|
قصتي مع تشجيع الهلال فيها مغامرة مرة حلوة [align=center]السلام عليكم احبابي الهلاليين هذي قصتي مع الهلال وان شاء الله تعجبكم نبداء القصة كنت ايامها صغير ولا ارعف كورة واندية الا لعب في الحارة وواحد معي بس هو اكبر مني ويعرف الفرق ويشجع نادي النصر المهم قال لي وش رايك نروح للملعب قلت اي ملعب قال لي ملعب الكورة قلت له طيب ولا ادري وش السالفه المهم خذني معه ورحنا للبطحاء لقينا باص يقول ملعب ملعب ركب خوي وركبت معه والله مدري من اللي دفع هو ببلاش ولا بفلوس مدري المهم وصلنا الملعب ونزل خوي وانا وراه مثل الاهبل لان ايامها كنت صغير ولا ادري وش الطبخه هههههههههههههههههههههههههههههههههههههه المهم دخلت انا وخويي النصراوي للملعب واول ما شفت الملعب انبهرت ملعب مخضر شكله حلو ولون ازرق دخل قلبي اول ما شفته ولما سجل ريفو الهدف قمت اطامر من الفرحه وانا في مدرج النصر قال اللي معي الهدف مو لنا علينا ولتفت علي احد النصراويين وعيونه محمره من القهر وقال ياورع ترى مدرجهم هناك واشر بيدة الى مدرج الهلال وبين الشوطين رحت للمدرج اللي اشرة علية وتركت خويي لاني بصراحه اول مرة ادخل الملعب ويوم شفت طقم الهلال عجبني ولما فاز طرت من الفرحه معهم رغم اني اول مرة احضر مباراة واول مرة اعرف الفرق طبعآ انا بعد المباراة ماشي مع الجمهور الهلالي مشيت معهم ولقيت نفسي عند باص ركبت فية وهو اصلآ باص الهلال وكل من ركب في الباص قال هذا جاي مع مين ومع الفرحة والزيطه مشى الباص ووداني نادي الهلال وانا مفكره هو الباص اللي جابنا انا وخويي من البطحاء و بيرجعنا بيتنا ههههههههههههههههههههههههههههههههههههههههههههههههههه المهم ودانا الباص لنادي الهلال بالناصرية ومع الصيحه واللمة والصياح والافراح نسيت نفسي ويوم جاء بعد العشاء الا وانا اصيح لان الناس راحت لبيوتها وانا معرف بيتنا وينه ههههههههههههههههههه جاني سمير سلطان وقال لي وش فيك وقلت له اني ركبت مع الجمهور غلط وخويي اللي يعرف الباص والبيت ضيعته وهو يكلمني طلع فهد المصيبيح وشاف سمير يكلمني وانا ابكي قال وش فية قاله مضيع بيتهم ولا معه احد يوديه تكفل وقتها فهد يوصلني البيت رغم اني قلت له الديرة بس ووداني جزاه الله خير وقعد يلففني لما اعرفت الدوار وقلت له هنا بس ادل الباقي قلي اكيد قلت اية ونزلني ومن اليوم الثاني وانا في نادي الهلال عاد من قدي صرت ادل ههههههههههههههههههههههههههههههههههههه وعملت زحمة في النادي كل يوم جاي وتعرفت على اللعيبة وكان بعض الاحيان يتمرن الفريق خلف نادي الهلال في ملعب كورة اليد ومن اللي تعرفت عليهم والمعروفين صالح العريض مدرب كرتية وتدربت معه كم يوم ويوم شفت التدريب شاق بطلت ههههههههههه وتعرفت على صالح الطريقي كان كابتن الفريق الهلالي لكورة اليد ونجمة الاول وكان يقعدني في المرمى ويشوت علي من نصف الملعب ويسجل هدف ههههههههههههههههههههههههههههههههههههههههههه وفهودي كان احلى لاعب هلالي وتلفون نادي الهلال دايم يرن ومرة كنت في الصالة واللعيبة في التمرين ومعهم الادارة قمت رديت الا وحدة تقول لي نادي الهلال قلت نعم قالت ممكن اكلم فهودي ( فهد عبد الواحد ) قلت في التمرين قالت لا طلع قول له اتصلت علية قلت طيب ولا قلت لها من انتي ولا شي ويوم طلع فهد قلت وحدة اتصلت تبيك قال لي منهي قلت مدري هههههههههههههههههههههههههههههههههههههه وتعرفت على مدرب المنتخب سابقآ (الخراشي ) وكان دمه خفيف كل ما شافني يأشر بيدة على صدري ويقول لي لما تاكل حلاوة لا توسخ نفسك والتفت ولا القاء شي يقول لي عليك واحد ويضحك علي هههههههههههههههههههههههههههه وبعد النيفاوي كان يطلع من التدريب ويشرب سجارة ويقول لي انتبه لو احد جاي علمني وانا اضحك وقول له طيب ورجع اقول معقولة كبير ويخاف احد يشوفه هههههههههههههههههههههههه المهم وقتها كان عمري بين الثمان والتسع سنوات على معتقد ولي قصة غريبة لو احد كان موجود ايامها