لا لتغير كالديرون

اتمنى ان الوسط الرياضي السعودي يتعامل مع هالحدث بعقلانية وروية بعيدا عن التسرع والعواطف.

مو حنا الوحيدين اللي نتعرض لمثل هذي الظروف.
هذي عندكم ايران على سبيل المثال. بحكم انها اقرب فريق لمنتخبنا من حيث تقارب المستوى و طريقة اللعب والظروف. دخلوا في البطولة Lg الدولية في طهران على ارضهم. ويومها سحق منتخب ايران الأول بنتايج مخزية من منتخبات مبتدئة مثل مقدونيا. ومع ذلك ماتغير مدربهم.

إنجلترا ايضا تعرضت لمثل هالظروف في تصفيات كأس العالم وانهزمت من ايرلندا -على ما أظن- بنتيجة اربعة اهداف وكادت انها تكون اكثر عطفا على اداء انجلترا السيء. وهو المنتخب اللي يضم لاعبين من أفضل نجوم العالم. وبرضوه ماتغير مدربهم.

ياجماعه أي مدرب في العالم معرض -زيه زي اللاعبين والإداريين والسياسيين ورجال الأعمال وكل البشر- إلى فترات يقل فيها مستواه وتجارب فاشلة (ومحطمة في بعض الأحيان). وللأسف ان حنا لازلنا نحكم على المدربين بالسلبية من أول إخفاق حتى لوكان حقق مع الفريق انجازات يحلم بها اي مدرب. وفي الوقت اللي تكون مغادرته جاهزة يكون المدرب الجديد في صالة الإستقبال!!

ومعه نبدأمن نقطة الصفر مرة أخرى:
طفرة بالجديد ووعود بالأنتصارات والإنجازات ومحو الصورة السابقة للمنتخب - تأسيس فريق من أول وجديد - تعرفه على اللاعبين ومهامهم المناسبة - تعويد اللاعبين على طريقة التدريب والفلسفة الجديدة(وطبعا مع نسيان طريقة المدرب القديم تماما) - ولا أنسى أسطوانة (ليش المدرب ما ضم هاللاعبين للمنتخب!!)

وفي الأخير يجي الأخفاق والفضيحة الكبرى! ونجي نطلع الفضايح و نعيد نفس الموال:
المدرب ماله تاريخ كروي - المدرب قاعد يجرب فينا - المدرب ماعنده إلا خطط داجة - التشكيلة اللي حطها دمار و لو انه اشرك اللاعب الفلاني كان ما انهزمنا

ومن ثم يصير حاله كحال غيرة ويسلم تذكرة المغادرة ونبدأ من الصفر مرة أخرى!!!

ياناس خلوا نتعلم من عمان!! شوفوهم خذوا ماتشلا -اللي حكم عليه كل الخليج بالفشل وحنا أولهم- وبدأوا معه خطوة خطوة. وصبروا عليه. وعطوه فرصة يكون فريق. وصبروا على اخفاقاته.
بس في الأخير طلع لهم منتخب ينافس على النهائيات. بعد ماكان في المركز الأخير لعقود من الزمن!!

وعلى العكس تماما. يوم جاء عند ناس متأثرين بالكابتن ماجد حق أفلام كرتون(يبون فريقهم يفوز في كل مباراة) بذل جهد كبير ووصلهم للنهائي. وعند الهزيمة الأولى قضبوه الباب!!!

أنا ما عندي مشكلة في انتقاد المدرب -سواء كالديرون أوغيره- بل بالعكس الإنتقاد راح يفتح للمدرب افاق وملاحظات قد تغيب عن باله. ولكن أن تجبر على المدرب تشكيلة معينة وخطط معينة وقرارات وتعطية مده بسيطة وتطالبه بإنه يصنع لك فريق و نجوم في ليلة وضحاها وأنت لاتدرك صعوبة مطالبك فتوقع الأخفاق مسبقا.

أبو عزيز أضم صوتي لصوتك .

عــــــــــــيــــــــــــــن الصواب...

يعطيكم العافية شباب الوطن
حقيقة فرحت من قلبي اننا فعلا نحكم بعقلنا و لا تحكمنا عاطفتنا
فكالديرون نجح ببلوغ المنتخب لكأس العالم ( و يا كثر اللي عجزوا )
كذلك قطع 80% من اعداد المنخب حسب الخطة الموضوعة حيث ابتداء من فبراير ( بعد 3 أسابيع ) سيعتمد على التشكيلة الرئيسية حسب تصريحاته المتكررة

اضم صوتي لصوتك




تحياتي....

