نادي الهلال السعودي - شبكة الزعيم - الموقع الرسمي - ماعليكم من يوسف الثنيان أهم شيء فالنسيا أبيكم تشجعون فالنسيا

السلام عليكم ورحمه الله وبركاته

أولا جميع الهلالين حزينين أشد الحزن على فراق النجم أبويعقوب النمر يوسف الثنيان واااه يايوسف

الي ماجا قبلك ولاراح يجي بعدك يملي عيونا أفضل موهبه عربيه وآسيويه وكلنا مشتاقين لمباراه الوداع

إعتزال الرائع أبويعقوب والله أني ماني مصدق أنه بيودع الملاعب يوم شفته يتدرب مع الهلال إستعداد لحفل الإعتزال

كان ودي أنه الجمهور والإداره تجبر يوسف أنه يلعب من جديد على الأقل سنه واحده عشان نشبع منه لكن اللاعبين

من نوعيه الثنيان لويلعب مليون سنه ما نشبع منه لكن هذه هي حال الدنيا وللأسف إعتزال الثنيان راح يكون آخر

حلقه من مسلسل ابداعات ابويعقوب الي سطرها لنا على مدى سنين وللأسف نهايه المسلسل راح تكون حزينه جدا

وهي وداع النجم يوسف الثنيان الي خلى للرقم15 معنى في كره القدم وأنا متأكد أنه في يوم الإعتزال راح نشوف

حالات بكاء بين الجماهير وماأستبعد أنه أنا راح أكون أولهم لأنه إلى الان محنا مصدقين أننا بنودع أبويعقوب

وتوقعي أيضا أنه الثنيان نفسه راح تدمع عيونه في يوم الإعتزال وتذكروا هذه التوقع وقولوا أنه الأسد الهلالي15

هو أول من قالها وأتمنى للي متعودين يدخلون الملعب ببلاش وهم كثر أنهم يدفعون قيمه التذاكر زيهم زي غيرهم

لأنه الفلوس في النهايه بتدخل في حساب أبويعقوب وأنا عن نفسي بإذن الله بدفع 600 ريال تذكره منصه لأنه

كأني عطيت هالفلوس لأبويعقوب يد بيد ولا أنتم شايفينها كثيره عليه وأنا ماأقول بدخل المنصه عشان أعلمكم أني

داخل المنصه لكن بعلمكم أني بدفع أعلى سعر ليوسف ومني مستخسرها فيه وااه يايوسف وكنت أتمنى أنهم يغلون

التذاكر أكثر من كذا بالنسبه لدرجه أولى عاديه ولدرجه الممتازه .

بغيت أحط لكم أغنيه لحسن الأسمر أغنيه حزينه عشان تبكون خخخخخخ لكن قلت خلاص الي فيكو كافيكو .

المهم بالنسبه لعنوان الموضوع أنا كتبت هذه الموضوع عشان أجذب أكبر عدد ممكن وأحب أقولكم أنه فالنسيا جاي

بكامل نجومه وأكيد الصحافه الأسبانيه بتكتب عن الإعتزال لذا أتمنى منكم أنكم تحيون فالنسيا وتشجعونهم عشان

تعكسون الصوره الطيبه عن الشباب السعودي ونحسن صورتنا أمامهم ومايمنع أنكم تهتفون لفالنسيا دقيقه أو دقيقتين

ماراح تأثر فيكم بل بالعكس راح يحبونكم وتختزن في ذاكرتهم هذه اللحظات الحلوه وفي النهايه

أعذروني على الإطاله وعلى عنوان الموضوع المستفز .