لا تستغربوا العنوان فأنني كتبته لكي أخرج ما في صدري من كئبه أصابتني وضيق حينما

أمر خادم الحرمين الشريفين الملك / عبد الله حفظة الله بزيادة الرواتب قبل سنتين 15%

لموظفي الدولة والمتقاعدين ... ولم تشــمــلــنــا ... بمعنى أنهم هم من خدموا الدولة فقط ...؟

طيب وموظفي الشركات والمؤسسات الحكومية ( متقاعدين التأمينات ) ... الم يخدموا الدولة ...؟

في ارامكو 100% مملوكة للدولة – سابك 75% ملك للدولة – موظفي بند الأجور بالدوائر

الحكومية – شركة الكهرباء 75% ملك للدولة ... والــــــــــــــخ

وحتى الزيادة الأخيرة 5 % للمتقاعدين ... لن تشملنا ... ليه لأننا لم نخدم الــدولــــة ...؟

خدمة ولله الحمد 25 عاما في شركة ارامكو بكل تفاني وإخلاص ... ثم تقاعدت ( تقاعد مبكر ) .

تعرض زملاء لي إلى بعض الأمراض المستديمة وبعضهم الخبيثة , ومنهم من أحترق ... ومع ذلك استمرين في العمل ... وكله يهون بحبك يا الوطن.

لا أعلم سببا واحد بعدم شمولنا للمكرمات الملكية ... مع أن المؤسسة العامة للتأمينات تابعة للدولة 100%

لماذا يا محافظ المؤسسة تخالف أمرا فيه خير لفئة من المواطنين ... وبدل ما يدعون لك ( بيدعون عليك ) .

لعلمك أن ماتمتلأ بيه خزينة مؤسستكم معتمدة اعتماد كلي على نسبة 9% المأخوذة من العامل و 11% من صاحب العمل ... وملايين كل شهر داخلة ومضمونة ( اللهم لا حسد ) .

فأين الوفاء لهم وتقدير خدماتهم ومساهماتهم منذ سنين طويلة بدفع نسبة من مرتباتهم للتأمينات .

زيادة في الأسعار والإيجار ... والراتب محلك راوح ... كل تبن يا متقاعد التأمينات ... اللين يجيك الربيع


........................................


للعلم أحد زملائي والدة يستلم مرتب تقاعدي من الكويت ... وكل سنة زيادة ... وإذا زادة الدولة

للموظفين زاد راتبه .... ويدرسون الآن بشكل جدي أن يتوظف متقاعد التأمينات لزيادة دخلة ...

بالأضافه إلى راتبه التقاعدي ... يا سلام عليك يا الكويت ما عندهم تفرقة ابد ... متقاعد حكومي أو

تأمينات ... كلهم خدموا الدولة .

............................................

ولو شمل الأمر الملكي بمنح متقاعدي الشركات والمؤسسات الحكومية ...

كان لا أنت يا المحافظ ولا أكبر شـــنــــب يوقف ها الزيادة لـــنـــا .


أحمد الله وأشكره أنني بخير بفضل منه سبحانه ...

ولكنني أأسف وكلي حزن على من كانت مرتباتهم التأمينية ضئيلة .

ومــا أقــول الا الله يحفظك يا أغلى بـــلـــــــــد

حسب المعلومات الي عندي ارامكو تعطي راتبين زياده بالسنه = 15 بالميه


بعد امر الملك بالنسبه

يا رجال 5 % لو ما حطوها ابرك

قال زياده قال ...................... يعني بكل 1000 ريال 50 ريال

ما تجي قيمة علبة نيدو ؟؟؟!!!

ما بقى للحب شيء ................

طيب وش تقول على حالتنا (موظف قطاع خاص ) مكانك سر

الله يكون بعونكم

مدري اخوي ارامكو ماعندها بونص زي شركات سابك ؟؟ وهي انها تعطي الموظفين جزء من الارباح كل واحد حسب راتبه
واذا فيه تشمل المتقاعدين والا لا؟؟

الله يعوضكـ أخوي ان شاء الله بالافضل

أغنى دولة بالعالم ( والله ) السعودية . فيها فلوس بالهبل .. لاكن قبل ما تطلع للعلن تتقسم بالبطون.!

لاكن مع ذالك .. عشت يا وطني .. فداك ياوطن.!

يارجال ما حولك أحد.!

حبيبي أبسط مثال نحن طلاب الجامعه ،،،

تخيل في زيادة الرواتب وصرف راتب شهرين كل الدنيا في القطاع الحكومي شملتهم الزيادة الا حنا طلاب الجامعه ،،،

إقتباس الرسالة الأصلية كتبت بواسطة الرّحال الأزرق يا رجال 5 % لو ما حطوها ابرك قال زياده قال ...................... يعني بكل 1000 ريال 50 ريال ما تجي قيمة علبة نيدو ؟؟؟!!! ما بقى للحب شيء ................

معليش اخوي بس رح تصدق بالـ50 احسن من علبة نيدو

إقتباس أغنى دولة بالعالم ( والله ) السعودية . فيها فلوس بالهبل .. لاكن قبل ما تطلع للعلن تتقسم بالبطون.! لاكن مع ذالك .. عشت يا وطني .. فداك ياوطن.! يارجال ما حولك أحد.!

