بسم الله الرحمن الرحيم

السلام عليكم ورحمة الله وبركاته ...

أخواني مساكم الله بالخير شفنا امس الفضيحة الصغرى متمنيآ من الله عز وجل اللطف في

الفضيحة الكبرى في كاس العالم ..

كلنا شفنا المبارة امس قمة البرودة لعب بدون نفس تحس انهم مغصوبين < ينعن ابو الفرق بين ها المبارة ومبارة الارجنتين وانقلترا

ببدا على طول .

العله :
القاضي الله يسلمكك من المدافعين اللي هه هه معليه لاهو بزين ولاهو بشين لاكن الغاني رقم 3

الضاهر عطبه امس تسان القاضي قام من النوم ولاحس بشي بضهره عقب الطيحه فأن الله فكه

طيحته امس تخلع تحس ان العمود الفقري انعفط ..

العلاج :

أول شي يروح يكشف على ضهره يشوف فيه خدش مخش الله يستر .

ثاني شي يبيله تنبيه على التدخلات القويه يفتك منها .

صدقوني الدفاع بـ المنتشري والقاضي اصرف اهم شي الانسجام ...

القاضي دفاعه حلو وسريع بس يعيبه بعض الاحيان يسرح وش يفكر فيه مدري

الا انه تسان شاريله اسهم ويفكربهن مدري عنه . <<ان كانت في الراجحي من الحين اقولك بع بع بع



طلال وما ادراك ما طلال انا عن نفسي اسميه الاعب الثلاجه بارد الا ابعد الحدود ..

عمركم شفتوا لاعب ياخذ كوره من قدام الباب ويروح للزوايه هذا يا مريض يا احول ...

والله كم كورة ياخذها ثم يدربيها يا يمين يا يسار يموت اللعب غصب تحس انه يستلعن على العالم

الاهلي ماطلع من البطولة الاسيوية الا بسبته ..

المفروض واعوذ بالله من كلمة مفروض << يسمع بـ أنا واعوذ بالله من كلمة انا

سعد اساسي لاكن كالديرون لحق رايه ودخله اساسي الله مير يهديه انشالله الاخيره .

8
8
8
هذا ماله علاج ابد .. اقرب تشليح ازين ..






الدوخي يافري جيبي فرياه << ابن امه يعرف معناها

الزبده الدوخي من يوم ترك الهلال خاصة والمنتخب عموما الجهة اليمنى تقول خريص فاضيه .

فيها البحري لاكن تحس انه ماهوب فيه .. مدري احس اني ما هضمته << تكفى يا باكيتا

لاكن من جد يبطي وتبطي ويبطون يجيبون مثل الدوخي في اليمين

وتسان ماهم بجايبين الدوخي للمنتخب لأي سبب من الحين اقولها << غبر ياثور وعلى قرنك

المنطقة اليمنى من يوم كان فيها الدوخي تعتبر من اقوى المناطق في المنتخب

انا ادري وانتم تدرون وكل العالم يدرون الدوخي افضل ضهير ايمن في السعوديه

ماخذه للمنتخب ليه ؟

طيب لو مسويله بلا او متهاوش . احرمه من المنتخب!! يعني كلهم عاقلين والدوخي راعي مشاكل


عموما المنتخب امس ماقدم المأمول منه خصوصا ان الزكرت كلهم < يعني النجوم كانو فيه

وحسافه كنت احتري القحطاني والعنبر لاكن مالله كتب .



@ لو معي رقم جوال ســـــــــــامي كان أرسلتله ها الرساله :

سامي بلاش دلع وينك معاد تنشاف << مسوي خويه .

اقصد في المباريات معاد تنشاف عسى ماشر الدب (((( << المقصود هنا جمس ابو عبارتين البلوي << والمقصود : اسم مطعم في الملز عليه بروست يهول القلب لاكن الحين مدري وش جاه برسته يابس تقول بلك تكسر سنونك وتبرد العيشة وانت تقرط في الدجاج ...
كل هذا برى الموضوع نرجع للموضوع ))))

مستانس يحسب انك منت بلاعب ابد عاد امش العب مع اخوياك وخل عنك العجز صايرن سوداني تلعب مباره وتجلس شهر راحه ..

لاتنسى بكره الاستراحه ولاجيت تروح دق وسكر على جوالي << من جد مسوي خويه

خلااااااااااااااااااااااااااااااااااااااااص .

انا قضيت كل مافي الموضوع اني بنزل موضوع ولا ادري وشلون .

وحبيت اني استخف دمي الثقيل عليكم .

يلاه تامروني بشي سلااااااااااااااام .

كلمة اخيرة :

طلال يـــــــــــــــــــــــا جعلي ماشوفك لافي المنتخب ولا الاهلي ولا الرياضة كلها .











دقيقة تذكرت شي شفتوا الكبري اللي في زايد ههههههههه الله يرجك يالغاني ..

رقم 3 ماهو بسيط قولو لـ ابو فيصل يجيبه . ودي بها الكوبري في شريفي ولا الخوجلي
اهم شي يكون لابس فنيلة الهلال ..

<<< كثرها وهي قليلة صـــــــح !!! لو اني جالس قدام واحدن فيكم وجنبه بريق ولا دله تسان الحين
حاط يدياتي على راسي فالقني فيها لا وانا زابن يلحقني بالافناجيل والبيالات ..


يلااااااااااه باي ..