أنا أشوف المجلس العام هاجد هاليومين أثاراي الحبحور غايب؟؟؟؟؟الله يرجعه بالسلامه إن شاء الله... ويعطيه الصحه والعافيه.....

وإنت ياالأسير الهلالي ...الله يحييك وبإنتظار مشاركاتك,,,,,وتقبل تحياتي

مشكورين ياخوان الله يعطيكم العافية
اخي سلمان 999999999999 ......الخ الله يعطيك العافية على ترحيبك الساخن . وبصراحة كنت شايل على النجيدي من رده لكن لما رجعت لمواضيع الاخ الحبحر الحار غرفت ليش كل الحب هذا بينهم (وااااااااااضح جدا) لكن ولايهمك دواه عندي اذا غاب الحبحر فيه من يسد مكانه .

اخي ابو ذكرى انشالله ماتفقد غالي ولا عزيز وكان انك تحس ان المنتدى راكد ابشر باللي يرجه لك بس بصراحة انا مستحي الان توني جديد بس اصبر الى ان اتعود وابشر بالرجة والعلم السنع لاني سبق وسويت فيها باحد المنتديات ولادريت الا وانا مشيووووووووت بوز برا المنتدى ومعي شهادة مكتوب عليها هذا وانت بلح وشلون اذا صلح وعقبها طلع لي قلب اركد شوي الى ان اعرف اللي داخلين واللي طالعين وبعدها يكون خير ولايهمك .

مشكورين من كل قلبي على تفاعلكم وردودكم وبصراحة احس اني اباطنش منتدى القصمان والاقلاع علشان اتفضى لكم اذا مايزعجكم يعني.
بس اخاف نقولون الله يحلل الحبحر عند اخوه ونصير مثل الحجاج وولده .


الاسير الهلالي - الرس

حياك الله اخوي الاسير الهلالي بين اخوانك واهلك
وانشالله يرجع حبحوري الغالي على قلبي بالسلامه

وترا مشتاقين له ولسواليفه

وخذ راحتك اخوي الاسير رج المنتدى زي ما تبي

وترا مافي حيا بين الهلاليين انت بين اخوانك وربعك

وياريت تطمني اول باول عن حبحوري ترا قلبي عليه

اخي الأسير الهلالي

اشكرك الف شكر على البريد ... وأن شاء الله تطمنا عن الأخ العزيز/ الحبحر الحار

في هذا المنتدى لك الشكر ياغالي .

كم انا سعيد جدآ بأنضمامك لهذا المنتدى الرائع ياغالي

أخوك

اخوي الاسير


يا هلا والله فيك انا اعتب عليك والله




اخو الحبحر وتوك تسجل عندنا انت مفروض من زمان ويانا وتشاركنا البطولات اجل تشترك في منتديات وتوك تشترك بالزعيم بس شكلك مسجل من زمان بس كثره الاعضاء هي اللي اخرت تفعيل اشتراكك ياهلا فيك مره ثانيه وسلملي على الحبحبر مع تمنياتي له بالشفاء والسلامه بعد العمليه اللي يمكن الحين جالس يعطونه البنج (الساعه الحين 12 الظهر يوم الخميس تاكد متى العمليه) والله يقومه بالعافيه ،،



وسلامتك يالغالي

مشكورين وماقصرتوا وانشالله اني اعطيكم اخباره اول باول وانت ياخي J.A.J يعلم الله اني احببتك من كل قلبي وجزاك الله خير وبالنسبة للبريد هذا حق وواجب لك وللجميع
اما الاخ ساري القمرة ماقصرت وكثر الله من امثالك المخلصين الاوفياء

اما الاخ هاجس يعلم الله اني كنت اتمنى الاشتراك بالمنتدى لكن لاني كنت مشترك بمنتدى القصمان ومن زمان تعلقت فيه والان جالس انس وضعي بين المنتديين بالذات اما البقية فاشتراكي بها قليييييل جدا وانشالله اني اتفرغ لمنتدى الزعيم قد ما استطيع
وجزاك الله خير وماقصرت

بالنسبة للاخ الغالي والعزيز الحبحر الحار اليوم انشالله يسوون له العمليه واتمنى له من كل قلبي الشفاء العاجل والعود الحميد ولو من شان والدته الله يكون بعونها ويصبرها الى ان يعود
واذا سوى العملية اعطيكم الاخبار لاني بصراحة ماعرف توقيتهم هناك كيف لكن هو عمليته اليوم .


الاسير الهلالي - الرس

حياك الله اخوي وانا ودي اقلط معك لان الحال من بعضه.

يا هلا والله بالاسير الهلالي

ويا هلا بك بين اخوانك .

وش اخبار حبحور والله مشتاقين له .

الله يرده سالم غانم وان شاء الله تنجح العمليه .