هههههههههههههههههه

بصرااحة زيادة تفشل ويخجل الواحد منها

بس اظن ان تكفل الدولة بنص اسعار الرسوم الحكوميه يمكن يكون له فايده

إقتباس الرسالة الأصلية كتبت بواسطة Msh3al_37 بس اظن ان تكفل الدولة بنص اسعار الرسوم الحكوميه يمكن يكون له فايده

أيه تكفل الله يهديك

قسم بالله ما أحد لقاها بالمملكة إلا التجار
إذا زيادات - رفعوا الأسعار

والآن
الخصم 50% على الرسوم الحكومية
المستفيد الوحيد هم التجار

أصحاب الشركات الكبرى ( لخفض تكاليف تجديد الإقامات والرسوم الحكومية )
وخفض تكاليف الموانئ

أما عن 5%
حتى اللي يدخن ما يستفيد منها

ما تجي حق كرز دخان

بلادي بلادي منـــــــــار الهدى

ومازلت أيها المواطن تآكل تبن

خوفي يزيدون سعر التبن بعد ويخيسون المواطنين

الله ــ يكون بعونكم أخوي ــ وأحنا ــ المستقبل . قدامــنـــا . فلا تجيب لنا أزمــــــــــــــــــــه نفســيــه من هالمواضيع .

الله يرحم الحال

الحمدلله على كل حال

الصبر ثم الصبر

إقتباس الرسالة الأصلية كتبت بواسطة هلالي الظهران يعطيك 40 عافيه جدي.. بداية الله يعطيك وايانا طولة العمر ويالله حسن الخاتمه ..<< حسبه بسيطه لو قلنا انك من نظام الــcpc يعني سنوات الدراسه محسوبه خبره.. يعني اقل احتمال انك تكون صاقع الاربعين جدي.. ماشاء الله تبارك الرحمن.. بالنسبه لاعتراضك فانت صادق والله يلوم اللي يلومك .. لكن وانا اخوك الحين انت تعتبر بنظرة الزمن والناس الحالي مقارنة بغيرك من المرفهين .. الا ان كانك تحسب الحسبه لعييلك فالله معاك يحرس خطاك.. بعدين وانا اخوك التسع في الميه تبع التامينات تاخذ عليها تامين طبي لك وعيالك وبعد تأمين سياره والباقي عقب التقاعد ان شاءالله .. اما الملايين الداخله والطالعه فالله رقيبهم وحسيبهم.. مانقول الا الله يستر على الضعوف راحوا بين الرجلين! بالتوفيق,,

إقتباس للعلم أحد زملائي والدة يستلم مرتب تقاعدي من الكويت ... وكل سنة زيادة ... وإذا زادة الدولة للموظفين زاد راتبه .... ويدرسون الآن بشكل جدي أن يتوظف متقاعد التأمينات لزيادة دخلة ... بالأضافه إلى راتبه التقاعدي ... يا سلام عليك يا الكويت ما عندهم تفرقة ابد ... متقاعد حكومي أو تأمينات ... كلهم خدموا الدولة .

اعجبتني هالجملة ... وظحكت عليها (( أويييييييييييييي )) على قولة عادل إمام بمسرحية شاهد ماشفش حاجه
اجل ماعندهم تفرقة .. والدليل .. البدون .. ودرجات الجنسية .. (مـــــــــــــاعلينا )

أرامكوا باالذات مثل المنشار .. طالع واكل .. نازل واكل

كم يستلم موظف أرامكو بعد نهاية الخدمة ؟؟ حتى لو كان تقاعد مبكر ؟ ماشاء الله تبارك الله ..

نرجع لموضوع الــ 5 % .. رغم اني معك اشوفها قليله لكن تراها مو زيادة .. هذي دفعه لمواكبة غلاء المعيشه في البلد .. وانت في أرامكوا بالذات اكيد قد سمعت عنها ..

التأمينات علشان تصير مثلها في المميزات بموظفي الدولة .. كان لابد ان يستقطعوا من المرتب 9 %
وهذا الحاصل الحين .. لكن هالموضوع جديد .. والان مميزات موظف التأمينات مثل الموظف الحكومي خصوصا بعد زيادة النسبة المستطقعة من راتبه للتأمينات .. واكيد كنت لاحق على الخمسه .. والستة بالميه .. وزادت حتى وقفت على هالنسبة وهي نفسها نسبة الموظف الحكومي المستقطعه منه .

التأمينات حدث فيها تغيير جييد .. لكن العجله مو بطيئه .. يمكن ميته .. لكن هنالك تغيير ..
لاننسى قرار الحد الأدنى للرواتب ويكون اقل راتب تقاعدي 1500 ريال .. واول كانت بعض الرواتب 600 و 800 ريال ؟

انا احد موظفي التأمينات .. وشملتني الزيادة .. والخمسة بالميه ( غلاء المعيشة )
شركة تشغيل ذاتية تحت إشراف وزارة الدفاع ..

أما باقي الشركات .. وصلتهم الزيادة واكثر من ال 15 بالمية .. وال 5 % من خن خلال بند غلاء المعيشه .. او مواكبة زيادة الدولة ..

مشكلتنا في ربعنا اخوي جاج ... والله ربعنا .. تجارنا .. منا وفينا .. يمصون دم المواطن والمواطن هو ابنة .. وبنته .. وابوه .. واخوه ..

القيم انعدمت لدى التجار .. الزم ماعلى التاجر هالمخباة .. نعم هذي التجارة لكن حتى التجاره والربح لها اصول ومباديء .. وقيم

والتجار منهم ؟؟ هم شعب .. والشعب مين ؟؟ هم اللى نصهم يطالب بالزياده .. والنص الثاني ( التجار ) اللى يشيلها بالراحه ... والشعب هم .. اللى يطالب بضبط الأسعار .. ونص الشعب الثاني ( التجار ) اللى يرفع السعر ..

مانبي زيادة ... نبي عقوبة شديده على كل تاجر جشع .. تعاون من المواطنين بالتبليغ ومقاطعة كل تاجر يستغل اخوك .. وابوك .. وابنك ..

تقبل مروري واعتذر عن الإطاله يالغالي