* مـظـاهــر الـعـيــد *
 

[align=center]

يختلف تفاعل الناس مع العيد من شخص لشخص ومن ديرة لديرة ومن طبقة لطبقة ..
هالمرة أبتكلم عن العيد في الرياض لأني عايشت أحداثه وراح أوصف ما يمكن أن يعيشه شاب أثناء العيد ..
طبعا مسألة اجتماعات الأقارب أثناء العيد هي ولله الحمد مازالت هي السمة الأبرز لمجتمعنا و تكاد و تكون هي الفرصة الوحيدة للشخص بأن يلتقي مع أقارب له لم يرهم منذ مدة طويلة و علشان كذا أنا أحرص على مثل هالجمعات .. :)




التسلية والترفيه


في الرياض أماكن الترفيه محدودة يعني زي منتزهات الثمامة و كم مدينة ملاهي وكم حديقة والساحات المؤقتة حقت العروض ..
لذلك نجد أن البعض رجع مرة أخرى للأسواق والمجمعات اللي كان فيها زحمة تقارب زحمة رمضان !! :wallbash:

بالنسبة لي رحت للمنتزهات وساحات العروض اللي كان فيها عروض (لا بأس ) و دباب وعروض سيرك ومسرحيات والحدث الأجمل في العيد من وجهة نظري كان الألعاب النارية ..



فراشات

كـشاب .. لفت نظري انتشار موضة جديدة ( البنات) ألا وهي عباءة الفراشة وهي رغم أنها تلبس على الكتف إلا أنها تختلف من كونها واسعة ولها كم ضيق وهي من وجهة نظري أهون من المخصّر والمزركش و غيرها رغم بعض الزيادات والألوان اللي ما تخليها بعض الأمزجة !s6s



أبو عيون جريئة

اللي أنا أخبره , أنه إذا تلاقت عين الشاب مع عين الفتاة فمن الطبيعي أن تنخفض عين البنت لأن من طبع النساء الحياء و لكن الحاصل الآن يبدو أنه غير كذا !! :nono:
ومن تجربة شخصيّة لمحت أحد البنات و هي تراقبني بنظرّة ( خيّاط ) يريد أن يأخذ مقاساتك ! :rolleyes: وحينما ركزت بنظري تجاهها لأجعلها تغير نظرتها للاتجاه الآخر وجدتها ما زالت على نظرتها !! s81s
ورغم أنني أعتبر نفسي جريئا إلا أني استحيت و غيّرت اتجاه نظري باتجاه آخر وسط ذهول منّي ! s77s



ممكن توقيع

أحد المنتزهات في مدينة الرياض استضاف بعض الأمسيات الشعرية .. بصراحة فكرة حلوة لكن ربعنا ما يصلح ينحط عندهم أماكن مشاهدة للنساء ( يا ليت يجلسون ببيوتهم ) , و أتمنى ممن حضر أن يكتب في ردّه عن هذه النقطة علشان أكون حيادي ! ;)



فلكلور


بصراحة لا أستطيع أن أخفي اعجابي بالعرضة السعودية والسامري ( فرقة الدواسر ) أثناء حفل العروض الشعبية بمنطقة ( قصر الحكم ) و العب و تنكّس يالخال ! s60s



مطاعم ( off )

فيه ناس كثير توهقوا لأن اكثر المطاعم كانت مسكّرة يوم العيد ,, و احد يمزح قال : لو يوم العيد ينصام كان بدينا صيام الست !! :d



صندوق الصادر
تكثر عبارات التهاني

ولكن

أجملها هي
أبسطها

( كل عام وانتم بخير ) ;) [/align]

وانت بخير وصحة وسلامة ::



يعطيك العافية :: :)

[align=center]حي الله اخوي
الحاااتمي
كل عااام وانت بخير
ومن العايدين الفايزين
وتقبل الله منا ومنك صاالح الاعماال <<.<< بقي شيء ولا خلاص :D



انا معك اخووي بهاذي النقطه
لانه كل طبقه تختلف عن الطبه الي غيرها :D

عاد وانا اخوووك الله من التبويس بمثل هالاجتماعات خصوصا اذا كنت مبطي ماشفت الرجاال :D





انا من نااحيتي مارحت لشيء من هالي حااطين
لانه بصراااحه احس انها ماتشجع s19s
ولاشفت شيء يشدن لهم s102s



الا ماقلت لي وين شفتها :rolleyes:
انا مالفتت نظري :D




وووووه بس ولك يؤبرني هالي يستحي :clapping:

تبي الصدق طاارق
ماتنلاااام البنيه اذا بحلقت فيك :D



انا بصراحه ماحظرت علشان كذا ما اقدر اقول رايي <<<<< طيب ليش ترد :upset:




لاتفوتك بعد الدحة حقت اهل الشمال
شفتهم بالتلفزيون وتحمد ربي على العاافيه :D



غريبه والله :ranting:


8
8
8

عندي بصندووق الوااارد s69s






تسلم يالحااااتمي على هيك موضوع
والصراااحه هالشيء موووب غريب عليك يالمعد s60s




تحياااااتي لك كلياااتك s9s
اخوك بروق نجد[/align]

[align=center]
الحاااتمـي ..
عـااادة مايمـر مدرعـم ..
بس الظااهـر انه نشـب بشبـك.. :p
وكتـب فضفضـــة عيــديــــــــــة ...

بعـد ماقريت موضـووعك دحدرت يم الاقتبـااااس .. وشكيت هااك الرد .. بس المشكلـة ان علق .. قلت الشكـوى للـه ..

بعد فصفصـة المـووضـووع .. فعـلاً جااازلي .. باللـه وسـع شـوي يالحااتمي ..

العيـد يختـلف من ديـرة لديـرة .. شي أكيـد .. نظـراً لاختـلااف العااداات والتقاااليـد وطبيعـةالبشـر .. بس صدقني .. العيــد في الهجـر أو القـرى لـه طعـم مختلف كليّـاً عن عيـد المدينـة.. انا أهـجّ عن الدمـاام كل عيـد .. أعيـد في ديـرتي بإحـدى الهجـر .. عيـد غيـر فعـلاً .. من بعـد صـلاااة الفجـر وانت ماااغيـر طردي ورااا الشااايب الىىى صـلااااة العشـااا .. شي راائـع ولايوووصف .. سعـة صـدر .. وفلـة حجـاااج .. وراااحـة نفسيــة .. لا(زركشـة) ولااا تكلـف ..

أجمـل منتـزه .. لما تجلس مقااابل هالبعـاااريـن .. خصـوصـاً حـزة المغـرب ..

من ناااحيـة الفراااشـة .. زيـن لو صفـت على البنـاات .. المشكلـة الآن .. هي ظاااهـرة ميـووعـة الشباااب ... والتي تفشت بشكـل مخيـف بين الشـبـاااب .. ومثـل مااذكـر برووق .. اللـه يلووم من يلـووم البنت لا(بحـّـرت) وبحلقت فيـك ..لك تخـزي العيـن .. :d ...


فضفضـة .. ومعـاايـدة راائعـة .. صحيـح ان اجمـل المعاايـداات هي ابسطهـا .. والأجمـل .. هو ماتخطـه أو تطقطقـه اناااملك على الكيبـوورد .. والله يعطيـك العاافيـة .. وكل عاام وانت بخيـر ..


مع تحيااات .... اخووك // دبـل كيـك ...[/align]

[align=center]هلا أخوي طارق كل عام وأنت بخير حبيبي ،

الحاتمي هالمرة لم يمر من هنا ،،،، غريبة :d :d

بس ودي أسألك: العيد مر من عندكم وإلا لا؟؟؟
حنا بصراحة مامر من حارتنا يقولوا مر من الشارع الثاني اللي جمبنا :d
لا حسينا بالعيد ولا طعم العيد
،
طيب البنت ما ذبت الرقم وإلا شيء :d :d ؟ !!!

على طاري صندوق الوارد
أول من أرسل لي رسالة يهنئني بالعيد هو أنت يالغالي ،، ومشكور عليها وكل سنة وأنت طيب


[/align]

صلاح -
الرياض

اللي أنا أخبره , أنه إذا تلاقت عين الشاب مع عين الفتاة فمن الطبيعي أن تنخفض عين البنت لأن من طبع النساء الحياء و لكن الحاصل الآن يبدو أنه غير كذا !!

والله انك صادق

ثانكس علىالموضوع الممتع والجميل

[align=center]يلله حي ابو حاتم

كل عام وانت بخير يابعد حيي :)

اقول والله يازين العيد في بيتكم تواصل وتتغدى وتنام الين الفجر << وقم صل اللي فاتك :rolleyes:
وبعدها طال عمرك البر بعيد عن لجة هالرياض وشوارعها


بالنسبه للعروض اللي تقام بالرياض ,, تبي الصدز والله تطورت ماهي مثل اول قبل خمس سنين او اكثر ,,

والقادم اتمنى يكون افضل

يعني اخبر اول العيد بالرياض كنه عزا مابه احد ابد لكن الحين اشوا شوي ;)

المهم ان العيد وناسه :d [/align]

[align=center]ياهلا بالحاتمي :)
كل عام وانت بخير {بعد الزحمه}
7
8
انتم يأهل الرياض مهتمين فيكم مسرحيات ودنيا :p
لكن حنا يأهل المدينه مالك الى علوم الشيبان{توسع الصدر لاضاق}

المشكلة كل شوي طالعين لنا بمصيبة جديده اسمها الموضه :sad:
أبو عيون جريئة

والله احمد ربك الي ماقامت عليك
الحين والله بعض البنات ضحكه بصوت عالي ولبس مخصر واذا كلمها من هالشباب التعبان قامت تصايح
طيب ليه تسوين كذا دامك شريفه
مطاعم ( off )

اجل منت من اهل المفاطيح بالعيد :D


بس والله هالعيد ماهو زي الي قبله ماله طعم ولا ريحه :rolleyes:[/align]

هلا والله بالحاتمي وكل عام وانت بخير :D :D :D
أجل مرمرة بين الفعاليات !! بس ماودك يحطون الالعاب النارية بالنهار !! عشان مايخافون البزارين :D :D :D

يقولك اول كانت الحرمة تلتصق بالجدار اذا مرت بجانب رجل حياء !!! لكن هذه الأيام صار بعض الرجال هم من يلتصقون بالجادر اذا مرت بجانبهم المراة !! :wallbash: :wallbash: :wallbash:

الأصل في العباية هو ستر المرأة !! بس هالعبايات الملونه يبي لها ستر :D :D :D

وكل عام والجميع بخير>>> وبكرا دراسة>>> ياحبه للتنكيد :D :D :D

[align=center]خلودي

الله يعافيك وكل سنة وانت طيب :)


بروق نجد

مشكلة التبويس الأدهى من ذلك << ما يمديك ;)

هي إذا صارت على جهة واحدة مثل بعض المجتمعات !! s6s


بس أنصحك إذا تبي تحب الدحّة , تشوف الدحة على أنغام ( فيفتي سنت ) !! :d



دبل كيك

يا مال العافية و كل عام وانت بخير :)

والله لا يهينك نبي تحط لنا وصف منتزه ( البعارين ) !! :d



وللبقية عودة ;) [/align]

[align=center]عاشق الزعيم من اليمن


كل عام وانت بخير :)

إلا متى تمر أنت و نشوفك ;)

اجل البنات هم اللي صاروا يذبّون الرقم !! أخبرهم العيال !! s6s



الكلاسيكي

حياك , و شكرا على مرورك :)



هلالي سمعا و طاعة


هلا بالذيب و كل عام وانت بخير

أقول باختصار : اللي معه كحيلان يعيّد بالديرة ؟!! ;)[/align]

العنا مر من هنا ويقول يمكن امر ثانيه :d

[align=center]بدون اي مرور وتظليل.. حياك الله الحاتمي..


كل عام وانت بخير





تصدق هالفعاليات ماعمري رحت لمها وبالاصح مافكرت من الاساس ومافي اي نية مستقبلا.. بصراحه احسها ضحك ع الدقون وتنفع للاطفال وكبار السن فقط..






ياخي اهل الرياض في خير اذا عادهم ع الفراشات :) ..


محدثك كان في مكه في العشر الاواخر ..وفي يوم اضطريت اطلع لجده وللاسف احتجت اني ادخل سوق من الاسواق.. وكانت الصدمه..ولاحظ بالعشر الاواخر..

انت زعلان من اللي عباياتهم مثل الفراشه.. ياطويل العمر شفت بنات الله يستر عليهم ايميلاتهم مفصله تفصيل في طرف(الكم بضم الكاف) العبايه حتى يبرزونها ويخفونها وقت مايبون..
والادهى من كذا الشباب.. تخيل وصلت التكنولوجيا الى انهم يلبسون احزمه فيها شريط الكتروني مزوده ببطاريه صغيره.. وطبعا يمر في هالشريط الاسم ورقم الجوال والايميل وبعض عبارات الاغراء :rolleyes: .. تخيل هذه يحدث جهارا وعلنا امام الجميع وفي العشر الاواخر..

وازيدك من الشعر بيت.. في شنط بتجلب قريبا للبنات وفيها نفس الشريط الالكتروني!!!!!!





صدق مقطعك الحيا.. ع فكره عادي النظرات.. الا قول لي وماني معلم احد :rolleyes: قطت الرقم ولا لأ..


الله يستر علينا وعلى المسلمين.. ياليت توقف الامر عند النظرات فقط..


اضف عليها واوفرها :d ..



تحيتي لك..[/align]