مبروك , هل اقتنع الجميع ان كماتشو رئة الفريق
 

السلام عليكم .
مبروك لجميع الزعماء هذا الأنتصار الصريح بالاربعه ومع الرأفه , مستوى رائع من جميع اللاعبين على المستوى الفردي والجماعي ... الهلال تراخى بعد أن سجل الهدف الثالث والا كان بامكانه يجعلها تاريخية في الأهلي لكن الحمد لله على كل حال , ومن فوز الى فوز والقمة لاتتسع الا للزعيم .
الدعيع ---- مبدع .
تفاريس .... امبراطور .
الخثران .... ظهير عصري .( هجوم ودفاع عيني عليك بارده ) .
كماتشو .... رئة الفريق التي يتنفس بها .
الغامدي .... الكوماندوز الهلالي .
القحطاني .... ماقصرت, لكن لازلنا ننتظر الكثير .
جيلسون ..... لاعب خارق وسيكون له كلمة في المستقبل القريب .
الشلهوب .... صانع الانتصار .
التمياط .... نجم في الأخلاق واتمنى ان يعود لمستواه فمازال بعيد عن المامول .

أما كماتشو..

فيه ميزة ... اول مرة اشوفها بلاعب كرة قدم

وهي انه بارد باللعب بشكل غير طبيعي..

كماتشو ياخي بارد بقووووووه وبعدين ياخي هو ما قصر اليوم صح .. لكن مب طموحنا انه يلعب مباراة ويقلقنا عشر .. والمدرب المشكله ما فيه أمل يغيره هذا اللي خلاه يتراخى في اللعب ..

والله كماتشوا اضاع هدف ماكد لو اي لاعب سجله

نتمنى سرعان تدارك الوضع وتقسيم المباريات على التمياط وكماتشو

اعتقد ان كماتشو ياتي كافضل ممول وموزع للعب بعد لاعب الاتحاد تشيكو

متى ما كان في الفورمه كماتشو تاكد انه بيمول كور كثيره

برضوه كماتشو يحتاج لواحد مثل الشلهوب يلعب معه

نجوم الزعيم اليوم بدعو بدعو بدعو وخصوصا الغامدي اليوم غيييييييييييييييييييييير ولاننسىياسر امتعنا بالاهداف الجميله وطبعا الشلهوب الموهوب اللي صنع تقريبا كل الاهداف والدعيع مشالله كل يوم يثبت انه الافضل وكماتشو فنااااان بكل ماتحمله الكلمه من معنى بدع اليوم واحلى شي فيه برودته في الملعب لانها تنرفز اللاعب اللي قدامه والخثران وااااااااااو احسن ظهير ايسر والياس لااله الاالله حارث الملعب طول بعرض وقلب الدفاع ممتاز بوجود المقاتل المفرج والطويلان تفاريس واتمنى ان نواف يلعب من البدايه عشان يمتعنا اكثر واكثر وبالتوفيق للزعيم بالمباراة الجايه قدام النثر

الحمد الله على كل حال

مبرووووووووك

كماتشو انا ضد تبجيله بشكل غير طبيعي وضد تقريع مستواه بشكل غير طبيعي

كماتشو عندما يكون في الفورمة يصبح واحد من اهم ركائز الفريق لكن هذا لا يعني انه يوجد مباريات لا يبذل فيها المجهود اللازم اذا اللاعب قدم مباراة جيدة نمدحه واذا قدم مباراة سيئة اكيد ما راح نمدحه

المشكلة ليست في انخفاض مستوى كماتشو يعني شوف جيلسون اليوم ما كان نفس مستوى الوحدة بس على الاقل يتحرك يجتهد ويحاول تحس نفسه يخدم الفريق اما كماتشو لما يكون خارج الفورمة تشوفه لاعب بارد يمرر بدون تركيز وفوق هذا يحتكر الكرة ويقتل الهجمات وشوف اليوم ما حد يقدر يتكلم على كماتشو لانه قدم مستوى جيد واقنع بغض النظر عن الهدفين فالاهداف توفيق من رب العالمين

ولا تنسى ايضا دور الشلهوب والغامدي والبرقان وتحركات ياسر والخثران ناهيك عن تالق الاسد الدعيع والمفرج


يمكن اللاعب الوحيد الي كان خارج الفورمة هو تفاريس

كان شارع شوي واكل العديد من الكباري