راح يعرفني كنت العب في ملعب السلة مع شباب وكان ولد المباشرة السوداني في نادي الهلال واسمه ساتي على معتقد ينادي ولده ولا سمعه حمق علية وشال حصى ورجمه جت فيني وطلع الدم شالني احد اللعيبة والله ناسي منهو المهم وداني الشميسي وقال لي لو سألوك قول لهم طحت على حصى قلت طيب قال معك فلوس ترجع بها النادي قلت لا عطاني عشرة ريال وقال مقدر استنى معك لان التدريب الحين بيبدء المهم حلقو راسي وحطو ربطة واخذت تكسي ورجعت النادي يوم وصلت لقيت النادي كله يتكلم عني وحتى رئيس النادي طلبني وكان الامير هذلول بن عبد العزيز دخلت على رئيس النادي وقال لي كيفك الحين قلت الحمد لله قال الله يهديك ماشفت الحصى قلت له الا قال وراك ما وخرت عنها قلت له وخرت بس هي جت لافه مثل شوتت ريفو ضحك وعطاني الف ريال ما صدقت عيوني من الفرحه هههههههههههههههههههه المهم قال لي مدام انك كل يوم عندنى وش رايك تشتغل معنى قلت طيب ولا قلت كم الراتب ولا شي وخرجت فرحان قعدت شهر اصرف منها وشريت لي سيكل يوديني ويجيبني وبعدها بكم يوم ناداني سكرتيرالنادي وقال لي مو قلت بتشتغل قلت اية بس مدري وش اشتغل قال خلك مع ولد السوداني تجهزون الكور والطقوم حق اللعيبة قلت طيب وكل يوم وانا مداوم من الساعة 2.30 رغم انهم قالولي تعال كل يوم الساعة ثلاثة ههههههههههههههههههههههههههههههههه وبعد كذ انشغلت بالدراسة وتركت النادي وصرت اجي له كل خميس وجمعه وبعدها انقلنا للمدينة وقعت فيها حول السنتين ولما جيت لقيتهم انقلو للعريجاء ولما رحت لقييت العالم تغيرت وصار هناك رسميات ودخلو ببطاقة مو مثل اول المهم بصراحه كانت الحياة حلوة وعادية ولا فيها رسميات مثل اليوم ونادي الهلال مفتوح لكل واحد لا تذاكر ولا ممنوع الدخول قصة حلوة صح ولا تحياتي مع السلامة[/align] |
ليش ماقلبتها فلم أما قابلك فهد المصيبيح كثر منها :laugh: :laugh: |
والله طلعت راعي مغامارات |
انت لو توصل القصة للرئيس كان كرمك وحط لك حفل تكريم بعد :d |
والله منتب سهل تضيع مثلي قبل :D امّا الحصى جت لافة كثر منها :laugh: والله قصص ممتعة ماننحرمش :D |
إقتباس:
|
هلا اخوي مقدر الهلال عندك منتج مخرج بسويها فلم بعدين لا تكذب الناس اخوي ما دمت ما تعرف شي وعلى فكرة فهد المصيبيح اخلااااااااق جدآ ممتازة عموما شاكر لك تواصلك معنا تحياتي مع السلامة =========================================== الشلهوب الازرق يسلمو اخوي على الزيارة والمشاركة تحياتي مع السلامة ========================================== blue_9 يسلمو اخوي على المشاركة وبعدين الالف مو مكرمه الا جاب لي سيكل وتدلعت لمدة شهر ههههههههههههههههههههههههههه تحياتي مع السلامة ========================================== زعيم هلالي يسلمو اخوي على الطلة والمشاركة بس اقول لك مدري وش لون طلعت مني الكلمة بس جت حلوة استلمت بعدها على الف ريال ههههههههههههههههههههههههههههههههههه تحياتي مع السلامة |
ما شاء الله عليك ويعطيك العافيه وصدقت زمان في كل شي احلا حتى بالاخلاق |
قصتك كذا s60s |
القصه حقيقه والا خيال صدق والا كذب المهم ممتعه واحسن من جستنيه قال وماقال وارجوا التثبيت s13s |
قصة من جد مغامرة |
مغامره كذا s60s |
المصيبيح والله اخلاق انا اعرفه والي مو مصدق انه اخلاق :wallbash: مشكور على ذكر القصه s60s |
اما القصة هذي فمن جيبك صح :d |
ههههههههههههههههههههههههه وربي مت عليك من الضحك ههههههههههههههههههههههههه وخاصة هذي وكان الامير هذلول بن عبد العزيز دخلت على رئيس النادي وقال لي كيفك الحين قلت الحمد لله قال الله يهديك ماشفت الحصى قلت له الا قال وراك ما وخرت عنها قلت له وخرت بس هي جت لافه مثل شوتت ريفو ضحك وعطاني الف ريال ما صدقت عيوني من الفرحه الله يرجك بالتوفيق للجميع |
| الوقت المعتمد في المنتدى بتوقيت جرينتش +3.
الوقت الان » 02:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd