مساء الخيــــــــــــــــر.........!!!؟< استبيان اكتروني >
 

احبتي الغاليين...........محبي الزعيم...وعشاقه.................:
الحقيقه..وقبل ماكتب الموضوع...كان يتبادر الى ذهني هذا السؤال...
فاحببت ان اشرككم فيه...
وايضا..ليصبح كتحقيق اكتروني...بيننا كاعضاء منتسبن لهذه الشبكه الغاليه...

والسؤال هو:
ماهي مدة اشتركك في الانترنت..؟؟وهل تفضل الاشتراك الشهري او السنوي؟؟

طبعا اهمية السؤال..:
هي من اجل ان نعرف..مدى تعلق الاعضاء بهذه الشبكه..
وهل الاشتراك..وقيمة الفواتير الهاتفيه تقف عائقا...
خصوصا ونحن نفتقد لكثير من الاعضاء..ونتشرف باعضاء اخرون..
ومن هذا المنطلق..كان السؤال..
امل المشاركه من الجميع..مع ذكر الاسباب.
وتقبلو تحياتي.

والله ازين شئ
انك تشترك 6 شهور والا سنه
قلي ليشاذا اشتركت شهر واحد بتدمن عليه وبيعجبك
وبتشترك شهر ثاني مدته شهر
علشان تتاكد انه زين وبتلاحظ انه زين
وبتشترك مره ثالثه وعلى كذا
وبدال ما تسوي كذا
ازين لك تشترك 6 شهور والا سنه
هذا من ناحيتي

والله انا ما كملت 6 شهور مشترك
والى الان أفضل الاشتراك الشهري
لاني كل شهر آخذ اشتراك غير
عشان اعرف وش الزين والشين من مقدمي الخدمة
وبالنسبة للفاتورة ما اقول الا الله يعين
اوووووه
نسيت اقولكم شي
بالنسبه ل اول نت عندهم ميزة ماهي موجوده عند غيرهم
وهي انك تقدر توقف اشتراكك
مع ملاحظة ان ايقاف الاشتراك يجب الا تقل مدته عن اسبوعين
ولا تزيد عن شهر ولا تقدر ترجع الاشتراك قبل انتهاء المدة اللي انت محددها

انا عني افضل الاشتراك الشهري .. لانه مهوب على كل حال اكون موجوده الشهر اللي بعده عند النت يمكن اسافر او شيء وبكذا راح يروح عني ..
او يمكن احصل اشتراك مجاني من دعايه اوشي .. لازم استفيد منه ..
او افاجأ انها رخصت الاشتراكات( ولا في الاحلام) ..
اضمن كل شهر باشتراكه .. مهوب ضارني ..

اما الفاتوره الله يخلي لي اللي يسددها .. ماادري عنها بس اظنها تجي واجده ..:) :)

أنا أفضّل....‍‍‍‍؟؟؟؟؟
 

مساء الخير جميعا.....


بصراحه أنا أفضّل الإشتراك الشهري المفتوح ويكون أكثر من شهر،،،،،،،

واشتراكي الأخير مدته 3 شهور .

وقيمة الفواتير ما أدري عنها بس إن شاء الله ماتكون كثيره و إن شاء الله

ماتكون عائق لي ، أما من ناحية التعلّق بشبكة الزعيم لاتوصي حريص فأنا

إذا مادخلت على الموقع ماأحس إني داخله الأنترنت ...

وبأذكر لكم شي يتعلق بهذا الموضوع ( أنا أول ماتعلمت على الأنترنت كان

أول موقع دخلته هو - الموقع التجريبي لنادي الهلال - ).


وشكرا لك أخي ( محترف توقعات ) على طرح هذا الموضوع الشيّق....


HAIUF



:)

السلام عليكم ..
 

انا من ناحيتي الاشتراك الشهري... لانه يمكن ترخص الاشتراكات مع اني ماوثقت... والشيء الثاني يمكن اني مااكون متواجد عند النت

...والفاتورة الله يعين








عاشق الليل

انا هذا رأيي
 

بصراحة انا ماشلت هم الاشتراك نهائيا ولله الحمد لاني لدي اشتراك مجاني مفتوح مدى الحياة وهو من احد اقاربي ويعمل دكتور بالمستشفى العسكري وكما تعلمون ان جميع الاطباء في المملكة يمنحون اشتراك مدى الحياة مجاني من وزارة الصحة حتى يستطيعوا الوصول الى اي شيء في مجال الطب يبتكر لكن قريبي هذا ماعنده كمبيوتر الحمدلله ولا كان يبلشنا بالاشتراك لكن هو ملتزم ولايحب الكمبيوتر ولكن فيه ميزة وهي ان هذا الاشتراك لايقبل اي برنامج من برامج المحادثة مثل الميكروسوفت شات والميرسي والاي سي كيو والياهو تشات ولكن استطعت بفضل احد الزملاء ان اجعله يقبل برامج المحادثة لاني مهتم جدا بالماسنجر هوتميل اما الفاتورة فالله يهونها بس الشكوى لله من اجل الزعيمومن اجلكم كل شي يهون .
وعلى فكرة ترى هذا هو السبب اللي مخلي الحبحر الحار يغثك ويخليك تواصل اربع وعشرين ساعة يا أخ ابراهيم النجيدي يومك تقول ماعرفت المواصل الا يوم طب علينا الحبحر يعني مافيه امل ينتهي الاشتراك الاّ ان يشاء الله . والله يعينك اجل

الاسير الهلالي - الرس

هلا والله بالشباب :

انا عندي اشتراك سنوي , والحمد لله مرتاح فيه مرة .


اما الفاتورة فالله يهونها علينا وترحمنا الاتصالات شوي .

انا إشتراكي شهري
علشان كل شهر اغير من شركه إلي شركه جديده

بالنسبة لي اتعامل مع البطاقات واخذها على الساعات وفي ظني انها افضل من الاشتراكات السنوية والشهرية

هلا
 

اخواني الغاليين..........محبي الزعيم وعشاقه.............:
الف شكر على مشاركتكم...ولكن احببت التركيز على نقطة...هل اشتراكك الشهري او السنوي..وقيمة الفواتير الهاتفيه...لها تاثير..من خلال تواصلك والعكس مع شبكة الزعيم..

امل ان يدلو كل عضو بدلوه...
وماهي مشاكله...وضروفه...وعوائقه...
مع تحياتي للجميع...لحسن مداخلتكم...وتجاوبكم...