|
ونظـل نعاني من جمهور المباراة الواحدة وسابك والمواشي بسم الله الرحمن الرحيم جمهور الهلال السلام عليكم ورحمة الله وبركاته انتهت المباراة والنتيجة 1-1 افراح نصراوية واحزان هلالية والسبب تعادل اراء متعصبة من جماهير الهلال على لعيبتها والسبب مباراة ثلاث نقاط قبل المباراة الجميع كان يقول انها مجرد ثلاث نقاط ويوم انتهت اشوف ناس تتحسر كانها نهائي قبل المباراة البعض متحمس للذهاب وبعد المباراة اشوف ناس تحسفت على الروحة قبل المباراة البعض يتغنى بياسر واللاعبين وبعد المباراة ثلاث ارباع اللاعبين سيئيين بنظرهم ان لم يكونوا كلهم وكل هذا بعد مباراة واحدة وكل هذا بسبب مباراة ثلاث نقاط وكل هذا بسبب تعادل ليش يا جمهور الهلال الاصيل ليش يا جمهور الذهب هل الفريق هو السبب لانه عودكم على الفوز دايم؟؟ هل السبب انكم فزتوا في خماسية العام الماضي ؟؟ هل السبب انكم متصدرين الدوري ؟؟ او السبب ان بعضكم صار مشجع المباراة الواحدة؟؟ او انكم تاثرتوا بمبدا ان مباراة النصر هي كل شي مثل البعض؟؟ ام انكم تحسدون النصر على تعادل ؟؟ دائما ما يعاني الهلال من مشجعين المباراة الواحدة ودائما ما نستفيد من الهزيمة في معرفة اخطاء الفريق ومعرفة بعض الاسماء التي تتواجد بالمنتدى بستار حب الهلال وهي والله حاقدة كل الحقد والعياذ بالله جمهور الهلال العظيم جمهور الفوز الدائم لا تحسدون فريق النصر الذي فرح بنقطة منكم بالعكس تمنوا لهم الخير اما فريقكم فقفوا مع لاعبيكم وانتقدوا البعض بنقد بناء في هالمباراة لم يظهر البعض بمستواهم المعروف ولكن انظروا لعمر الغامدي كان من افضل اللاعبين رغم الانتقادات الدائمة التي يواجهها كماتشو الذي كان لاعب الحسم العام الماضي لم يظهر بنصف مستواه حتى ولكن لن نزيد على هالكلام اتمنى ان لا نعطي الفرحين بالتعادل مكانا بيننا بكثر فتح المواضيع واتمنى ان نكون عونا للفريق لا حملا عليه وكانكم يا جمهور الهلال في صالة الاسهم وترون سهم سابك ثابت في مكانه او نزل ريالين وتحسدون اهل المواشي لانه ارتفع عشرة ريال الي بيشجع الهلال لاجل مباراة يوقف مكانه والي مع الهلال دايم الدوم فاهلا به واذا اتتك الاسئلة من جماهير الفرح بالتعادل قله الوعد قدااااااااام فالبعض منهم يتوهم انه لو كان النصر مكتمل سيفوز ولكن صدقوني هذا هو الهلال عندما تلعب الفرق مكتملة الصفوف امامه فهور يفوز ويضرب بقوة اما عند النقص فهو يتعادل او يفوز بفارق هدف فزنا على الوحدة 2_1 وفزنا على الاهلي 4_1 ذنبنا اننا نشجع فريقا لا يظهر الا امام الكبار وارجع واقول الوعد قدااااااااااااااام دمتم |
ارحب في أخوي بيننا بما انها اول مشاركة لك في الشبكة :) وفعلاً كلامك صحيح .. لكن إن شاء الله ما يتأثر الفريق .. لأنها مباراة عادية مثلها مثل غيرها .. ونقطة افضل من لاشيء .. وأتمنى يكون الحضور الجماهيري دائماً كما شاهدناه اليوم .. |
اشكرك اخوي هلالي جداا وواضح ان لك من اسمك نصيب كبير وما شاء الله عليك ركزت على انها اول مشاركة وصدتها رغم ان بعض الناس الله يهديه هالوقت ما يركز الا على فتح موضوع جديد اتمنى يجي اليوم الي اوصل لعدد مشاركاتك ما شاءالله ومشكور مره ثانية على المرور |
يبن الحلال ازعجونا بعض ذا البزارين يقولون معاد حنا جايين تكفون يا اعضاء الشرف ولا النجوم القداما المشكله انهم يبون الفريق يفوز في جميع مبارياته كلها لو المساله كذا كان محد ناظر الكوره الله يهديهم بس رساله للدردعه حقوي والله انه ماعزك الا الهلال |
هلا بك اخوي the secrt و ماعليك هي مجرد ردة فعل لكن نتمنى انها ما تطول وننظر لما هو امام ومشكور على المرور |
الله يعطيك العافيه على هالموضوع الرائع حقيقة ... بالفعل استغرب من بعض الجماهير مهاجمتها للفريق بعد كل تعادل أو خسارة وكأنهم لا يعلمون بأن كرة القدم فوز وخسارة وتعادل وإنه لا يوجد فريق على وجه الكرة الأرضية لم يخسر أو يتعادل !!! يا أخواني رجاء لا تثقلوا على الفريق فهو يمشي للأمام وبخطى ثابته وتعادله اليوم لم يسلب منه الصدارة .. صدقوني بأن هذه المباراة ستكون كالدواء المنشط للفريق لكي يعود لقوته وعنفوانه ويلحق بالاتحاد ومن بعده الشباب الخسارة ... الهلال والنصر مباراة لا تعترف بالنجوم ولا الترتيب ولا المستوى بل هي مباراة أعصاب وروح ومعنويات عالية وقد افتقد الهلال في هذه المباراة إلى الروح فقط !!! افتقدنا عزيز والتمياط اليوم .. ولك كل الشكر والتقدير أخوي مناجي الهلال .. فقد كتبت وأبدعت .. شكراً لك |
صدق جمهور بعضهم بزران وش مانبي نجي حركه مراهقه -> هخخ الف شكر لك على الموضوع |
عيوني زرقا يا هلا والله بدار زايد واهلها وصدقت بعض الجمهور ما يرضى الا بالفوز للاسف والهلال تعود الظهور امام الكبار والدليل خذ هالنتايج الهلال والقادسية فاز الهلال 1_0 هدف في اخر دقيقه الهلال _ والحزم فاز الهلال 2_1 الهلال و الوحدة 2_1 الهلال والنصر 1_1 لكن شف امام الاهلي 4_1 مانبي لوم زايد على اللاعبين لان النصر يلعب بعشرة مدافعين ومشكور على المرور سفيرة نبضات اهنيك على اختيار الاسم ومشكورة على المرور |
انا مالووم اللي يزعلوون للتعادل لان فعلا الهلال تعودنا على بطولاته والتعادل ولاشي قداام الهلال وبعديين وش دخلكم بالبزارين خليهم لاعاديجوون يخففون عليكم الملعب ههههههههههههههههه تحياتي |
| الوقت المعتمد في المنتدى بتوقيت جرينتش +3.
الوقت الان » 11:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd