ياهلال أنت وينك من زمـان ؟؟ + نقاط سريعه وملخص المباراة + لقطة فيديو إهداء - صفحة رقم 8 - نادي الهلال السعودي - شبكة الزعيم

][-al-za3eem-][ · #1 19/11/2005, 02:28 PM

يعطيك العافية اخوي ابو سارة
وكالعادة موضوع ابداااااااااع

وأمس الشباب ماقصرو

وانا معك في رأيك عن كماتشو

زيزووو · #2 19/11/2005, 02:28 PM

مشكور اخوي

كماتشو مسكات لعبه وفيه مشكله انه مايتصرف بسرعه وخصوصا في الملاعب اللي برا الرياض لانه اصغر
ومدري يبدع في مباراة وحده ضد فريق كبير بعدين خلاص اساسي كل الموسم
انا متأكد انه لو ماجاب هدف نصف النهائي والنهائي كان الحين هو في بيت امه

اما تفاريس علامة استفهام ؟؟؟

هلال الكل · #3 19/11/2005, 02:34 PM

يعطيك العافيه ابو ساره يازعيم الابداع المقالي

صدقت بالنسبه لكماتشو انا مادري وش شايفين فيه بالله عليك اخلي نواف في الاحتياط ولعب كماتشو اطلع الشلهوب وهو مستواه احسن من كماتشو متايصير لازم يحاسب اللاعب المقصر

بالنسبه لتفاريس انا اشوف انه صاير خشن وكثيره الانذارات عليه الموسم هذا لازم يحط حد لهذا الشي لكيلا يكون في يوم من الايام لاسمح الله هو السبب في خسارة بعد طرده في احد المباريات

ساري · #4 19/11/2005, 02:36 PM

مشكور ابو ساره مبدع دائما ...

أحــب الـشـلـ 10ـهـوب · #5 19/11/2005, 02:38 PM

إقتباس

الرسالة الأصلية كتبت بواسطة الهلالي- ابوسارة


	[COLOR="Blue"]الهلالي ابوسارة يعود لكم من جديد .. - كماتشو - انتقدتوني فترة من الفترات لما انتقدت مستوى اللاعب هذا .. تحملت وقلت اخواني ويمونون:sad: لكن اللي يدافع اليوم عن كماتشو فهو فقط يحب كماتشو حب قلب ماله دخل بالهلال !! تمريراته 90 % للوحداويين .. حتى ركنياته اللي يتميز فيها صار يلعبها دون نفس !! تحس أن وجهه مكشر ومو طبيعي (( يحق له مكانه الدوري الاسباني مو السعودي !! )) أتمنى من الادارة ترفع أمه بخصم وتهديد وترى المطارات تودي وتجيب .. والزين على قفا من يشيل. من ناحيتي عندي طلب لاخواننا الفنانيين بالتصاميم مثلي : أحد منكم يتبرع لي ويسوي تصميم ويحط فيه صورة كماتشو وصورة أمه جنبه ويكتب :- أمك بحاجتك والجنة تحت أقدام الأمهاات -------------------------- يقولون - وهنا نقول العهده على وكالة يقولون - ان الشلهوب مستواه نازل ومنخفض و..و.. الخ وانا أقول : لو كان الشلهوب يلعب وهو نايم .. فتوقع من يسراه أي شيء .. انظروا للهدف الأول .. ثم انظروا لتمريراته البينيه لياسر .. ثم احكموا بأنفسكم: من يستحق الخروج؟ كماتشو أم هـو !! كماتشو الثور للأسف كالعاده ستنتشر في المنتدى مقالات تنتقد ابو حميد أما كماتشو راح يطلع منها ! اليوم أبدع نوعا ما محمد الشلهوب .. أما ألأخ كماتشو كان معزوم في الملعب.. حلووووووووووووة تحلف بالله انه على الخط مع خالته مضاوي البرازيليه ومو في الملعب:p نجوم المباراة وبالترتيب : الشلهوب وبس اذا لعب الياس قلت يازين العصفور هجومي .. وااذا لعب العصفور قلت يازين الياس دفاعي.. واحترنا يا راشد معاك الشلهوب إن كانك تفهم انقليزي فاسمح لي أقول لك: آي لوف يووو .. COLOR]

مشكور وما قصرت حرام امس باكيتا يطلع الشلهوب وكماتشو يخليه 100% تمريراته غلط ويسحب وتنقطع اف احبك يا الشلهوب

رفيـع السـاس · #6 19/11/2005, 02:42 PM

يعطيك العاافيه على هالموضووع

وانا اقوولكم هالسنه عندنا مهاااجمين

والله يانااس جيلسوون مبدع مبدع كذا

وياسر اصبرو عليه بس مباراتين وتشوف ياسر الهلالي

تحياااتي

للتوواصل قائد الريم الهلالي [email protected]

الاسـتـثـنائـي · #7 19/11/2005, 02:44 PM

الهلالي أبوسارة ..

استمتع دائما بكتاباتك ..

انا معك في ان كماتشو .. لا يستحق ان يكون اساسيا في وجود الفتى الذهبي ..

واما تفاريس .. فأعتقد انك متحامل عليه قليلا ..

نجم المباراة من الوحدة : الكويكبي ..

نجم المباراة من الهلال : الشلهوب ..

blue tiger 30 · #8 19/11/2005, 02:48 PM

يعطيك العافية

مشكور

المقدسى · #9 19/11/2005, 03:16 PM

مشكور اخوى و انا معك بأن مستوى تفاريس نازل لكن لا تنسى بأنة عريس جديدو زوجتة بعيدة عنة و هو يحاول الان احضارها الى السعودية

thewolf6 · #10 19/11/2005, 03:35 PM

اخوي ابو نورة شايت الكوورة....!!!

كماتشوووو ما كانت الاداراة بتجدد له.... هذا كلام جمهور...فقط..

وكلنا يعلم ان التاخير في التجديد بسبب الفلوس...

وبالنسبه للمدرجات....!!!

أقول ما بقى تقول الا انا نصرواي..... مثل بعض الناس!!!!

اوكي المباراة الجاية واللي بعده وكل مباريات الموسم احضره وانا احضره... ويالله مين قدك بتعلمني احضر المباريات....

بس لا تزعل مني لاني ما اقدر احضر الا في الرياض مثل العادة.....

المباراة الجاية اعتقد مع الاهلي....انا وانت وابوساره محلل الزعيم نحضر سو..... بس وين الملعب موجود فيه....!!

عندما تنتقد انتقد بموضوعية وفي صلب الموضوع وعندما تخرج عن الموضوع فهذه مصيبة...!!!

وفي النهاية انا في انتظاركم في الملعب المباراة القادمة والدعوة مفتوحة للجميع....

واعتذر نيابة عن ابونورة لانتقاده جمهور المنتديات.... والذين بعضهم يواجهون ظروف صعبة تمنعهم من الحضور...

وختاماً لا لجمهور المدرجات ولا لجمهور المنتديات كلهم جمهور الهلال...

وسلامتكم

انتظرك يابونورة غداً...

abdulmajeed_1 · #11 19/11/2005, 07:34 PM

إقتباس

الرسالة الأصلية كتبت بواسطة thewolf6


	اخوي ابو نورة شايت الكوورة....!!! كماتشوووو ما كانت الاداراة بتجدد له.... هذا كلام جمهور...فقط.. وكلنا يعلم ان التاخير في التجديد بسبب الفلوس... وبالنسبه للمدرجات....!!! أقول ما بقى تقول الا انا نصرواي..... مثل بعض الناس!!!! اوكي المباراة الجاية واللي بعده وكل مباريات الموسم احضره وانا احضره... ويالله مين قدك بتعلمني احضر المباريات.... بس لا تزعل مني لاني ما اقدر احضر الا في الرياض مثل العادة..... المباراة الجاية اعتقد مع الاهلي....انا وانت وابوساره محلل الزعيم نحضر سو..... بس وين الملعب موجود فيه....!! عندما تنتقد انتقد بموضوعية وفي صلب الموضوع وعندما تخرج عن الموضوع فهذه مصيبة...!!! وفي النهاية انا في انتظاركم في الملعب المباراة القادمة والدعوة مفتوحة للجميع.... واعتذر نيابة عن ابونورة لانتقاده جمهور المنتديات.... والذين بعضهم يواجهون ظروف صعبة تمنعهم من الحضور... وختاماً لا لجمهور المدرجات ولا لجمهور المنتديات كلهم جمهور الهلال... وسلامتكم انتظرك يابونورة غداً...

^
^
^

زين اللي ماقلت بالطلعــــــه ! :p

إقتباس


	كماتشوووو ما كانت الاداراة بتجدد له.... هذا كلام جمهور...فقط..

زين أجل أنت منتب من الجمهور يعني .. !!؟ .. ماسك إدارة شؤون اللاعبين بالنادي ؟

إقتباس


	وكلنا يعلم ان التاخير في التجديد بسبب الفلوس...

كلكم ؟؟ .. مين كلكم ؟

إقتباس


	وبالنسبه للمدرجات....!!! أقول ما بقى تقول الا انا نصرواي..... مثل بعض الناس!!!!

لا لا حشى .. بس ترا مادري منهم بعض الناس .. ياليت تقولنا منهم ! ;)

إقتباس


	اوكي المباراة الجاية واللي بعده وكل مباريات الموسم احضره وانا احضره... ويالله مين قدك بتعلمني احضر المباريات....

أصلا ً أنا من زمان داري ان مافيه أحد قدي

.. بس أنا أعتذر عن الحضور

إقتباس


	بس لا تزعل مني لاني ما اقدر احضر الا في الرياض مثل العادة.....

عادي فيها البركه ..

إقتباس


	المباراة الجاية اعتقد مع الاهلي....انا وانت وابوساره محلل الزعيم نحضر سو..... بس وين الملعب موجود فيه....!!

لاوالله عندي طلعــــة بر مع الزقرت .. وما ظنيت ابو ساره بيخاويك عشانه حتى هو ما يدل الملعب

إقتباس


	عندما تنتقد انتقد بموضوعية وفي صلب الموضوع وعندما تخرج عن الموضوع فهذه مصيبة...!!!

يا حبيبي ما أعرف وش تقصده بالضبط بهالجملــــه .. اذا تقصد المشرفين والخ ..

أنت ما رديت علي .. كاتب أعجب رئيس النادي ..

.. مايعجبك يا كنق المدرجات ليش ؟؟

إقتباس


	وفي النهاية انا في انتظاركم في الملعب المباراة القادمة والدعوة مفتوحة للجميع....

جمهور الزعيم ما يحتاج دعوه .. ;)

إقتباس


	واعتذر نيابة عن ابونورة لانتقاده جمهور المنتديات.... والذين بعضهم يواجهون ظروف صعبة تمنعهم من الحضور...

اعتذر براحتك ..

إقتباس


	انتظرك يابونورة غداً..

وين ؟ ..

===================================

أعتقد الرد أعلاه كان تمثيله حلوه صح ؟

للأســــــف رد مدري وش يبي بالضبط ؟

يا خوي كل ذا الرد بتقنعنا إنك من الجمهور يعني ؟

أوكي .. يا شيخ أنت أطلق مشجع هلالي ..

بس حكاية إن الفلوس هي سبب تردد الإدارة عن التجديد مع كماتشو ..

محد درا فيها هذي .. أو يمكن أنا بلحالي ما دريت فيها ! للأسف

ردك يالحبيب ما شفت منه أي جملة تفيد بأن كماتشو متميز دائما ً

تفيد بأن كمـــاتشو أطلق من في الوسط ويستاهل الشلهوب التغيير

بسبيل أن يبقى ..

قلتهـــا العصر وها أنا أكررهـــا

يا خوي استريح بس .. !

على فكرة : لاتتعب نفسك بالرد ما قاله ابو ساره يكفي .. لاشفت اسمه يسارالموضوع

وخر هنــــاك ..

لا تتعب نفسك لأن هذا آخر رد لي ..

تحياتي ;)

الهلالي- ابوسارة · #12 20/11/2005, 04:15 AM

إقتباس

الرسالة الأصلية كتبت بواسطة thewolf6


	كماااااتشو لمسة واحدة منه تغير مجرى المباراة.....

يااخوي واللي يرحم والديك تراك نااط لي في بلعومي ..

كماتشو وجهة نظرك تقول : لمسة وحدة تغير مجرى المباراة ..

ووجهة نظري تقول : لمسة وحده منه تخرب الهجمة وتقتل المرتده ..

وسلام

--------------------------------------

إقتباس

الرسالة الأصلية كتبت بواسطة ابو نورة شايت الكورة


	استبيحك أخوي ابو ســارة عذرا في الرد على البعض نيابة عنك : أرى البعض قد جعل نفســه المحامي والمتحدث بإسم الأعضاء وربما المدعي العام .. بل وصلت سلطته إلى القــاضي .. وأحيانا ضابط المخفر المستلم طفشان .. - كماتشو - thewolf6 يالغالي حكايــة كماتشو ومستواه المنخفض بل الضعيف لم يكن وليد اللحظه يا أخي أحب أذكرك فقط بإن الإدارة الهلاليه ترددت كثيرا ً في قضية التجديد معه وهذا شي طبيعي ومعقول .. يا أخي افرض لو انه مثلا ً ماسجل هدف بالإتحاد في نصف النهائي ولا في مرمى الشباب في النهائي .. ما ودي أقول أقسم إن الإدارة الهلاليه سوف تصرف النظر عنه لاعب يموت اللعب حتى وإن كانت هجمة مرتده .. أناني أحيانا ً .. فيه غرور أحيانا ً أخرى هذا غير إعجاب وثقـــة باكيتا المطلقـــه و زج اسمه اساسي في كل مباراة تحياتي - ابو نورة شايت الكورة ;)

ابو نورة قريت ردك هذا فـ ندمت على كتابة موضوعي ..

قسم بالله انك قلت اللي قعدت أهذري ساعه وعجزت اقوله

وأدعو الأخ وولف6 انه يقرأ هالكلمات أعلاه بتمعن .. يمكن يعود لجادة الصواب ويبطّل عناد

يارجال شوي ويقول كماتشو قاطّ مع رونالدينو في فوز برشلونه على ريال مدريد أمس !!

ومـضـة ازغيرررة كتيير أدّ هيك ---> روحي ياللبناني يا أسعد فضّة

الومضه:-

ياحـظ الـكورة اللي تشوتها رجليك يا أبو نويّر

----------------------------------

إقتباس

الرسالة الأصلية كتبت بواسطة thewolf6


	اخوي ابو نورة شايت الكوورة....!!! كماتشوووو ما كانت الاداراة بتجدد له.... هذا كلام جمهور...فقط.. وكلنا يعلم ان التاخير في التجديد بسبب الفلوس... ...

عن اذنك يالتميمي أبو نورة خل أرد هالمره نيابه عنك

:-

تدري يالأطخم ان الادارة مارفعت اسمه للعربيه الا بعد تردد طووييل !!

طيب تدري أن الادارة كانت راح تقضبه الباب لكن بغى ( يتفلّت ) عليهم باكيتا !!

طيب تدري ان الادارة مقتنعه أنه لايستحق اللعب في دوري آسيا وتفكر في لاعب غيره !!

طيب تدري .. وتدري .. وتدري .. ولاّ بلاش !!

أما حكاية الفلوس وتأخرها فلا أقول لك سوى كلمتين :

سلامتك حبّي

11 مليون دفعت كاش لصفقة القحطاني ..

مليونين ونصف عرضت لمناور الطائي ..

مكافات ضخمة لأول مرة تصل في فوز هلالي ببطولة وتعدّت 100 ألف لكل لاعب ..

وتقول لي في الآخر ترددهم بسبب فلوس !!

لا معليش واذا ماعندك مصادر قريبه من النادي فـ ليس الكل مثلك

وهذا آخر تعليق على كلامك لأني إن طوّلت النقاش معك راح أطلّع الموضوع عن مساره ..

تشاو

-----------------------------------------

دبل كيك :

تعليقك على تفاريس أضحكني كثيرا وانت في هالمسائل أخبر يا ولد

أما كماتشو فلا أقول سوى : اللهم طوّلك يا روح ..

ردك كالعادة مهيب وضافي ورائع .. سواءا قص ولزق أو نسخ ولصق أو حتى خبط رفس

---------------------------------

بطل الفيلم :

الله حيّه .. واتفاقك معي أثبت لي أني على حق فيما ذهبت إليه ..

لأني من كثرة ما انتقدوني توقّعت اني شطحت بعيد !!

تحياتي يامبدع

--------------------------

راعي الجح زعيم هلالي .. منوّر يا ولد والكابتنيه تستاهلها وخلّك كذا في صفّي دوم وأبشر بمنصب المساعد

ورقة بلوت .. عوافي يالغالي وتسلم لي..

-------------------------

عـتـب على الجميع :

اعنبوا شيطان أهلكم كل ابووكم .. ولا أحد منكم طلع وشكرني على لقطة الفييديو الإهداء

:

:

سـلام في عـز الظـلام

زهرة الجاردينيا · #13 19/11/2005, 04:14 PM

اول شي مبروك فوز الهلال
و في نظري ان الهلال قدم مباراة جيدة وبدا يستعيد مستواه
وان شاء الله نشوف الزعيم بمستواه المعروف عنه في المباريات الجاية

أسير الوداد · #14 19/11/2005, 04:32 PM

يعطيك العافية يابوسارة على الكلام المهم هذا ,,,,,,,,,,,,,,,,,,,,,,,

وبصراحة كلامك في محلة ,,,,,,,,,,,,,,,,,,

ano0o0s · #15 19/11/2005, 06:36 PM

مشكور ويعطيك العافية يامبدعنا