خطبة + ملكة + دخلة .في ساعات معدودة
 

حدث ذلك لأحدالمعارف مع أحد أصدقائي ألأعزاء---هذه القصة حدثت له منذ عدة سنوات واليكم ماقال لي :-

في ليله من الليالي الماضية كنت عند أحد أصدقائي الأعزاء جدا...وكنت ساعتها في حالة غضب شديد مع أم العيال العزيزة ؟
وسألني الملقوف وقتها وش فيك وراك زعلان ؟
قلت :- أنا أنا ما فيني شيء أبي أتزوج ثانيه حتى إذا ضاق صدري من وحدة رحت للثانية (مسوي عنترة هو ووجهه ).

قال هو وجهه :- لا يضيق خاطرك ابد عندي زوجتك المطلوبة ...ولا يضيق خاطرك وأنا أخوك... أختي فدوه لك والله ما تغلى عليك يا عشرة العمر.

قلت له :- والله ونعم النسب وأنا أخوك وأنت تن شرى وأهلك بعد .

ما دريت إلا والرجال طمر من حيله وغاب عني نصف ساعة تقريبا ورجع .
قعدنا نسو لف إلا وربعه جابين تباعا واحد ورى الثاني ...بس واحد منهم جاء ومعه واحد وقور ومعه دفتر ؟؟؟
ما أمداهم يدخلون إلا وصاحبي بادره على طول ...ملك يا الشيخ ملك ؟؟؟؟
مسكت صاحبي على جنب وقلت له :- وش السالفة عندكم ملكه الليلة ؟
قال :- نعم بأعلى صوتة ( يعني أسمعو يالربع ) ملكتك على أختي ...وأنا شاورتها وهي موافقة .
والله النكبة...أنا ويني وين الزواج ...عندي خمسة عيال الله يحفظهم والله الورطة؟
المهم أعطاني هال كلمتين ورفع صوته ...يا لربع الليلة ملكت فلان ( يعني أنا ) على أختي فلانة ؟
المهم الشيخ قعد يقراء ...وأخوكم راح بهواجس ...ماص حيت منها إلا والشيخ يقول لي :- وقع هنا ؟؟؟؟

طالعت يمين ويسار إلا والربع يطالعون فيني ...ونط الملقوف صاحبي يقول :- وقع ألف مبروك ...منك المال ومنها العيال؟

عيال يفرقعون بطنك يا لبعيد أي عيال .... أنا عندي كوم لحم ( على قولت المصارية ) يا لخبل أنا متورط الحين ( أخ ياللسان لساني ذا ملقوف مثل خويي ) ؟

المهم وقعت وأنا محرج من صاحبي ومن أخوياه ( كل واحد يطالع فيني ويتبسم ) واستحيت أكثر بعد من الشيخ اللي مادآ دفترة للتوقيع ؟
طمر الشيخ بعد توقيعي وراح بالداخل مع صاحبي ( العزيز) L
وخذوا توقيع العروس وأمها ... بعدين دخل علينا الشيخ وصاحبي ...وبلسان واحد مبروك ألف مبروك ياأبوفلان منك المال ومنها العيال ؟؟؟
شوي إلا وصاحبي يقول تفضلوعلى العشاء .يا هلا ومرحبا تفضلو يا لربع وأسفين على القصور .

مفطح وعليه تسعة أنفار بس ( وأسفين على القصور)J

تعشينا وشوي شوي كلا بداء يسري ...فقمت أنا بأسري إلا وصاحبي مسكني :- وين ..خذ حرمتك معك؟
قلت له :- أنت صاحي وإلا مهبول ...بعدين بعدين.... على الدخلة ياأخي .

قال :- أنا اصحي منك ...ما عندنا دخلة وكلام فاضي خذ زوجتك بس وتوكل على الله ...الله يوفقكم؟
والله الورطة وين أوديها بس ...تدري هذى فرصة J

قلت له :- أنت عارف ما عندي استعداد لهذا الشيء خلها عندكم وبعدين أعود أخذها لما أجهز لها مسكن ....مسوي ذكي J
قال :- لا تخاف مجهزين لكم غرفة بطرف البيت تنامون ليلتكم فيها والصباح رباح .
يا ورطتي ورطاه ....يا لربع ما أبي ...ماودي ...وليه وش وداني ذي الليلة عنده ...و.و.و؟
دخلني عليها ولد الأجاويد ( النذل ) ...وخلاني في حيره ؟؟؟؟؟
المهم دخلت عليها وشفتها L

تبونا نكمل القصة كملناها ...... وأذا ماودكم ... يكفي هذا الجزء منها وكل واحد فيكم يكملها على خاطرة .... وأنا تعبت من الكتابة ....أرجوكم أسمحو لي بالراحة شوي ولنا لقاء يوم غدآ أذا تبون نكملها لكم .

تحياتي للجميع:cool:

السلام

العزيز J.A.J

وش تبين اقول

فيلم هندي ولا فيلم مصري قديم

على العموم مافي القصه مايخالف سنة الله ورسوله

لكنها بصراحه خياليه

وان بغيت رايي

فأنا اكره اكره الزواج من ثنتين

اذا عندك وحده ومتفاهم معها وفيها كل اللي تتمنى

وشوله القراده والزواج مره ثانيه



الحريف

مسوي فيها يوسف شاهين أنت ووجهك :rolleyes: ,,,

قم قامت عصبك وجب لنا تالي القصه :mad: ,,,

<=== حاقد عليك من يوم قلت إنه عقل علشان في إنتخابات مشرفين جدد :cool: ,,,

تحياتي لك ,,,

يووم وصلت اهم شئ بالقصه
تراني انتظرك بسرعه كملها
مع انها غريبه شوي بس والله حلوه

أقووووووول هالفيلم وين شفته أنا :D ...

إسمع إذا كانت قصة حقيقية ...

فهي تحتمل أحد أمرين ...

1 - إما صاحبك يعزك مرررررررررررررة وأهم شيء عنده أنك تكون مبسوط ... وها والله ونعم الصاحب ...

2 - إما أنه ورطك في أخته اللي يبي الفكة منها :D ...

أنتبه لا يكون الإحتمال الثاني ...

ولك تحياتي ...

أخوك / سفر المرزوقي .

هلابك بعد حيي

تسلم يالغالي

الا كمل ومتزين السوالف الا ونت لك به سالفه


حبيب قلبي والله يا

ودي أقولك يابو .....

اختار


ودي اجاوبك بالكنيه لو سمحت يالغالي

كمل عااااااد وش صااااار
الله والعالم ان مقلبببببببب وكل شيء جايز ننتظر بسرعه :)

والله نشبه ... انشب فيها خويك ..:D الله يعينه

كمل J.A.J وانا اخوك بس لاتطول هاه ...;) هع هع هع كخ كخ








تقبل تحياتي
I'm BoW WoW ...:cool:

لالالالالالا
لازم تكمل ترا انت وصلت عند الزبدهوالمفيد مايصير كذا :rolleyes: :rolleyes:

والله ياخوي عندك عالم كل الامور عندهم متيسره لكن بلواك فينا يابعدي اللي الواحد مننا يقعد يجهز والمدام من هناك تجهز كم شهر ويامعين بس ...

حلوه القصخ ولعلها تكون للفائده اكثر منها للنشر فقط

شوقتنا للباقي والاتبينا نكمل وتختبر مدى سعة الخيال عند الاخوان والله فكره مناسبه

اخوي جاج

خلك عنك الخرطي والسوالف اللي ماخوذ خيرها

واما سالفة انك بتتزوج ثانيه( مافيه امل) فكثر منها

واحسلك انضبط والا والله لا اعلم عليك واخليك

تندم انك كتبت هالموضوع

ههههههههههه

بصراحه الموضزع حلو جدا وننتظر الجزء الثاني على احر من الجمر


تحياتي لك ياغالي

خله علشان مره ثانيه ما يجيب طاري الزواج مره ثانيه

الأخ الغالي J.A.J:

قصة رائعة جداً جداً ولكنك خربتها في الأخير :( وحرقت أعصابنا :( يعني أهم شيء في الموضوع ماتكتبه :(

آه منك ثم آه ثم آه ...

ياريت تكمل لنا باقي القصة ولك خالص تحياتي ..

أخوك
أبو فيصل

ياخوي جاج

وراك ماترد ، تراك طولت ، وش تنتظر يا ....فيكتور هوقو

بعدين انا مقابلك في زواج ولد ابو ناصر ، ليش ماقلت لي القصه ياقليل الخاتمه .
والا خايف اني اكتبها قبلك .