|
موضوع يجب قراءته ؟؟؟؟ ............................................................................... الانسان سؤال .. متى تقدر تقول على انسان ما .. انه صديقك العزيز ؟؟ طبعا بعد ما تعاشرة فترة طويلة .. وتعرف اخلاقه .. وتمر عليكم مواقف تجده معاك فيها .. ما يتخلى عنك .. بعد هذا كله اللي يمكن يستمر سنوات .. تقدر تقول انه صديق عزيز .. صح ؟؟ الصراحة اللي يشوف راي غير هذا افضل انه ما يكمل الموضوع .. لان هذا الموضوع للناس الكبيرة العاقلة .. ماهو للصغار البزران .. لو لعب مع ولد الجيران خمس دقايق قاله تعال .. انت صديقي العزيز .. فديتك .. طيب .. هذا في قولك صديق عزيز ... ما بالك فيما هو اكبر كلمة صديق ؟!! الحبيييييييييييييييييييب ... الحب ... !!!!! طبعا .. مادام الحب شي اكبر من الصداقة .. اذن تحتاج لوقت اكبر .. وللاختلاط اكثر .. بالحبيب عشان تقدر تقول فعلا انك تحبه .. اخي الكريم .. مهما تكلمت على الانترنت .. مهما تكلمتوا على التلفون .. مهما طلعتوا مع بعض .. ماهي الا نوع ناااااااااااااقص من انواع الخلطة ... على الجات ؟!! ... انا ممكن امثل باتقان دور بنت واتحدى اي واحد انه يكشفني .. هاهاهاهاهاها على التلفون ؟!! ... انا اعرف واحد يقلد صوت البنات حتى انا ما اعرفه الا بعض الاحيان .. هاهاهاهاهاهاهاها الطلعات ؟!!! ... شو تبغي من بنية طلعت معاك من ورى اهلها ؟؟ ... خبرني .. ولا تكون مهبوش في مخك او تاكل لحم خنزير ما فيك غيرة .. طيب .. حتى لو كانت بنت اللي تكلم على الجات .. وتتكلم معك على التلفون .. وتطلع معك .. وانت راضي بكل هذا .. صدقني ما راح تعرفها زين ابدا ابدا ابدا ابدا ... لانها مجرد دقايق .. او ساعات قليلة .. مستحيل تعرف فيها الانسان على حقيقته ... طبعا لان كل واحد في ها الوقت يكون معدل نفسه على احسن وضع .. ومخلي باله يختار احسن الكلمات .. ويستخدم افضل الاساليب .. كانه ملاااااااااااك نازل من السما .. وتلقاه في البيت .. بذيء .. وبين الناس نذل .. الخ الخ الخ .. اخي الكريم .. الزبدة .. الانسانة اللي بتحبها .. عشان فعلا تحبها .. لازم تعاشرها .. والعشرة ما تكون بالانترنت ولا بالتلفون ولا بالطلعات الاسبوعية او حتى اليومية .. العشرة تكون لما تتزوجها على سنة الله ورسوله .. ( صلى الله عليه وسلم ) .. لما تكون معك ليل ونهار .. تمر عليكم المواقف .. والظروف الصعبة .. والمشاكل .. الخ الخ الخ .. وتشوفها ثابته جنبك .. معك في الحلوة والمرة .. تتمسك بك يوم بعد يوم ... هنا ممكن تحبها .. ومثل ما ورد في الاثر .. ان رجل جاء لعمر بن الخطاب قاله انه طلق زوجته .. ساله عمر وليش طلقتها .. قال والله ما حبيتها .. قاله ومن قال ان الحب يبني بيوت ؟؟!! ... نعم الحب ما يبني بيوت .. لكن الحب تصنعه البيوت .. يصنعه الزواج .. تصنعه العشرة . |
كلام حلو ومنطقي ورائع ومنسق :) ,,, طرحك للموضوع منظم وكان في قضيه مهمه وحساسه , ياليت نشوف آراء الأعضاء في هذا الموضوع ,,, تحياتي لك ,,, |
