملاعبنا.... |
انا والله كاتب معناتي مع العلب والقواطي وطقتها وانا بعد عانيت والي يبي يشووف معاناتي يدخل موضوعي هذا http://vb.alhilal.com/showthread.php?t=260189 |
ياناس ياعالم والله مهزله والله مسخررره تمنيت اني ما رحت الملعب قسم بالله والله العضيم الحين رجعت من المباراة وانا زعلان بسبب الفشيله الي سووها جمهور من نفس الفريق ويرمون على بعض ليه والله وانا في الملعب احترق من جواي مدري وش اسوي رحت اسب العسكري ليه مافيه احد فوق يراقبهم قلت لهم روحوا شوفوهم فشلووونا والله فشيله قدام العالم كلها وطول الوقت طول الطريق وانا راجع وانا زعلان على الحركه الي سووها وبصراحه الجمهووور ناااايم وحقوي عجاااز وما يتحمس..,, والف مبروك للهلال الفوز وليوسف الثنيان والله تستاهل الحفل بس حرام عليهم صعاف النفوس الي فشلونا.., تحياتي..,, |
إقتباس:
اقول لا يكثر يا زعيم سامي اذا صار جمهورك كذا لا تحطها في ظهر جمهور النصر |
قسم بالله قمــة التخلف اللي بداها كل واحد نصرواي في الدرجة الاولى كان رافع علم النصر ويتسفز جماهير الهلال بعدها بدت الجماهير ترمي عليه , من هنا بدت الشرارة واستمر على هذا الحال . لكن بعد نهاية المباراة امطرت السماء قوارير مويه ولكن الحمد لله ربك ستر ... |
بصراحة فشلنا الجمهور والمخرج ماقصر ثبت التصوير على الجماهير وهي تتقاذف بقوارير المويه وكأن الصوره احلى شئ شافها |
| الوقت المعتمد في المنتدى بتوقيت جرينتش +3.
الوقت الان » 03:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd