الســــلام عليكم ورحمة الله وبركــــــــــــــــاته ,,,


هذه قصيدة رثاء كتبها الأخ (فهد مطر ) بعد وفاة أخيه (متعب) "رحمه الله" أمام مرى من عينيه .. حيث توفي أخاه في حادث سيارة .......


حيث وصف الاخ فهد قصة وفاة أخيه قائلاً ...

أن متعب كان يسوق سيارته ومعه ابن خاله "صقر" ... وفي سياره ثانيه كان هو وأمه وأخته ... كلهم كانوا متوجهين الى الهئية الصناعية بينبع لزيارة أحد أفراد العائله.... متعب كان يسوق سيارة من نوع كامري..

فتجاوز متعب أخيه فهد وأختفى عن الأنظار .... وماهي الا لحظات وفي إحدى المنعطفات .. وإذا بهم يشاهدون سيارة متعب وقد دخلت تحت شاحنة كبيرة .. فكانت تقول والدته لاخيه من هول الصدمة ..

هــــــل هذا متعب؟!

فكان يقول لا .. ليس بمتعب .....

وذهب فهد ليحاول إنقاذ أخيه "متعب" وابن خاله "صقر" وعندما وصل لسيارتهم وجدهم قد فارقوا الحياة .. فنظر الى الخلف فإذا والدته تركض هي وأخته ليشاهدوا "متعب " .. فقام بمنعِهم من ذلك وقال إنه بخير ولا داعي لمشاهدته ...

وماهي إلا لحظات حتى أنفجرت سيارة متعب أمام مرى أمه وأخته و أخيه فهد ..

المنظر مؤثر بالتأكيد... الأخ والأم والأخت يشاهدون أحد أفراد أسرتهم يحترق حتى الموت هو وابن خالته أمام أعينهم وهم عاجزين عن عمل أي شي ..


فلا حـــــــــول ولاقـــــــــوة الا بالله .....



كتب الاخ فهد هذه الابيات رثاءاً لاخيه متعب حيث قال ....



متعب تراك بخاطري مقدر أنساك .... ياللي دفنتك وسط بدر العشيه
أنسى أنا نفسي لا حل طرياك .... تذرف دموع العين غصب(ن)عليه
أذكر أنا مجلسك وأذكر سجاياك .... زين الخصال وزين طبع وسجيه
وأذكر علوم(ن) لك وأذكر حلاياك .... وأذكر بسمتك يوم تطري عليه
وضحكتك يوم ودوم تعلو محياك .... قرم (ن)كريم(ن) منت راعي رديه
يا ما تجي وتروح وحنا انتظرناك .... ولاشفت زولك جاتني أريحيه
وآخر لقانا بالفطور الصبح ذاك .... تضحك وتمزح يا خليلي عليه

-------------------------

يا ليتني بالكامري قبل ممشاك .... وتصير نفسي دون نفسك ضحيه
ويا ليتي نار(ن)ولعت في حشاياك .... شبت بجسمي وأتركتك المنيه
في وقت دفنك أتسلى بذكراك .... علّي أوقف دمع عيني شويه
رجعت يم البيت أبحث عن خطاك .... وبعد الشفا ترجع جروحي نديه
أروح للغرفه وظني أبلقاك .... علي أسلي عيني ...بعدك شقيه
في غرفتك أجلس وأناظر هداياك .... وسط الملابس فيه ريحه زكيه
وادعي الله الكون يا رب رحماك .... ترحم حبيب(ن)لي وترحم خويه




وهذه هي القصيدة منشدة بصوت كاتبها الأخ فهد .... وللمعلومية القصيدة موجوده بشريط الوجد ..

[SOUND]http://www.lazeeez.com/sound/hamasya/alwagd/trak_bkhafeqy.rm[/SOUND]

للـحفــظ .. كليك يمين ثم احفظ بإسم ..




- لســـمــــــاع وصف الاخ فهد لحادثة أخيه وكيفية وقوع الصدمة عليه ...
أضــــــغــــــــط هــــنـــــــــا



- لمن أراد وصف الاخ فهد لحادثة أخيه مع القصيدة منشدة (في ملف واحد) ...
أضـــــــغــــــط هــــــنـــــــــا



رحم الله (متعب) وابن خاله (صقر) .. وغفر لهم ذنوبهم .. وجعل الجنة مثواهم ... و ألهم ذوويهم الصبر والسلوان على فقدانهم ....




وأخيراً .. لمن أراد الاطلاع على الـوجــــد (1) .. فإليك هذا الرابط ...



الـوجــــد (1) ... قصيدة (عابرة سبيل"رحمها الله") لزوجها قبل وفاتها ....

لكم تحيااتي ...

سـلـمـت يـمنــااااك ســااام الهــلاااالـي .. ولااا فــض فــوووك .. أبــدعـت فـي انتقـاااءك المـؤثــر ...

أصـــدق الـقـصــاااائــد ..وأشـــدهـااا تـأثـيــراً .. هـي تـلـك الـتـي تـووولـد مـن رحـم الـمـعـااانــاااة ...
قـصــيــدة بالـفـعـل .. مـؤثــرة .. حــزينـــة ..
لااا حـــول ولااا قــوة إلاااا بــاللــه ...

يـاااا ســاااام الهــلااالي ..

ويـااا وجــووودي وجــد مـن يبكـي عـلـى أخـــوووه ..
يـااا وجـــووودي وجــد ام تبـكـي علـى حشـاااشـة جـوووفهـااا ..

تـقــبــل مـن التحيــااات فـاائقهــااا .. أخـــوووك// دبــل كيــك ..



قـبــل الخـتــااام .. والسـلاااام ..
اسـمـحـلـي بـأن أضـيـف هـذا الـطـرح لـمـوووضــووعــك ... بمـااا أن الـوجـد بالـوجــد يـذكــر ...


هــذه قــصيـده تـحـكـي مـعـانــااااة انـسـاااان بـسـبـب غـلـطـه غـيـر مـقـصــوودة انـتـهـت حـيـاااتــه ..
سـلـطـاااان بـن ربــاااح كــااان لـه اخ لـم تـلـده امــه اخ ديـن ودنـيـااااااااا .. هــووو مـحـمـد بـن عـقـيــل ..
كـااانـت اخـوتـهـم عـلـى وضـح الـنـقـااا .. ومـن زووود مـا يغـلـي مـحـمـد سـمـّى ولـده الـبـكـر مـحـمـد عـلـى اسـم خــويـه ..
كــااانـوا يـعـشقـووون الـصـيـد .. وفـي رحـلـة مـن رحـلاااتـهـم وفـي فـتـرة الـظـهـيره ..
كــااان مـحـمـد يـجـهـز الـغـداااء وسـلـطـااان يـنـظـف الـسـلااااح ومـن غـيـر قـصـد وبـدووون عـلـم بـوجـوود الـطـلقـه فـي مـخـزن السـلاااح انـطـلـقـت الـرصـااااصــه لـتسـكـن فـي قـلـب مـحـمـد وتـرديـه صـريـعاااااا ..
ولم يكن عندهم احد ..
وضـع سـلطـااان فـي السـجـن .. وبـدأت الـمـشااايـخ بـالـوووفــوود عـلـى اهـل مـحـمـد لـكـي يـصـفـحووو عـن سـلـطـااااان ولـكـن بـدووون فـائـده ..
وصـدر الـحـكـم عـلـيـه بـالـقـصـاااااص ....
وبـعـد الـتـنفـيـذ .. ومـصـاااادفــة ً صــاااار قـبـر سـلـطـاااان فـي جـنـب قـبـر مـحـمـد ..
لاااا اطـيـل علـيـكم .. هـذه الـقصيـده بـيـن ايـديـكم ..



يا فلاح الهـم خيّـم فـوق قلبـي يـا فـلاح
كيف تبغاني اسولـف وانـت خابرنـي عليـل

ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل

حالته لا ما تباعد حـال ( سلطـان الربـاح )
بالخطا راحـت حياتـه والخطـا مالـه مثيـل

كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل

اجمعتهم صحبة الدنيـااا علـى جـد ومـزاح
مـا يهابـون الليالـي والحمـول اللـي تميـل

ما قتل عامـد ولكـن ثـوّر ابليـس السـلاح
بالخطا ثـار السـلاح ويـن يلقـى لـه دليـل

انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل

هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل

هلّل وكبّـر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل

(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )

طفلة ٍ مـا كمّلـت عاميـن صايبهـا كسـاح
وانتثـر دمعـه وحالـه مـن سبايبهـا نحيـل

حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل

ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل

وارتفع صوت الحشود .. وزاده محمد وصـاح
يا يبه تكفـى دخيلـك تستمـع قـول الدخيـل

يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل

يا محمد .. هاك علمي واحفظه قبـل المـراح
انتبـه لاخوانـك وبالـك عليهـم لا تعـيـل

والله الله .. فالصـلاة وفالصيـام وفالصـلاح
والله الله .. فـ( امكم ) والله لكم بعـدي كفيـل

غمّـض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل

سل سيّـاف الصفـا سيفـه ودقـه ثـم طـاح
راس (سلطان المراجل ) وانتثـر دمـه يسيـل

غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )

يا فلاح .. الكارثه ما هي سوالـف يـا فـلاح
خلنـي ساكـت ودوّر غيـر هالقصـه بديـل