khaled79 حبيب قلبي :- كلامك عسل ياعسل وكلة كوم وهذا الكلام كوم ثاني:- (اخي الكريم .. الزبدة .. الانسانة اللي بتحبها .. عشان فعلا تحبها .. لازم تعاشرها .. والعشرة ما تكون بالانترنت ولا بالتلفون ولا بالطلعات الاسبوعية او حتى اليومية .. العشرة تكون لما تتزوجها على سنة الله ورسوله .. ( صلى الله عليه وسلم ) .. لما تكون معك ليل ونهار .. تمر عليكم المواقف .. والظروف الصعبة .. والمشاكل .. الخ الخ الخ .. وتشوفها ثابته جنبك .. معك في الحلوة والمرة .. تتمسك بك يوم بعد يوم ... هنا ممكن تحبها ..) ياسلام أثر زواجنا من أول أفضل بكثير من زواج التالين وليس جميعهم الغالبية . والأحصائات موجودة عن الطلاق والعياذ بالله .... صح لسانك ياخالد ..... وماقصرت:cool: |
الاخ العزيز ابراهيم النجيدي شكرا على المجامله ، وياليت نشوف اراء الاخوه. الاخ العزيز J.A.J ياخي اسمك موسيقي وحلووقاعد افكر فيه ، هل هو جمال والا جاسم والا جلوي والا يوسف جازع والا جميل وانا اعتقد انه الاخير . بعدين بذمتك ، انت قريت الموضوع زين , انا اللي اعرفه انك ماتبدأ الا بعد الساعه 24 وش مصحيك بدري . كشفتك يا J.A.J انت تقول ياسلام أثر زواجنا من أول أفضل بكثير من زواج التالين ، اثرك شايب وانا مدري ياجدو. شكرا لك ياجدو جميل هههههههههههههههههها. |
تسلم حبيبي خالد روعه من روعاتك يالغالي مشكلتنا للأسف لم نفرق كلمة صديق عن زميل وهذه تضعنا دايم في مواقف صعبه العاطفه لدينا متقلبه ( حب بسره وأكره بسرعه) اي مع ظروف الموقف عمومآ كلامك جميل ومزيد من ألأبداعات |
الله يخليك يابوسليمان عاطفيين ، نعم لذلك تلاقي الواحد يزعل على شي بسيط وبحبة خشم يطيح الحطب وكأن ما شيء صار. النقد مهماكان هادفا يعتبر عداوه ، مشكله. |
هلا اخووي خالد موضووووووع حلو صديقك من صادقك لا من صدقك........والصديق ما بتعرفه الا اذا مر عليك موقف ووقف معاااك او في لحظات تكون محتاج فيه له يتواجد مب اللي يجيلك بس في الافراااح وينساك يوم تحتاج له والحب....... اعتقد ان ما في شاب من هالشباب اللي يكلم البنات يحبهن كله لعب وكلاام فاضي صدق نعطيهم شهادات احتراااف عليهم لساااااااااان ....معسوووووووول لحظه انا ما جربت والحمد لله بس اسمع واشوووووووف..... اصلا منو يرضا ان ام عياله ...تكون وحده طاعت تكلمه سواء على النت او في التلفوووون.....ما ادري هذا رايي واعتقد ان كل شاب سمع صوت اي بنيه ما فكر جد انه يتزوجهااااااا لا والاخس ان في بنات يعبووون هاللعبه...... فراااااااااااغ شو يسووووووووون فرااااااااااااااااااااغ والثقه مشكله ...يوم يكون الاهل واثقين من بناتهم... واهم شي الرقااابه وحيااك اخووي واسفه على التطويل |
موضوع شيق للغايه |
الاخت منيره كل الكلام اللي قلتيه صحيح ، الصديق هو اللي ينفع عند الحاجه وهو اللي يعينك عند الشدائد . اما الحب هالايام صار كله لعب بالعواطف ، من تحب ومن تخلي ، الحب له مقومات اذا لم تتوفر فليس بحبا . اما مسالة الثقه ، ابليس لعنه الله ضحك على امنا حواء واخرجها من الجنه رغم ان الله سبحانه وتعالى نهى ادم وحواء من الاقتراب بتلك الشجره , نحن بشر من لحم ودم ومشاعر وعواطف وايضا ضعفاء زد على ذلك ان ابليس شاطر والمغريات كثيره لذلك الثقه ربما تؤدي الى المهالك في بعض الاحيان لا سمح الله , فالثقه يجب ان لا تلهينا عن مسؤولياتنا واماناتنا فنندم عندما لا ينفع الندم . وشكرا على المداخله . اللاعب الموهوب شكرا لك . |
| الوقت المعتمد في المنتدى بتوقيت جرينتش +3.
الوقت الان » 02:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd