جعلتنا اضحوكة على السنة العالم ايها المنتخب !!!
 

قبل دقائق انتهت مباراة المنتخب السعودي (الرديف على قولت الصحافة السعودية) مع المنتخب العراقي بنتيجة كبيرة قوامها خمسة اهداف مقابل هدف واحد طبعا لصالح المنتخب العراقي - وذلك ضمن المشاركة في تصفيات غرب اسيا...

للاسف هذي مهزلة كروية - دائم يخسر المنتخب السعودي بثمانية وخمسة وستة - والجميع لا يحرك ساكن

اذا لم تكن على اتم الاستعداد فلماذا تشارك؟
واذا شاركت لماذا لا تقدم مستوى مشرف؟

نحن على ابواب كاس العالم والنتائج مضمون كالعادة (طبعا نص درزن اقل شي بناكله في كاس العالم)

المنتخب العراقي يكشف حال المنتخب السعودي...
لا احد يقول ان المنتخب العراقي قوي ليس هذا عذر فالعراق يمر بظروف قاسية جدا والجميع يعرفها - لاعبي المنتخب السعودي محترفين وجميعهم يلعب اساسي في ناديه ...

لعب المنتخب السعودي اليوم بتشكيلة مكونه من /
عساف القرني (كحارس مرمى) والجميع يعرف ماذا فعل هذا الحارس قبل سنتين عندما اعتذر بوفاة اخيه لكي لا يشارك في مباراة المكسيك في بطولة العالم للشباب والتي اقيمت انذاك في الامارات!!!!!!!! واليوم نراه يحرس عرين المنتخب السعودي
يا للاسف - انه عار على الكرة السعودية - لم يعد في الملاعب سعودية حارس مرمى .... طيب وين محمد خوجة؟؟!!!!!! طيب وين عدنان السلمان؟؟!!!!
هناك حراس افضل منه - لكن لا ادري من هو الذي يختار تشكيلة المنتخب السعودي (الرديف) اريد ان اعرف من هو ؟!!!
هل هو سلطان ابن فهد ؟؟؟!!!!! ام نواف ابن فيصل ؟؟؟؟!!!!! ام كالديرون؟؟؟!!!!!!!
بصراحة مهزلة

ننظر الى خط الدفاع مكون من كامل موسى /وليد عبدربه/نايف القاضي/احمد البحري
طبعا النتيجة معروفه والله العظيم يا جماعة الخير لو فيه ناس تفهم كوره ما يكونون اساسيين في انديتهم مكانهم طبعا التنسيق ولا غير التنسيق؟!!!
كامل موسى في الوحدة ولا يقدم شي....
وليد عبدربه... لاعب معروف للجميع... خشن من الطراز الفريد.... سيقانه طوال ومن السهل تسحبه.... لا يفهم شي في الكوره... صديق للبطاقات الحمراء.... دائم يختار المفاصل للمنافس

نايف القاضي... لاعب خلوق لكن ما احترامي له ليس مكانه الاهلي... يكفي انه نقطة ضعف في ناديه الاهلي ويا وليد عبدربه...

احمد البحري... لا تعليق ومعها علامة استفهام... لازال يصر كالديرون على ان يلعب هذا اللاعب ظهير ايمن.... يا جماعة الخير والله العظيم ما ينفع هذا اللاعب ظهير ايمن.... يا مسؤولين تدخلوا؟؟؟ وينكم !!!!!!!!
اعيدوا احمد الدوخي.... نريد احمد الدوخي في كاس العالم لو يتدخل سلطان ابن فهد في التشكيلة لكن لا نريد مهزلة كروية

دفاع المنتخب للاسف كان شوارع .... ليس شوارع فقط وانما شوارع باضاءه يعني تقدر تسجل وانت مرتاح ايها الخصم

اما الوسط اليوم فلم يكن في الفورمه... سعد العبود كان ثقيل...لم يمرر ولا كورة
خالد عزيز.... لم يكن في مستواه....
صاحب العبدالله.... لا تعليق... كان غائب
تيسير الجاسم.... للاسف مكان ليس المنتخب

يا جماعة الخير.... الحسرة علينا يا جماهير السعودية...

لابد من تدخل المسؤولين.... لابد من تغير افراد المنتخب السعودي.... لابد من تدخل المسؤولين ....لابد من اقالة كالديرون....

المنتخب السعودي صار اضحوكة على السنة العالم.... والنتيجة دائم ثلاثة الى خمسة الى ثمانية وبكرة يمكن تكون نص درزن

والخافي اعظم

:icon13:

احمد الدوخي وحسين عبدالغني لازم يرجعو للمتخب لو بامر من سلطان بن فهد

ماني مصدق خمسه افاااااااااااااااا

باقي الهجوم ليه ماتكلمت عنهم ؟؟؟؟؟؟؟

تبي الصدق مامثلهم في المباراة الاوله بس عناد كلدرون وغير التشكيله كله
وهذا هو السبب
والمنتخب العراقي جميع من سن الشباب وكلهم كبار السن مقارنه بالمنخب السعودي الي مخلي البطوله هذي مجرد استعداد للرديف واكتشاف الافضليه لأنه معطى الصلاحيه التامه
وليه توك تتلكم عن المنتخب وينك قبل يوم تصفيات كاس العالم
او يوم شفت الخساره الكبيره جيت تتلكم
والله انكم بس تبي تكتبون مواضيع على الفاضي بس احسن شيء انك تكلمت عن المنتخب وماتكلمت عن الهلال

المشكلة ليست في اللاعبين وانما في اختيارهم ولو نلاحظ نجد ان هناك الكثير ممن لم يتم اختيارهم رغم انهم افضل بكثير من الموجودين

ترا على فكره الجوووووهر الملقوووف
هو اللي دايم يضع المنتخب بورطه
وماخذين دفاع الاهلي على انه اضعف دفاع في الدوووري ولكن؟؟؟؟؟؟؟؟؟؟؟

اللـــــــــه يستر من المانيا

(( عبدربه....كامل موسى )) فاشلييييين

احمد الدوخي على هبوط مستواه الا انه افضل من بحري بصراحة (( الخبرة ايضا لها دور ))

الهجوم لا يصلح بهذي الطريقة الفوضوية (( عنبر كويكبي صويلح و محياني ))

ماذا يريد كالديرون من اكتشاف المواهب ؟؟

خلاص ما عاد بدري<<<<<<<< قلت لي وش تحرى.............هههههه

للاسف الهجوم كلها وجوه شابه.......كل واحد يبي يفرض نفسه....عندنا ياسر وسامي...هم الافضل والاجدر

يعني البديل معروف..........(( حارثي او عنبر )) فقط

الحراسة..........جدا جدا معيوبة

ليش ما يجيب خوجة على الاقل بما انه احتمال كبير يشارك في كاس العالم كبديل لمبروك

يجيب جبلي افضل بمليون مرة <<<<<< الله يقومه بالسلامة

الى الان وانا يدي على قلبي

لكن اذا تذكرت انه سامي و ياسر و شلهوب و منتشري ومبروك (( لسى ما لعبوا مع بعض ))

يبقى الامل عندي كبير


تحياتي

أقول مصدقين انت ويه إنهم بيلعبون الرديف في المانيا
وين سامي وياسر والشلهوب سعود كريري مناف ابو شقير رضا تكر حمد المنتشري الدعيع
هذا المنتخب الي بيلعب في ألمانيا

المنتخب السعودي ما خذها على سبيل تجريب اكبر عدد من اللأعبين .


لـــــــــــــــــــــــــــــــــــــــــــيش مـــــــــــــــــــــــــــــــــا زعلين أنفسكم ...................................

شباب هدو
والحمد لله جات الحين
علشان يتدارك المسؤولين الموقف
بدلا من كاس العالم

النتيجة سوف تكتب بالتاريخ

5/1

يريد تجريب اللاعبين يجرب
يريد إكتشاف مواهب يكتشف



لكن لا يلعب في تاريخ منتخبنا.

ليش الوضع عاجبك
والهزيمة بخمسة عاجبتك

يكون في علمك بان المنتخب جميع لاعبينه محترفين فمالهم عذر

مشكلتنا نجامل ونحاول نخفي عيوبنا

ليش ما نكتب ونقول نبي محمد نور واحمد الدوخي وحسين عبدالغني ؟
اما تيسير الجاسم واحمد البحري وكامل موسى افضل منهم ؟!!!!

هناك لاعبين لم يتم اختيارهم للمنتخب الرديف افضل بمليون مره من الاسماء المستهلكه...
الحراس عساف و الحربي هناك من هم اجدر بشعار المنتخب منهم كخوجه ..
و الدفاع بقيادة جزارين الاهلي عبدربه و القاضي والله ما يستاهلون منتخب رديف الرديف ..
ليش ما جرب الدوخي و عبد الغني و الغنام و عطيف اخوان ..
و ختى لو كان عذرنا انه منتخب رديف فهل من المعقول ان نتلفى هزيمه كاسحه بالخمسه من منتخب يمر بظروف قاسيه و حرب لايعلم بحالها الا الله عكس لاعبينا المحترفين و المهيأ لهم جميع سبل الراحه...
والله فشيله يا عالم
اتمنى تدارك الوضع قبل المانيا ترى اذا اكلنا 5 من العراق كم بيعطونا البرازيل؟؟

أنا مستغرب المدرب يزج بنواف في الشوط الثاني عشان يحرقه والا يصاب
ماكنت اتمنى أرى نواف والعنبروسط هذي المهزله الكالدرونيه!!!!!!!!!!!