لازم يتغير
وتأهل بلا هزيمة لان التصيفات سهلة
كوريا في اسوا حالتها
الكويت و أوزباكستان ضعاف مع احترامي
وشكرا

اضم صوتي لصووت الشباب و اقول ان كالديررون هو الانسب للمنتخب

أخوي واحد شبابي ....
ترى المجموعة الثانية فيها نفس المستوى.
هذي ايران قدمت مستويات باهته في بطولتها الأخيرة اللي على ارضها. وهذي غير المستوى اللي قدمة في التصفيات واللي أعتقد أن منتخبنا قدم ماهو أفضل منه بكثير. ودليل ذلك انه ما أستطاع التغلب على البحرين إلا في أواخر الشوط الثاني.
حتى اليابان انهزم من الإمارات في إحدى مبارياته الودية اللي خاضها استعدادا لمبارة ايران في مرحلة الأياب.

هل تقارن هؤلاء بمنتخب استطاع انه يتصدر مجموعته بدون أي هزيمة وبهدف وحيد في مرماه كاد ألا يكون لولا تدخل الدقائق الأخيرة؟

كوريا أعتقد ان مستواها متقارب مع اليابان. وحتى انها كانت باذلة كل جهدها عشان تنهي عقدة المنتخب السعودي في مباراة الأياب. ومع هذا أستطاع منتخبنا(الرديف)!!! انه يسيطر على المباراة ويفوز بها على أرض الخصم.
رغم الدفعة المعنوية من رغبة الأنتقام من الذهاب ورد سمعة المنتخب الكوري (رابع العالم) اللي تساند كوريا في ذلك القاء.

اوزبكستان كادت ان تتأهل عوضا عن البحرين لولا الملابسات اللي صاحبت تصفيات الملحق.

يمكن اتفق معك في ضعف المنتخب الكويتي. وأعتقد أنه لو ماتعرض للهزائم المحطمة منا ومن كوريا ممكن يون فيه كلام ثاني!!

ياجماعة كلنا ضد الاقالة

لكن لو نحسبها

اولا انا احمل المهزلة اللي حصلت لكالديرون والاتحاد السعودي في آن واحد ولعدة اسباب وهي

اولا كالديرون طلب انه يلعب بالفريق الاول بهالبطولة علشان يقف على الاستعدادات الاخيرة قبل المونديال ولكن لعيون

ابو البلاوي ولعيون فريق الوطن كما يزعمون اللي عندهم فريقين بدل الواحد واللي عندهم 6 محترفين بدل الثلاثه

اجبر كالديرون على ترك لاعبين الاتحاد يذهبون لناديهم الافريقي

وطبعا اذا فريقك ناقص 8 لعيبه ماراح تقدر تسوي انسجام بن اللعيبه الباقيين واللعيبه الجدد اللي بتظمهم وحتتلخبط الاوراق

وماتعرف من تلعب ومن تخلي

لذلك كالديرون رجع كل الفريق الاساسي واستعان بالرديف لكي يختار الاحتياط للاساسي

ولحد يقلي الاتحاد يمثل الوطن ومش عارف ايش ترا حده مباراتين وينصك ويرجع ولا كان سوى شي

اذا الاتحاد السعودي يتحمل هذا الجانب


اما عن كالديرون فانا احمله الجانب الفني

يعني يا كالديرون انهزمت من العراق بالخمسه وشفت كيف مستواهم وكيف طريقة لعبهم يعني معقولة ماقريتهم جيدا

المدرب المفروض انه يستفيد من اخطائه ويعدلها لكن كالدرون ما استفاد وزاد الطين بله بالمباراة اليوم ولعب العنبر لحاله

اللي توه راجع من اصابة وخلا 5 هجوم بره ولا منزلي وليد عبدربه ظهير ايسر وعنده الخيبري بره وكامل الموسى

باختصار مايعيب كالديرون انه مايعرف يقرا الخصم جيدا

المهم الان ان يأتي الاتحاد السعودي بمدرب ممتاز مثل يوردنسكو او باكيتا مع بقائهم لتدريب ناديهم

انـــا مــعــــك

لاتغيير للمدرب
ولكن
تغيير للفكر
تغيير للتدخلات
تغيير للمحاباة
تغيير للمجاملات
باختصار

هالمره ياسمو الامير سلطان لاتغيّر المدرب ولكن نبي منك مفاجأه وهي تقديمك استقالتك

واستقاله نائبك الامير نواف ،،،، وشكراً لكم واتاحة الفرصه لدماء جديده عمل إيجابي ومحمود

تحياتي

اختلف معك ابو عزيز

*****الثمانيه من المانيا افضل من خمسه من ....!!!!!!

**** ليس كل تفوق يرجع الى المدرب ....